睇完 Double.Zeta 個帖
令我覺得時下既人諗野真係好奇

Double.Zeta 個帖講既人已經思想特異
最近我聽見一件事又係咁奇~

話說係XXX FANS討論區
因為XXX 係一場賽事中輸左
有會員就係討論區好直接咁批評XXX
打得點差､點唔好﹐輸係應該
該會員仲用“恥”黎形容XXX
結果﹐換黎既係比其他XXX FANS 圍攻
問點解咁樣講野﹖
點解要用“恥”黎形容XXX ﹖
仲用番“恥”黎形容該會員。

該會員係討論區既回覆可能係激左D﹐OR太過真實﹖
但係其他FANS 睇完之後既回覆
好似殺左佢屋企人咁激動﹖﹗

呢個時候我就諗﹐家陣D 人 (包括年青人､成年人)咁得意既﹖
平時係街比人問候自己娘親､比人咒自己行街會仆親
比人頂撞自己既肺部､比人用性器官黎形容自己或親友等等。。。
又唔見個D 人咁大反應﹖
家陣只係一個網上平台討論一場賽事
就要咁激動﹖難道不論輸贏都要讚﹖唔可以批評﹖
好彩個網站唔比人寫粗口﹐如果唔係﹐我諗仲精彩既“討論”都可能會出現~

你地話係咪好得意﹖﹖
人地講兩句你鐘意既明星､歌星､藝人､運動員､球隊
你就會嬲､會激動鬧人﹖
平時通街比人問候自己娘親呢﹖
你唔係當講笑呀﹖﹖
個D 咩明星歌星你唔識架﹗﹗
但你亞媽真係你亞媽窩﹗你唔比D 反應既﹖

支持還支持﹐但唔好盲目先得架﹗
唔通你鐘意既XX 唱歌雞仔聲比人批評
你發爛渣喇窩﹖﹗
咁真係雞仔聲嘛~ 發爛渣都無用架~
你咪話比人知XX 另一D 優點囉﹗岩唔岩先﹖

唉~ 無野喇﹐發完UP 風喇﹗
其實我都唔係好知自己想講咩~
明就明﹐唔明就算啦~

算啦！家下啲青年人係比較激動。

呀三姑妳d形容詞又真係好得意!!

可以咁講, 時下的人係網上透過文字 (雖然大部係都係亂黎, 用詞不當) 可以大大聲, 但面對面時邊敢出聲先! 正所為"講就天下無敵, 做就無能為力"!

好似我的親身經歷, 有次係parking比人問候娘親, 話我好阻住佢(事實係我出車而佢架車阻blocko左我個位), 媽聲4起, 又話呢樣又話o個樣, 初初都唔出聲, 唔想浪費時間同呢類無文化的人嘈, 但最後佢實在鬧得太過份, 我落車得埋去佢架車時, 條友已經驚到出面, 跟住我好平心靜氣係佢女友面前咁同佢講: "身為因男人, 你講得出就要做得到, 你問候我娘親問候得咁過癮, 你立即同我落車, 跟我返屋企, 睇你點問候" 我講完呢句說話, 佢驚到想開車走, 我加多句"係你女友面前就似返個男人咁有骨氣先得o架"!! 條粉餅講晒對唔住, 佢女友又黑晒面!!

呢d咪正正式式得把口o羅!! 所以係網上d人咪以為自己好o力, 好醒!!

哈哈, 蛋蛋你呢d case 我都見唔少呀, 真係坐喺架車入面先敢鬧人, 一叫佢落車就會好驚......
三姑講嘅野我都理解, 不過响fans區鬧偶像, 結果一定會係咁, 所以要鬧都要揾啱地方先好,
如果唔係........

我知道嘅另一真人真事: 話說有個靚妹( 15、6咁上下), 有日同佢母親鬧交, 走咗出嚟, 坐响路邊喊, 一直無人理, 到入夜佢饑寒交迫, 個身又冇錢, 這時幸運地遇到熟人(母親的朋友), 這個auntie 好言安慰, 又請食飯, 又收留咗佢一晚, 於是個女仔就好感激呢個auntie, 直情覺得自己不幸, 點解呢個auntie唔係自己阿媽, 但個問題係個auntie只不過照顧咗佢一晚, 但佢母親就照顧咗佢十幾年, 但就係十幾年都不如一晚, 之後呢個女仔繼續唔聽佢阿媽話, 但係就同呢個auntie好close.........你話咩世界吖？

以前香港既天王年代都試過fans出手打交啦
其實而家已經好左啦
最多都係internet上面出口。。。

i agree ga...
even frds... ppl like to use those language to communicate between frds...

係囉！尤其係頒獎之後呀.....

有次起街見到 兩個細路 起度互寸。
兩個加埋唔知有無廿歲，係咁問候對方娘親！
一路講一路笑果隻喎！

最離譜有次起街見到 有個細路 唔知為乜對住個
相信係佢阿媽o既女人 係咁粗口問候！
個女人就 好無奈 咁企左起度。
睇佢頂盡十一、二歲，但係 D 粗口睇怕佢老豆都
無佢咁流利！

oh, my god.....which happened in HK?

哎呀！點解你當時唔指住佢黎鬧醒佢地呀？可能佢地事後會好感激你，改邪歸正呀......