呢個競賽呢係創作吟詩作詩競賽啦。
咁大家見到個topic都知道咩黎，姐係寫詩咁解
首先唔可以由網上copy抄襲他人詩詞，必須原創，寫成點都冇所謂
除左參賽獎都會額外有獎，亂作一通又唔順唔似詩果d就冇額外獎
寫得好就論詩行賞，會認真咁評分


例子1...

内容（愛情篇）
今日你我痛分離，
相思萬年肝腸斷。
今生若是情已盡，
來世願作鴛鴦鳥。
生老病死永相隨，
相依相守無盡期。


例子2...

内容（仰慕篇to angelababy）
保重身體最緊要，
飲多湯水加生果，
工作辛苦諗下我！
心靈肉軆支持你，
需要我時call一call，
天涯海角都赴約。
刀山油鍋為你擋，
生生死死跟隨你，
對你的愛永不死！


以上例子全部都係自家創作by Brief！
文奏奏又得，捉字塞又得，當然捉字塞唔會高分
文奏奏好好多，鼓勵大家向呢方面創作

大家中意3絕4絕又得，點都得囉係詩就得。其實詩係比人睇既，普通既詩基本人都會明白
如果真係有個學者寫出d平人睇唔明唔識分既詩，我都會copy比個老師評論
因為我之前識到個係大學中文咩講座之類果d乜乜老師。佢對呢d野較有深入知識囉

下次有問題可以用快速美言或者pm比我，我會補充番落個貼度，因而呢個係競賽緊，淨係可以發表自己參賽作品

看少男心事有感


人情冷卻怎對琪兒千倍思念
話不投緣網友竟百般引逗
寫淡描輕又恐佳人棄嫌
詩中寄意望卿能接受
我不介意夢中纏綿
又焉乎天長地久
話兒漸乏如年
寫來難開口
真箇茫然
不翹首
怕見
醜

Title: Basketball Game

一埸球賽兩個'Law',
十條大漢爭粒波,
觀眾只將啤酒灌,
懶理打完what's the score!

鬧鐘響﹐開始忙﹐
瞇起雙眼摸落床。
較水溫﹐甭加糖﹐
阿女肚餓發哂狂。
輕抱起﹐小女皇﹐
餵奶仿似遇野狼。
過三點﹐淚兩行﹐
慈父倦極睡她旁。

詠阿美利堅

經濟前景好坎坷
都是信貸惹的禍
白人要選黑總統
昔風流淪今折墮

OT廿粒鐘﹐
嬌妻冇溝通﹐
起床她會問:
Are you my 老公?

小妹今年四十七﹐
酒店餐廳樣樣得﹐
若論本人生抱負﹐
願為大少爺妻室。

安裝程式得個等
望著電腦目無神
與其空讓光陰逝
不如寫詩兼作文

頭重重﹐腳輕輕﹐起身已覺失了聲﹔
口淡淡﹐面青青﹐廁所照鏡更心驚。
鼻又塞﹐痰上頸，老婆只准我訓廳﹔
park哂藥，快D醒，再唔好返一定釘﹗