真係谷鬼氣~~~~~
話說小弟好鬼鐘意玩創作有關既論壇遊戲
咁好耐之前我見到某論壇有個「改編歌詞」遊戲
我咁鐘意音樂, 梗係玩下, 順便睇下自己水準去到邊啦~
好喇, 最近我check番個result, 原來我好好彩入左最後10強
跟住發覺有個會員都幾多人投佢, 我就睇下佢作d咩歌詞啦
一睇真係火都黎!!

歌名: 一生最愛就是妳   主唱: 黎明      作詞:    唔Q知

就   在那一刻想更了解妳    妳的標題怪怪的   
透過討論     更接近妳
願   透過無形網絡摸索妳    纏繞的心思緒妳   
昐望其待時 我心蹦潰
PM妳    更領我腦海 如萬天聲音去又返   
從直覺斷定妳   緣份像已降臨
在線的一刻    害怕其昐□偏想妳   
只求妳在我心記嘆    這感覺為何像幻滅
展轉殺那之間   
天地情     是緣定   
是我昐望的心 日日夜夜彷彿在線等待妳
若有一天   真的可以相見  
並會終至一生不忘記   
難到網絡世界 祇剩餘今天的真愛嗎

咁既歌詞都可以入10強, 仲要好多人投佢!!!!
基本上每個字都唔arm音, 咁都叫改篇歌詞???
我對音樂有一份異於常人既執著同埋熱誠
呢條友擺明係亂作啦, 但又有「鐵票」撐佢wo
最抵死係有人真係留comment話作得好好
羸輸真係唔緊要
我最痛恨係一d侮辱音樂既人~~~

話時話, 我地個論壇會唔會出現一個
改篇歌詞區呀, 會員自唱區等等既板板呢?
有都幾好wo

ps. 借三姑個版賣下廣告先
小弟就黎考完試, 到時會連同安娜進行「傾心緣」大改革!!!
希望大家多多捧場

算啦, 斯仔, 呢個世界係咁啦, 莫講話論壇玩的遊戲, 就連職業的雷x德都係咁啦, 以前比人話抄歌, 佢夠膽話音符係o個幾個, 所以唔算係抄!! 所以, 玩下就唔好咁識真啦, 搞到自己唔開心為乜?

等你的新"傾心緣"

我都知係玩下~
如果係其他遊戲我都話知佢, 可惜就係同音樂有關
我都知我呢份音樂既執著遲早玩死我~~

by the way, 感謝你既期待~~呵呵

馬拉糕都支持你~
希望你唔好為左呢d小事而唔開心~

藍斯 :
又唔會話真係唔開心既~
反正都只係遊戲
只係憑呢件事, 覺得人生在世
大至社會, 小至論壇
人總係要靠「關係」去過活

可能個遊戲主持人
就係佢等個個

改篇歌詞區 <---I support
Happy D , lam c XD

藍斯 :
睇得出你會鐘意~haha
你對「創作」呢兩個字都幾敏感~

唔好話改篇歌詞既投票啦 , 政治選舉既投票咪一樣一塌胡塗 ,
睇開些把啦.., 無謂唔開心.

藍斯 :
我都明~
論壇就好似小社會
論壇越大, 會員越多就越黑暗
希望新天藍將來唔好變成咁就好喇~

藍斯﹐知唔知點解呢﹖
我估計﹐係D 人根本唔知首歌係咩音､點唱
但就咁睇歌詞﹐某些人覺得佢 (改編人) 寫得出網絡心聲囉﹗
根本就唔在意岩唔岩音啦~
總之寫得中佢地既心聲﹐就覺係好野囉﹗

你又唔洗咁火既~ 有時既野。。。。
學 elia話﹐睇開D 啦~
呢D 野真係天時地理人和

PS﹕超蛋﹐你叫藍斯做斯仔﹐令我誤會左係另一個版主架窩~ =o=

藍斯 :
可能真係咁啦....
始終唔係個個人對音樂都抱住認真既態度
正如我一樣, 我由細到大都未認真畫過一幅畫~~

ps..haha, 係wo, 你唔講我唔覺tim, 原來我變左斯仔~
以免混淆, 大家都係叫我藍斯好d~

冇錯~
我就係例子~
我係音樂白痴..(
唔知首歌係乜音~
就咁睇歌詞完全唔覺有問題~

藍斯 :
haha, 每個人都有在行唔在行既野
即係你叫我去畫展分析咩叫好畫, 我真係死比你睇~

歌詞我真係唔在行 !
不過某d論壇就有某d擁護者 ~
唔駛激氣 !!!