各位茶舍友你地好呀~~

農曆年都過左好幾日喇~ 大家過得開心嘛﹖

快D 入黎講下農曆年你做過D 咩､點樣過､派左OR 接左幾多封利是﹗﹗
有無咩特別事發生等等。。。

寫得好﹐三姑私人再送大禮﹗﹗OK﹖

---------------------------------------------------

[規則]

- 每人只限回覆一帖﹐最少 30 字 (歡迎更多﹗)
- 需要更改請用編輯功能
- 每人都要講有無收 / 派利是架﹗
- 新天藍所有會員均可參加(所有版主都得呀﹗)
- 茶舍版主只能獲參賽獎

[利是]

- 凡合資格參賽者﹐均獲參賽獎 2XG
- 寫得最精彩兩位﹐會獲得迎豬接福或迎豬接利是﹐各得 5XG
- 另外仲有機會獲神秘大禮﹗

由於本遊戲不會用隱藏參賽帖子內容﹐請勿用此帖作聊天。但可於快速美言對話。

新天藍團長及茶舍版主有最終決定權

....
人日快樂!!!
我係第一個黎逗利是既所以要俾大封d啊.....
我今年既利是仲少過去年....
因為除佐親戚我都冇去朋友屋企拜年..

今年既新年都冇咩特別....
因為我年初四就開工....
所以都冇咩planning....
都係同班朋友集會.....
希望明年可以透耐d同逗多d利是啦...

哈哈哈哈, 三姑...
我未寫完啊....
為佐要霸頭位所以post先che..

參賽獎: 2 XG

三姑 :
你簡單左D 窩~ 寫小小聚餐內容啦~ 咪咁懶啦~~ 唔拜利是比你架﹗

嗯....其實今年既農曆年都幾悶下~
年初一朝早去左親戚屋企拜年.......佢地唔知係咪夾埋......個個都係俾港幣大約4蚊雞...真係俾佢地"渣"到~ >
so......我響果日大約收到10幾封4蚊雞既"利是"
oh....仲有d親戚都幾好招呼......猛咁問我幾時結婚啊,E+做緊咩工啊,點解你曬到咁黑啊,點解面都紅晒啊咁......佢地真係服務週到啊~
年初二&三就無所事事響屋企睇電視節目~
年初四下午就同朋友去百貨廣場碌保齡球....
剩係搵位泊車都搵左成20分鐘.....當日仲陽光普照.....真係熱到好似焗sauna咁~
泊完車就上去碌保齡球.....你地估下我地每人碌左幾多場?
3場? 唔係!
5場? NO!
係每人碌左7場!!!!
都唔知點解我地會咁high....個個好似參加左亞運咁....每場最少都有5個Strike!!!!
結果當晚個個都筋疲力盡....手腳都已經痛到連開門都冇力!
以上就係馬拉糕我過年所遭遇既情景喇~
- 完 -

參賽獎: 2 XG

還好看到這報告不然沒紅包

新年啊<--拖延
初5一大票housemate一起輪流拜年
一個一個人的家這樣的輪流~
在要去最後一站時
我是司機
在半路上撞到了猴子
猴子沒事﹐車上的人沒事﹐車牌 1 字不見
那猴子很敏捷的跳上車子到對面馬路去

今年拿了總共RM77紅包(

字數應該夠了吧

參賽獎: 2 XG

三姑都黎玩下先~

年三十晚﹐同屋企人& 男友食完團年飯後﹐我就同左老細及兩個同事& 一個熟客去左唱K 喇~

其實我好耐無去K﹐所以係咁唱新歌﹐完全唔理有酒飲有枚猜﹗
老細先搞笑﹐個一支芝華仕﹐叫我買6 支綠茶溝﹗-_-
我已經唔理佢買小左一支﹗結果﹖
當然用唔晒啦﹗係咁飲都係用左兩支咋﹗
最後有位同事酒後發花癲。。。哈哈~

初一﹗係外國有個好處﹐就係唔洗去拜年﹗
係屋企淨係同三姑媽同三姑爸拜年﹐就直接去左飲茶喇﹗

我好鐘意初一飲茶﹐因為有樣餸我好鐘意食~
就係叫“撈起”
聽聞係馬拉個邊既賀年食物﹖﹖

材料記唔晒﹐但好肯定有魚生､脆藕､酸蘿蔔､子薑
全部切絲﹐之後灑上花生之類﹐再撈一個汁
食得﹗

有個AUNT 話左兩三年﹐唔會派利是比我~
(原因係話我大個窩。。。。。) -_-
其實真係無所謂﹗
但好心唔好年年都講啦~ 我真係知真係明窩﹗
但你又怕尷介﹐年年都講一次﹗真係。。。唉~~

計埋老細既開工利是﹐我收左9 封利是呀~

不過今日(係年初八架啦嘛) 我都已經無左個心會有利是收
咁行行下街﹐見到三姑爸既朋友~
我咪放慢腳步同佢打招呼﹐兼大聲講話
我爸爸去左馬會玩喇~ 你去找佢啦~
但我見佢停晒步﹐右手又“禁”一“禁” 個衫袋
我以為佢想同我吹水啦﹗
但我都無停到同佢講野~ 邊行邊講那句野~

之後我男友先同我講﹕佢係咪想比利是你呀﹖
我見佢停晒又“禁”一“禁” 個衫袋窩﹗
我先醒起﹗呢個伯伯年年都有派利是比我﹗
而我每年都係毫無準備下收既~
因為過左初三我都好小有利是收架嘛~
就係咁﹐我今日收小左封利是喇﹗

講完﹗

參賽獎: 2 XG

如個有個「最悶新年報告」獎﹐我拎硬!

今年新年都可算係響我黎左美國既咁多個平平無奇既新年中最無奇既既一個!  不過﹐初二開年就精彩囉!!!!!!!!!!  

年三十晚﹐同阿媽去左一個台灣人搞既團年晚會。 果度年長既較多﹐年青既就好少!  咁都有 d 年青人係好似我咁配屋企人去既。  但節目就多數係俾 d 上一輩既人欣賞。 眾多節目當中﹐其中較為出位既﹐就係有班男人著晒三點式扮女人出黎表演!!  我好佩服佢地既勇氣!  及願意為藝術而犧牲既精神!!!  據我阿媽所講﹐裡面有好多位都係醫生黎添!  呢邊 d 有錢人玩到冇野玩囉!!    Hehehe.. 講笑姐!  其實佢地都係好有心去做 d 野令觀眾笑下﹐開開心心渡過呢個除夕夜。  

貼上一福相俾大家欣賞下﹐膽少既朋友快 d 合埋眼!!!

[attach]16250[/attach]

到年初一﹐我地留響屋企直到晚上有個朋友生日﹐出左去食飯。

年初二開年﹐您一定要睇我呢個豬年點開年﹐包您有得著:  我好興奮地約左幾個朋友去試一間未食過既中國餐館 (晚餐)。  亦同 minnie 計劃好:

1. 出去食 lunch﹐順便去銀行 ATM 入張 check﹐順便提款﹐因為銀包無晒 cash。
2. 去食 dinner 前﹐早少少去一間超市買 d 餸。
3. 跟住開開心心去食開年飯。

好勒﹐lunch time 出去啦﹐去到銀行啦﹐想拎張 card 出黎禁機﹐點知先發覺自己唔記得帶銀包出街!  入唔到 check﹐又無 cash﹐食 lunch 要 Minnie 俾。

咁就要改改個 plan 勒!  

2. 去食 dinner 前﹐早少少去一間超市買 d 餸﹐同埋去超市附近另一間銀行入張 check﹐順便提款。

咁 dinner time 又近勒﹐我地就預早少少出門啦!  開車開左 5 分鐘﹐發現又唔記得帶銀包!!!!!!!!!!!!!!!!  OK!  U-turn 返屋企羅啦﹐好彩唔係行左好遠姐!!  

去超市途中﹐竟然遇上 traffic jam!!  一段 2 分鐘既路程﹐最後變左要 20 分鐘!

去到超市﹐果間超市竟然初二休息!!!!!!!!!!!!!!!!   OK!  去第二間!  好彩第二間有開!  !

跟住去到銀行櫃員機﹐今次有帶銀包﹐諗住 ok 啦!  點知......... 架 櫃員機 話暫時唔接受支票存款!!!!!!!!!!!!!!!!  只接受 cash 存款!!!!!  救命呀!!  邊會唔接受支票存款架!!!!!  (  聽都未聽過!!!  不過好彩﹐提除到現金﹐起碼有錢食飯!  但張 check 可能真係個天唔想我響果一日入!

OK﹐做完晒咁多野﹐要拿拿臨趕去餐館﹐因為已經俾 traffic jam 搞遲左!  去到餐館﹐d friends 企晒響門口﹐佢地話: "爆晒!  要等起碼 1 個鐘﹐同埋個經理好似都唔想做我地生意!"  我 d friend 怕﹐佢地今日咁忙﹐d 水準都未必會好﹐不如食第二間!  

就係咁﹐我既開年飯就去左我響 "飲食新天" 貼出黎既 Jumbo Jumbo 食勒。 http://www.lipscorner.net/viewth ... &extra=page%3D1

我諗最樣衰都算係我啦卦????  所以如果您地遇算咩不如意既事﹐可以諗下﹐在遠方有個 mickey﹐佢開左個頭頭碰著黑既衰年!!!!!  

不過............ 希望咩衰野都發生晒﹐黎緊既日子會係順順利利架啦!!!!  

P.S.  爭 d 唔記得講!!  "阿傑﹐阿 Sir﹐我地冇派利是好耐喇!"    今年開左新例﹐未夠三個月大既 bb 我地先派!!  哈哈哈!!  所以派左一封咁大把!

勝出帖子: 迎豬接福

參賽獎: 2 XG

我都岩岩開左個新post，有得投票架，講下今年既戰績

http://www.lipscorner.net/viewth ... &extra=page%3D1

講返自己啦，過左黎楓葉國咁多年，我都無去過拜年啦
可能唔興啦，因為過年多數要返工，都費事去阻住人啦。。。

今年我就返左去calgary老家，一家人食左團年飯啦
本來想去行年宵，但係阿妹去完，話淨係得老翻賣，所以無去啦
費事晒錢比parking

利是方面，年年都係咁，圍內屋企人比錢囉
我親戚唔多，得阿麻阿爺同爸爸媽媽咋。。。。
仲有年年就港紙既阿婆，佢年年都0係香港寄利是比我地 (我諗係犯法的，哈哈，不過好彩年年都收到)
講開利是，今年我隻佬爸爸比我既利是係同佢比自己個仔一樣，今年係第一年咋，之前都係得一半
有人為左咁，唔happy忝，哈哈，仲要我嘔0的出黎請佢食飯。。。激死。。。

另外，我今年係第一年比返錢爸爸媽媽過年啦
雖然係唔多，但係都算係一點心意啦
話晒我第一年有少少收入。。。

我0係自己個post都講左啦，呢邊0的人真係好cheap cheap
朋友就一定唔會比利是啦，成日話自己入左藉
年尾聖誕問佢地羅禮物又話自己係龍的傳人。。。。。
講開cheap，我都有一件陳年舊事好好笑。。。。(可能係嬲先岩)

話說有兩公婆啦，係我阿爺0的舊同事，佢地個仔做醫生，我諗佢地都ok有錢麻
有一年拆利是，比我發現左兩封好趣緻既利是
我地叫佢做"比翼相飛"，點解呢？
以前香港未有十蚊coin架，所以比利是最低消費係十蚊一封啦，最少係"軟野"麻
大家收到coin一定會唔happy，因為一羅上手就知。。。

0個個阿嬸就犀利啦，將一張十蚊紙唔知點摺。。。。!留意!係得一張
摺到佢可以卡住0係兩個利是封中間，跟住釘埋。。。。
就算你用燈照，你點都係見到每邊有一張十蚊。。。。
點解我地會照？因為我地屋企都好cheap cheap
多數係人地比幾多我地，我地就比返既多人地啦
不過多數係蝕。。。因為我地屋企得兩個小朋友，人地多數好多仔女同孫

所以每次收利是，我地都會上報比阿麻聽。。係軟定係coin啦!

參賽獎: 2 XG

i'll type in english la.. coz i type too slow in chinese

this is the first chinese new year that i had by myself, alone.. actually it was ok geh.. coz i havent been in hk for so long.. so the new year events began a week b4 new year.. i had 團年dinner with family on Fri and Sat..
then on 年三十晚 went to my dad's cousin's place and had a 20 ppl dinner again.. and ppl of coz.. gambled a lot.. with "fish shrimp crab"
the next day... just like normal... wait for ppl to come and "bai nin".. coz im living with my grandma.. so ppl tend to come and our place as the base of the family... nth much for the 1st day
2nd day.. i went to visit my por por.. but coz my mom's side relatives r not that united.. so we dun have any celebration with the whole family.. this is a sad point..
so later the day.. i met my aunt and went shopping with my frd... this ended my 2nd ny day..
3rd day.. went on one-day trip with my family.. we went to 流浮山,流水響,a strawberry field and tried to go to 濕地公園, but end up there's no space for parking.. then my uncle, aunt and my cousins drove me back home and had dinner there.. and played mj with my cousins for an hr or so and i "lump jong" twice..  (gosh.. my skills r so bs... =.=)
uh oh..here comes the 4th day.. and i should be on vacation.,. but then a colleague asked me to help.. so my vacation is over... how sad... =(
then here comes Sat.. my dad's cousins came and i earn a little bit of red pockets... not much... then i went to my frd's place to stay over nite..
then back to work again on Mon.. here the red pockets come.. (still not much..) THX for the fellow worker!!!!! XD i have more money for snack and so on..

basically........ my new year is kinda boring... =.="

參賽獎: 2 XG

halo everybody~
係時候到我講下新年搞左d咩喇！

年三十0個日好慘咁仲要返學
放左學成6點就要頭趕命咁返屋企食團年飯
十個餸一個湯仲有白飯任你裝
真係食到我地八丁友飽到陏唔到咁滯呀！

年初一中午十二點半左右就開始出發去機場喇
展開我7日6夜行行行京阪神之旅
由年初二開始我就冇停過咁由9點鐘起身一路行到夜晚9點幾
行到隻腳都好似唔係我咁一樣呀！！
景點真係冇乜點去
百貨公司就去得多喇
淨係大丸我都去左4間.........
不過好開心岩岩撞正士多啤梨當造既時間
粒粒都又大又紅又脆又甜又好味wor
而且價錢仲好抵~~~
平過上一年去個時好多~
去日本shopping真係好恐怖
因為見到咩都想買咩都想要....
淨係衫都買左成十幾二十件
我姑姐仲恐怖
一買買左4個LV............................
如果我有咁多錢就好喇！！！
仲有好多野我想買但係冇錢買ga~~~~~~~
初七個日返香港執行季個時sin識驚
執到個喼爆左之後
自己仲要攞一個背囊、一個鈄揹袋、左手一個hand carry、右手3箱士多啤梨.......
check-in個時個喼淨少少就over左5kg要俾錢........
upload左少少相，大家拉落少少睇下啦~

總括呢幾日既行程簡直可以用：「碌爆卡、行爆腳、食爆胃」黎形容呀！

返到香港個日就趕住出去同d同學仔gathering
去左酒樓食飯
由6點鐘一路食到成11點.....
其實食都係其次，吹水sin係最緊要
返到屋企sin發覺講野講到喉嚨痛呀，哈哈哈~

之後個日(人日)就係堅企人團拜
中午飲完茶就打雀跟手再食埋飯

就係咁，新年既8日就係咁樣過左喇
至於利是................
加埋都係得6封.........
不過最搞笑係人日個日去荼樓飲荼個時
荼樓老闆竟然俾左封行是我wor
真係好驚奇呀！
平時都係我呀媽派(荼客)利是ga ma
我第一次係荼樓從業員手上收到利是呀！！！

ps.由年初一開始到今日我都仲未有一晚係夠瞓ga....而家好sleepy ar..........

PHOTOS:

飛機影既，D雲好BEAUTIFUL


酒店房個VIEW


大阪城美景






梅花開得好靚GA！




岩岩撞正GLAY係大阪DOMN開SHOW


日本人D貓真係可以帶出街GA


心齋橋






挾返黎既戰利品


黑目市場


神戶海景




人形展


京都街景




偽藝妓


死過唔少武士既信橋




好正既士多啤梨






勝出帖子: 迎豬接利是

參賽獎: 2 XG

米奇: 班人 .... 好彩你有提醒, 真係o赫o赫! 其中有個可能驚比人知道身份, 所以帶面具喎!

ryuhei : 你就好啦可以去日本, 真羡慕呀!!


講返今年既農曆年, 相信身處外地, 大家都係差唔多, 逢過時過節個個都話自己係鬼, 唔會派利事! 但點都同屋企人過, 應下節咁! 以前起碼有2餐團年同新年飯要食, 之後派同收利事, 但今年就無發生!

原因係同蛋嫂搬遠o左( 以前住我父母隔2間屋, 依家要30mins 車程), 已經少返屋企食飯! 而我的屋企人亦未正式去過我新屋, 所以年三十晚食飯當係house warming, 就係咁無人提過壓歲錢呢回事!! 本來年廿九同外父一家食, 諗住都有壓歲錢收, 點知 .... 今年佢地去食西餐, 重係fine dinning .... 邊會有人係高級餐廳派利事o丫... 所以又係無!! 最奇係以前外父一家係唔會去呢類地方, 今年 .... 真奇怪!!

好啦, 年初一係星期日, 第1時間返屋企同父母拜年, 當然有利事收啦! 點知撞正我家姐生BB, 變O左全家人去晒醫院, 亦因為BB太吸引, 家姐呀哥, 姻親無人記得未派利事比我同蛋嫂!! ( 反而係醫院成班細路齊人係咁同你拜年, 試問咁O既環境下又點走到!

之後再去外父屋企, 情況差唔多, 除O左外父外母之外, 個個話大個結O左婚唔派喎! 但明明"舊"年都收緊喎!! 唔通"舊"新結婚唔計數? 而班細O既.... 唔知係咪夾埋一齊, 齊人到你唔信! 結果今年我同蛋嫂各已收到5封咁大把, 但派O左幾十封 ... 真係大出血呀!! (

參賽獎: 2 XG