多謝各位關心!
尋晚臨瞓前，我好有(性)意咁同財爺(老婆)討論過，但係我就無學”長毛”咁攞住條蕉(吊)我老婆。剩係好真心咁用把口交涉。 我同老婆講，政府都派6千蚊俾香港永久居民啦，都未講完，我老婆就話: 你都識講啦, 要係香港住滿7年先有，但係我同你結婚都未夠7年啦， 更何況今年派左，下年唔派既話，你咪覺得我好衰。跟住我就話，政府依家話新移民都有得派。老婆就話，你唔駛多講啦，我唔係 D 剩係識派錢既人。我會實行多勞多得政策，推行一項新既回饋措施，叫做 "家務獎賞錢計劃", 英文名叫 "Household duties refund plan"。佢話每次幫手做家務，就會得到比最低工資多幾倍既回贈 (大約係 $100/hr)。
另外，佢話為左大家避免亂咁買野，佢會開徵消售稅，每次消費 (不包括食品及日用品)，會徵收百分之十既消售稅，所得款項，將全數撥入退休保障基金。
講到呢到，老婆話此題目討論完畢，休會10分鐘後，進行一次性閉門會議。
