今晚好夜至返到屋企
正當放低 d 野同兩隻狗狗 say hi 時
眼角瞟到廚房有隻好似識得飛的蟑螂先生
嚇得我丫，即是發揮無比的母愛
搵好耐都唔知用乜打佢好
後來佢去在黃肥肥食野塊布下面
我知佢心一定諗緊...你睇我唔到
而我個心都好想諗我睇你唔到

但係唔可以咁架嘛
佢是帶菌者來架
所以一定要死

周圍睇下有無武器
最後拎左本新買未睇完的雜誌一手拍落去
終於..........佢扁左
不過好核凸，唔知點清理佢好
手震震咁搞左半粒鐘至清理現場

生平無乜野會令我驚
就是呢 d 死人會飛的蟑螂
一見到我會打冷震然後逃走
今次我覺得自己好勇敢

真係好勇敢
我唔會敢掂/殺佢
因為佢真係好烏蹧

識飛o既曱由 好得人驚...

当时黄肥肥知道发生什么事情吗?
你的雜誌有没有皱皮?
Rest In Peace....Mr.Cockroach~ T___T

好彩我唔怕曱由 ,
如果係老鼠我就會奪門而出 ,
連屋企都唔敢番啦 ~

真係好得人驚~~ ><
我見到呢d野~我會開吸塵機追住吸~~

講起呢家野
我都覺心驚膽跳！

以前見到實一早包住自己
然後叫老公救命
家下就要點都整死佢
因為唔想佢係度開枝散葉
>>
但係一路追個心跳到就走出黎

遇著曉飛個d~~~~
(((
所以.我絕對覺得你勇敢

黃肥肥見到我咁緊張個樣好想走埋來
我即時好似人地發生命案咁封鎖現場
攔住晒唔比佢地入來囉
到後來消晒毒清潔好晒後
成塊面濕晒滴晒汗
佢可能以為我喊
走來勁嗲我囉，好得意

本雜誌無囉，打完就扔掉

吸左入去都要倒架喎
仲有吸緊入去在條吸官度會聽到佢拍翼聲，仲恐佈
你知佢地生命力幾強喇
驚驚！都係一次整死佢好過

我以前都同你一樣架
如果肥爸在場的話
我一定會尖叫一聲
然後 9 秒 9 走入房關門蓋被
叫佢搞掂左先准訓
而家無計就要靠自己死撐囉

最乞人憎就係佢地唔知點解好似識得同你有眼神接觸咁的
開頭就亂飛，當你望住佢飛邊度時
佢就會望住你對眼飛過來咁
真是唔得佢死
講講下毛官豎
去關晒窗先
呢 d 野好邪架