唔係話針對宗教
但親身經歷令我對呢樣野好反感
話說琴日我出左去一陣∼趕番屋企換衫出ｄｕｔｙ∼
一落車
就有兩位呀媽年紀既女仕係我屋企門口
一埋黎就∼唉也∼你個門鐘無左∼∼仲諗住探你媽咪
我就問∼你邊位搵佢呀∼∼
佢就話咩名咁∼∼我信以為真∼∼話∼呀媽出左去喎
之後就開始入正題
但不忘話同我呀媽好熟呀之類
又話我呀媽表示信主
我呀媽都唔信呢樣野既∼∼ａｔ　ｌｅａｓｔ唔係呢一刻
係咁講大話∼∼∼
又塞住我唔比我入屋∼（我趕得要命）
你要傳道唔係唔ｏｋ∼∼但唔好講大話∼∼見我個樣似初中生∼就係咁作野∼∼
開頭都比佢呃左∼∼
真過份

要去咩duty呀？
好多時都係咁，教會都有好多派，有0的真係唔係咁好
都要了解清楚先去呀
但係我都覺得佢地有0的過份。。。

講大話就真係離譜 , 道行咁差 , 點傳教呀 , 失敗 !!

無呀~~去做first aider咋嘛

真係比佢地激死~~~
又迫我睇聖經
想比本雜誌我睇咪光明正大囉
又要講咁多廢話
你單刀直入反而我唔會咁嬲

如果我唔得閒 ,我通常會講 : 我信佛教既 , 呢些野我無興趣 ,
佢俾野我睇 , 我就話唔識字 , 中又唔識 , 英又唔識....

我又唔好意思咁做
佢比完本野我我已經好比面無係佢面前掉本野入recycle bin~~

呢類唔算係正規教會, 即唔係天主教/基督教/浸信會/聯合教會  ..... 等!
通常係細小教會先會咁做!

佢地都有想比本野我架 , 不過我話我唔會睇既 , 無謂浪費啦 , 叫佢留番俾第個...

如果佢講大話o既話...一定有d 問題~

記得澳門以前啲人喺巴士上面傳教，因為過大橋中途冇站，所以d洋人不停同人講主呀主呀.......