以前細個住屋村果陣
成日都聽唔唔同時段的叫賣
朝早就最多各式唔同的早餐賣
"糯米飯~~~~白粥、炒麵、糯米飯~~"
"麵包~~~新鮮靚麵包！"
"腸粉丫！熱辣辣腸粉！"
一聽到呢 d 叫賣早餐的嬸嬸，口水都流埋出來了

下午茶時間呢~~就輪到一些美味小食
"西米糕~白糖糕！"  <== 呢個是好高的叔叔，一聽到佢把聲，就會好多小朋友擁著出來和叔叔玩，因為呢個叔叔好好人，好鐘意和小朋友玩
"涼粉~~冰凍涼粉！" <== 一個戴著黑色冷帽的細細粒嬸嬸，個外表好似師姑，眉中仲有粒家燕墨添，聽 d 師奶講，佢係道姑還族喎 都唔知係真唔係
"馬仔~~蛋糕！" <== 肥肥的叔叔，著住件菊花牌底衫，挑著兩個四四方方用網圍著的大木箱，裡面仲有旦散、扭麻花的甜品，見到佢次次都流到一身的汗
"豆腐花~~什果豆腐花"

晚上還有季節性的宵夜：
"柴~魚花生粥！" "冰凍西米露~" <==同一個叔叔，冬天同夏天都會賣唔同的宵夜
"芝麻糊！花生糊！"  "渣咋~~冰凍渣咋！"
"糯米飯~~~熱辣辣糯米飯"
"裹~~蒸粽！咸肉粽、裹蒸粽！"
通常一聽到呢 d 叫賣聲，就會拎定隻碗出來等佢地來，但是有時只聽到聲唔見人，就會對住條樓梯大叫返佢地叫賣的名字，佢地聽到就會回應你佢在邊層樓，哈哈~~半夜11、2點咁叫法，如果是現在就一定比人投訴到暈

仲有其他形形式式不定期聽到的叫賣
"磨較剪~~餐刀"
"收賣爛銅爛鐵"
"閹~~貓！" <==現在都諗唔明，點解閹貓都可以流動的？唔知點閹法呢？好好奇

就一個屋村就可以出咁多個體戶，証明以前的香港人幾勤力，每個流動小販都是用擔挑擔著咁重的熟食逐層叫賣，現在好耐都無聽過呢 d 親切的叫賣聲了，好懷念呢種感覺

重有飛機欖呢，呢個重大聲~!!

我雖然唔係住係屋村，但都聽過同見過呢個情景，好懷念！

今時唔同往日lu，下下都要講高科技、衛生、大量生產，仲邊有人會肯做呢行呀，有蜜芽糖買已經好開心啦！

我還記得從前在油麻地居住的時候，有個阿叔在每個冬天的晚上一邊大叫，一邊賣"裹蒸糉"，都幾好食架，又熱又香．不過我相信現在未必會找得到這種風味喇．

我看這篇文章的時候, 第一個感覺係很肚餓, 很想食番這些食物..... 熱辣辣腸粉、 白粥、炒麵、糯米飯.... wow... 想起都流口水....

小時候永遠都渴望快點長大, 但長大後就很愛回味童年時候的點點滴滴...... 這些叫賣聲就係伴著我們成長的一部份.... 尤其是係現在已很難再聽到這些親切的聲音, 更覺懷念.... 唉, 真的要珍惜眼前的一切.....

我細個住私家樓,有天井,有個阿伯大叫豆腐花,我地下面幾層樓都拎住隻大湯碗大叫幾樓..咁佢落到黎就會賣俾我地..好過引架.
以前番鄉下,我爸就會順手買個大煲,咁入面就入满麥芽糖,唔知有冇十公升呢..嘿..番到黎我地就搵筷子得閒就卷d黎食,不過好硬,成日整斷筷子架.食完之後個煲就用黎煲湯.

忽然好懷舊咁播﹐係唔係睇完 adelinelln 貼果 d 九龍城寨 舊相﹐有感而發呢?  

你地講果 d 叫賣﹐我聽人講過﹐響電視睇過﹐但就未親耳聽過乜滯呢!  我自世就住響美孚﹐所以可能比較小接觸到會叫賣既小販﹐通常去橋底巴士站小販檔買野食﹐但佢地唔會點叫囉。 不過好好少﹐十幾歲時﹐d friend 好鐘意講笑﹐每次話 "我地今晚去食普非"﹐其實就係去橋底小販檔食... XD  不過都有幾分似架﹐都係逐檔去掃﹐只不過每次羅野食要俾錢咁解。

你地就好啦~
我呢度只有:"收旧报纸,old newspaper~!"

其實想講呢個 topic 好耐了
不過覺得未必咁多人有同感
但是最近聽返軟硬的老人院
佢地講好多懷舊事
所以咪忍唔住都想講下

米奇果種食 "普非"，我們一般都叫掃街

唔知係咪小時候物質無咁豐富
個人簡單得多
小小一碗糯米飯加點花生碎已經非常滿足
現在就好像就算去什麼大食店都食不到更美味的糯米飯一樣
感覺就是兒時什麼都好味道
現在除非去一些非常懷舊的店才勉強食到小小風味