參加現代XX旅行社的不愉快經過

這是我朋友王小姐的親身經歷
原來.. 不是只有來香港會出現黑團..
內地也不遑多讓！

王小姐參加現代XX旅行社於 29/10/2006 出發 5/11/2006 回程。
八天三飛，細意遊九寨溝、黃龍、四姑娘山、巴郎山風光、臥龍熊貓之鄉、成都高級直航團
團費總數近九千元..
應該不會是零團費接待吧？
但.. 事實上.. 既不高級、亦不細意！
團名的黃龍、四姑娘山、巴郎山、臥龍熊貓之鄉根本沒有到達！
只去了九寨溝及成都，完全是名不符實！

行程安排嚴重失當！
當地李姓導遊、司機只顧抓銀、騙錢！更非法禁錮、無恥威脅！
於1/11/2006晚，因為團友一致拒絕司機介紹的門票 180 元人民幣民族歌舞表演，隨即變臉，立即單方面更改 2/11/2006 的行程，導致不能前往四姑娘山。
原定 2/11/2006 於早上五時半起行，臨時改為早上七時，途中不但要經過購物地點，其間更不停高速轉彎，令團友左跌右碰，不顧乘客安全，致令下午三時多才到達四姑娘山的上山路段，但由於有封山措施，每日只由中午十二時至下午三時開放上山，其餘時間禁止登山，因為旅行社安排失當無法登山，導遊、司機只顧利益，更即時停車熄匙，把團友困在山路上三小時，期間車窗不能打開，亦無法下車，當地導遊強逼團友簽紙表示不追究更改行程的責任，更要補付一百元作為更改行程費，否則全團繼續禁錮在山腳下！

當地導遊完全沒有介紹沿途風景，態度惡劣、服務欠佳，只顧騙錢，在 4/11/2006 更無故棄團出走，遺棄團友，因為導遊離團，原本包括在團費的其餘景點門票，亦要先行自付，最後由香港旅隊陪同，總算完成行程。

問題出現後領隊即時聯絡香港的現代xx旅行社匯報，但對方非但沒有提供協助，更任由團友被當地旅行社愚弄！
回到香港後即時再向旅行社、旅遊業議會、消費者委員會投訴，及準備經小額錢債追討。
但於 7/11/2006 現代xx旅行社接見團友投訴的石經理只懂推卸責任，完全沒有對事件表示任何歉意，只歸咎於接待的旅行社，還表示要等十日才有回覆。其間團友仍感憤慨，但卻不曾聞得石經理的歉意，或絲毫安慰說話！

這樣的旅行社還說甚麼專營國內航線，實在令人汗顏！

因為計劃循法律程序追討合理賠償，為免有礙進展，所以才不用全名，加上 xx

如貼錯版，煩請版主代為刪除，謝謝！

呢類旅行社/旅行團, 跟本周圍都有, 只好講句你朋友唔好彩, 希望佢早早可以追回團費!!

真係好難講
最怕就係跟團，好似鴨仔咁

唔知你朋友係唔係跟大旅行社既團啦，我諗跟大旅行社會好0的

iceluk﹐真係你朋友個經驗﹖定係轉貼番來架﹖﹖

三姑媽岩岩去完九寨溝﹐又係話接近成萬一團窩~
但係HK 既旅行社囉~

現代XX係內地旅行社？？

查實旅行我比較唔鐘意跟團...

查實好多所謂hk既旅行社 ,
而家都係國內人經營 ,
好多係hk收客再經大陸接待 ,
跟團有時真係要睇你好唔好彩 !

係呀，就算今次好彩跟得好
但係下次就算幫襯返同一間旅行社都未必好
因為都唔知佢今次又賣你比邊個大陸旅行社 。。。

講真, 跟團就怕個導遊差... 呢D經歷好似經常都會聽到...
所以我都贊成個人遊, 雖然會花費多D, 但行程隨意D, 有D自由
不會被逼去購物.....

現代係香港旅行社
王小姐真係我朋友丫
佢一邊講...
我一邊打既...
九、十月係九寨溝旺季
所以.. 好貴.. 可以去轉歐洲啦

個人遊都可以搵旅行社代訂機票酒店，都唔一定貴好多...