13歲女生揩死街頭

資料來自Yahoo!
(東方) 07月 27日 星期四 03:00AM

【東方日報專訊】暑假是學生濫藥高危期，一名十三歲女學生，昨凌晨在旺角一間卡拉OK夜總會消遣，疑經不起同行友人的引誘，先後服食搖頭丸、K仔及俗稱「迷姦丸」的麻古等毒品，產生嚴重副作用，在夜場大吵大鬧後，被職員趕走，她在街上嘔吐及暈倒，送院搶救惜告不治，其同行女友人事後協助警方調查，帶領探員重踏死者走過的「死亡之路」。

猝死的女童卓慧妍，下月才滿十四歲，與父母及兄長住元朗朗屏(村)屏石樓，在屯門三聖(村)鐘聲慈善社胡陳金枝中學就讀，暑假後升讀中二。卓父為中港貨櫃車司機，因工作關係甚少留在家；卓母在女兒升讀中一後，才外出工作，兄長已投身社會。

昨凌晨零時，慧妍趁放暑假，經悉心打扮，偕兩女一男友人到旺角道一間卡拉OK夜總會消遣，期間多名陌生男女主動與她搭訕，雙方很快混熟，一起飲酒跳舞玩樂。據目擊者透露，慧妍與新相識男女玩得十分投契，當時場內有迷幻派對，慧妍獲免費提供毒品，她先後服食了一粒搖頭丸、一小包K仔及一粒麻古。

三料啪藥 大吵大鬧遭趕走

至早上六時，慧妍顯得好興奮，在夜場大吵大鬧，且出現不適情況，「睇場」恐怕她出事，於是趕她離開，慧妍由二十歲姓張女友人攙扶到附近上海街遊樂場休息。未幾，慧妍嘔吐大作，於是轉到附近公廁清洗。兩人離開公廁後，步履蹣跚步行至旺角道與廣東道一個建築地盤門外，慧妍突然不支暈倒，面青唇白、瞳孔放大，張女大驚報警，由救護車將慧妍送往廣華醫院搶救，惜抵院後證實不治。

警方到場調查，在現場檢獲一樽蒸餾水及一盒紙包飲品，一併檢走化驗。警員曾到卡拉OK夜總會調查，追尋提供毒品的青少年下落。死者母親及兄長事後到醫院，傷心不已。

女友人帶警重踏「死亡之路」

至昨晨九時許，張女由探員帶返現場協助重組案情，由卡拉OK夜總會大堂作起點，帶領警員到上海街遊樂場、附近公廁。張女向警員表示：「佢（慧妍）唔舒服，我就扶佢黎呢度休息下，後黎佢有話要去廁所。」張女一邊向警員講述，一邊帶警員到達公廁門外，期間張女續稱，「點知佢入到廁所就即刻嘔」。張女之後再帶同警員到達慧妍暈倒現場，全程歷時半小時。

旺角警區一名警官表示，一直有留意旺角區內娛樂場所毒品氾濫問題，已定期掃蕩，並且派出臥底探員「放蛇」打擊，尤其暑假來臨，多了青少年到夜店流連，警方更加不遺餘力掃蕩，幾乎每晚一次，盡量令不法分子「無啖好食」。


唔係掛。。。咁細個就出去浦。。真係西利丫
睇黎佢13歲都係第一次揩野就3樣溝埋食。。。唔死先爛~~
第一次齋食一樣個反應已經會好勁。。又K仔又fing頭~~實爆到丫媽都唔認得。。。
唉.....咁就無左。。有點兒可惜丫.....

但係咁細個就食d咁ge野~~~~~~
仲有d 9歲就開始食~~~~
咁到大個戈陣咁點算ar~~~~~??

而家的香港細佬變哂質喇，鬼叫的父母寵壞左。

估唔到而家咁細過嘅女仔都會咁high~~~
仲high到不知死活tim...
咁細過就死咗!!!
人生有好多嘢都仲未見過!!!
真係有d可惜...

鄧佢父母感到難過...
先得果13歲...佢有冇理過佢父母有幾傷心..
唉...濫藥既野冇話你唔上癮就冇問題
係一定唔可做!!

好悲哀架真係.....

13 歲咋嘛....

人生都未過....一大半....

可惜...可惜...

..... only 13 years old take those pillss, and 3 at a time wor, of coz going to die la. everything free is no good

一個女仔好地地咁就冇左..
呢D丸仔真係害死人啊

I just feel sorry for her she is too young to understand those drug dont even try it

要自殺既......冇人阻到......

佢要死既....唔通唔比佢死咩....
係要hi 呢d野....死而無怨啦....