貼住一小部分先，如果好笑又未睇過的話就陸續有來~
我就覺得好搞笑啦，佢幾只野神神化化甘
------

28/07/1999  歐洲國家盃外圍賽    法國對俄羅斯
丁偉傑: 不過呢波呢，呃到就係英雄, 呃唔到呢就係狗熊。
何　輝: 或者係豬紅。

飛燕諾對阿仙奴
何　輝：講起飛機恐惧症，我拍檔丁偉傑隔離嗰個我都有呢個問題。
丁偉傑：但係翻香港都要搭飛機ga噃，搭船要好耐架ga！
何　輝：要成5日ga，我問過啦！
丁偉傑：如果冇咗拍檔5日都唔知點算囉！

曼聨對保頓
江忠德：嘩！如來神掌呀！
何　輝：如來神掌第幾式呀？
江忠德：雙龍雙掌啩。
何　輝：如來神掌有雙龍雙掌ga咩？

江忠德：吓，碧咸頂白色帽又幾靚噃！
何　輝：可能裞翻對白boot呢。
江忠德：嘩~~好彩佢對boot唔係綠色ga啫
何　輝：咁都俾你諗倒啊？

碧咸第一次着上印有佢囝囝個名嘅boot比賽，當俾對方球員踩甩一隻鞋时……
何　輝：如果對鞋改印上佢老婆個名，會唔會緊啲呢？係綁得緊啲呀。

江忠德望一望何輝對鞋，講：你對鞋都幾靚喎！又黃又綠，好彩你唔係做醫生啫。

24/02/2002  華倫西亞對巴塞隆拿
黄興桂：卡給換沙維，卡維傳個波出嚟。

列斯聯對查爾頓
何輝：馬田一祿，查爾頓金銀滿屋！

加拉塔沙雷對利物浦
加拉塔沙雷有個後防球員叫維多利亞.............
江忠德：維多利亞呢個名真係又順口又好聽ga啫。
何　輝：唔知碧咸對住佢會點呢？
江忠德：我諗唔會嗒糖啩。

何輝介紹加拉塔沙雷嘅後備球員時，有一名球員名稱譯音叫舒謹............
江忠德：個名咁搞笑嘅，叫「輸緊」喎。
何　輝：又未輸得曬喎。
江忠德：但係輸緊吖嘛？
何　輝：不過佢哋隊中又冇個叫「輸硬」喎。

曼聯對農特
當巴夫斯跑到禁區外與對方球員爭頂完波後，卻發現皮球唔見了............
江忠德：巴夫斯又喺度搵波喇。
何　輝：望下上面高處又冇，又唔喺自己左右，原來喺後面。如果攞個波DUP落巴夫斯個頭度，唔知佢搵唔搵到呢？
江忠德：試下囉。
何　輝：我諗一定搵唔到啫。

李斯特城對曼聯
江忠德：睇完呢場波之後9點55分又有一場直播，大家可以抖下，飲淡茶先。9點55分再嚟睇。
何　輝：夜晚飲茶會瞓唔著ga喎。
江忠德：就想瞓唔著，今晚大把波睇，唔驶瞓喇。

何　輝：有時有錢唔係大晒嘅，有錢成績唔一定好嘅。
江忠德：你好似講緊一隊間條球衣嘅西班牙嘅波咁我喎。

打比郡對紐卡素
當紐卡素嘅球員一腳將皮球射高并出晒界時...........
何　輝：呢雲真係抽高氣爽囉！

江忠德：傳個波出嚟，唉！佢完全唔知道，跑到過晒濃添，真係有早知就冇乞衣囉！

江忠德：拉雲拿利咁都塌Q，有點兒老貓燒須喎。
何　輝：老狐燒須。

紐卡素對車路士：
紐卡素門將阿基雲雙手迎接對方球員冼頓的射門時，疴蛋...............
何輝：一疴，黄金之蛋！

韋斯咸對曼聯
當比賽進行到下半場後半段，場上比分為2：4，韋斯咸落後兩球,此時有部分球迷已經開始離場。
突然……韋斯咸在右路中斷曼聯的傳球，隨即策動快速反擊，3：4！
丁偉傑：頭先嗰班球迷，快啲叫佢番轉頭。可能佢哋聽到啲聲音，即刻跑番轉頭睇下發生咩事先。
何　輝：可能要趕住番屋企收衫呢。
丁偉傑：落咗咁耐，乜都濕晒啦。
何　輝：佢哋忍咗好耐ga啦。

何　輝：係咪應該俾條毛巾費sir呢。濕晒啦，對健康冇益ga！

車路士對曼聯
裁判判俾曼聯界外球，蘇拿有啲意見..............
何　輝：蘇拿喺度口噏噏咁話“我？我？我？真係我？！冇掂過喎！

丁偉傑：曼聯贏波，車路士有個球員就覺得好無癮，但費sir就覺得好過癮。講緊嘅就係保斯尼治。”

曼聯對利物浦（01/02第一回合）
布朗同巴夫斯兩人喺自家門前嘅誤會，兩人撞埋一齊，俾奥雲喺門前執雞..............
何　輝：真係冤鬼呀！

01/02歐冠杯半決賽第二回合　利華古遜對曼聨
托比慕拿行出後備席嘅框框大聲鬧自己班球員，裁判走過嚟警告佢..........
何　輝：你就唔可以出嚟，你要番入去。嗱，唔好走出呢個框框吖，如果唔係趕你出場ga！
丁偉傑：你有你講，佢有佢鬧。仲喺度繼續鬧緊。

臨完場時曼聨全隊壓上，科蘭一個遠射俾利華古遜一名球員護空門救出...............
何　輝：睇下邊個咁犀利喇，佢真係一世仔啦！35號嘅球員帕拉辛迪呀！

巴塞隆拿對加拉塔沙雷
江忠德：陣中有位球员個名叫“尼古力斯古”，如果讀快啲呢？
黃興桂：變咗做“嚦咕嚦咕”囉。

阿仙奴對葉士域治
何　輝：駛唔駛俾牌呢？
江忠德：睇嚟好似唔駛噃。如果要俾何輝你俾囉！
何　輝：冇牌喎？！
江忠德：成件黃衫喺你身上面喎！

江忠德：睇唔睇到吖？兩隻手趾？…定一隻手趾？…定五隻手趾吖？……
何　輝：梗係五隻啦！

江忠德：通常嚟講，冇波跑位係咪應該快啲呢？
何　輝：不過有啲就唔係囉，你睇下好似以前嘅郎拿度，住攞住個波時比唔攞波嗰陣跑得快好多ga！

01/02歐聨決賽　皇家馬德里對利華古遜
突然有一名蘇格蘭球迷着著一件由皇馬主客場隊服剪成嘅黑白相間嘅球衣，下面着著一條蘇格蘭裙，頭頂戴著一頂帽，衝咗落場。一名警察立即走過去拉佢出場，但該名球迷唔願走，雙方你拉我扯。然後羅拔圖卡羅斯亦走埋去扯住個警察件衫。
何　輝：卡羅斯話，唔好咁激動，斯文啲斯文啲！
丁偉傑：我嚟睇波咋，我中立ga！

一名球迷光著上身走落球場.............
丁偉傑：上身就裸，唔知下身又點呢？

哈哈...佢地講波真係無得頂啊~
如果有短片睇就更加好啊~

francais :
搵唔到wor，有的話我都想……

布力般流浪對保頓
何　輝：下半場就背城借一，但而家就首先貝治(布力般後衞)送一先喎。

車路士對曼聨
夏素賓基因為多嘴而領黃牌，裁判攞起個波將罰球點推前十碼，巴夫斯同裁判爭論罰球點.........
丁偉傑：喂，唔好攞走我個波啊！點踢吖大佬？！

皇家馬德里對利華古遜
直播途中突然成個屏幕黑咗……
丁偉傑：唔好遮住！唔好斷籃啊大佬！好彩冇咩事，有驚冇險。

西班牙對韩國
何輝：(文迪達)以前喺華倫西亞嗰阵就打晒，喺拉素時就坐晒。

何輝：十二码唔入，廿二码唔入，三十二码又唔入，唔通知兩码先入？(指安貞渙)

阿士東維拉對利物浦
江忠德：又係梅菲，又食波餅喇！食波餅食到飽啦，今晚唔駛食飯啦。
黄興桂：應該係等陣間唔駛去買疍糕啦！

阿仙奴對伯名翰
何輝：最後韋臣(伯名翰的門將)總算好嘢。擔定，有錢剩！

曼聨對西布朗
江忠德：新聞多多嘅堅尼，勉強出，當然係冇幸福啦！

何輝：今届球隊(曼聨)又新啦，波衫又新啦，甚至乎碧咸個髮型都新，睇下有冇新戲象喇。

江忠德：有越位喎！
何輝：有冇呢？你轉做球證，你睇下有冇喇！
江忠德：我就話有喇！
何輝：你話有就有啦！其实個波斬出嚟嘅時候冇越位個噃。

何輝：冇著西装個喎！
江忠德：得唔得呢？
何輝：得！梗係得啦！

何輝：科拿入過波未呢？
江忠德：聽講喺友誼賽上入咗5粒喎！算唔算呢？
何輝：應該唔算個喎。友誼賽唔係正式比賽喎。
江忠德：都算嘅，友誼赛，都係賽嚟ga嘛！
何輝：唔得啫！因为呢啲比賽唔隶属於任何嘅總會喎！

江忠德：你估下要換邊個呢？
(1分鐘過後……)
江忠德：開估啦！開估啦！
何輝：會唔會係畢特呢？
江忠德：錯！！原來係華朗！
何輝：好丫好丫！換得好丫！

當曼聨1：0領先時，曼聨嘅球員在不思進取.............
何輝：有好多数十萬百萬億萬嘅球迷想曼聨再入多粒波個喎！
江忠德：你係唔係呢？
何輝：我冇講過喎！你估有冇人想西布朗入番粒波呢？
江忠德：有咁嘅本事都冇所謂嘅。

阿仙奴對伯明翰
何輝：可能件衫靚吖，斯文死都唔落地，係咁用隻手富下富下。  

何輝：佢真係好鬼抵死ga啫，係咁眼利利咁利住球證。唔好阻鬼住曬我CUP波先得嘎！  

何輝：告魯斯又企咗出嚟喇。睇真啲告魯斯(伯名翰的教練)又幾似克林頓喎。

車路士對曼聨
全場補時阶段，Fowlan凖备上場..........
丁偉傑：亞費sir話：仲有分幾鐘嘅時間，變下法術俾我睇！

西布朗對列斯聨
何輝：(修咸頓嘅教練)呢個動作都幾核突ga！嗌嗰陣就“lue”舊香口胶出嚟，嗌完又塞番入去。
江忠德：有唔妥咩？
何輝：見人見志啦！

何輝：雖然俾韦斯咸攞番1分啦，但好多球迷都好激氣ga！
江忠德：你激唔激氣吖？
何輝：小小啦。

江忠德：要抛售球員喎！
何輝：抛去邊呀？抛落海呀？

韋斯咸對阿仙奴
斯文接韋斯咸嘅一腳劲射甩手，皮球從斯文身後慢慢向龙门口滾去……幸好此時蘇甘保趕到……
何輝：蘇甘保話，唔驚唔驚，得我一個，冇其他人！

曼城對紐卡素
丁偉傑：好多前鋒球員都話對住舒米高射門好似睇唔到個門咁……
黄興桂：你問下山度士咪知囉！

伯名翰對列斯聨
丁偉傑：由於佢暈暈地，球證唔需要佢行出場外。
何輝：佢行得個喎，點解要留喺度呢，佢又唔係龍門。

丁偉傑：入咗波之後睇下有冇下文喇。
何輝：當然唔係講緊利物浦嗰個夏文啦。

何輝：“克林頓”又走出嚟做咩呢？
丁偉傑：其實何輝你講緊伯名翰嘅領隊告魯斯。

夏迪企喺角球點前凖備開角球，用手擺好個球時……
何輝：嗱~~擺靚啲先，靚啲添。夠靚喇~~

丁偉傑：嗱~~你信唔信吖？又有觀眾話你兩個講波佬好衰，由頭彈到落尾，不過真係有嗰句講嗰句囉。

丁偉傑：保耶有冇犯規呀？
何輝：有吖。DUN行個馬，係咁撞埋去。(好肉緊咁講)死啦你！！

丁偉傑：告魯斯带領伯名翰贏得英超第一場比賽。
何輝：仲要贏強隊喎！
丁偉傑：但列斯上一場輸過俾辛德蘭喎。
何輝：哎呀~~咁就冇咁興香。

辛德蘭對曼聨
麦卡迪亞侵犯堅尼，因而惹起二人糾紛……麦卡迪亞向堅尼做出一個寫字嘅手勢，諷刺堅尼嘅自傳内嘅内容。
丁偉傑：麦卡迪亞話“寫我啦！寫我啦！寫書寫我啦！”

保頓對阿士東維拉
何輝：隻吉祥物話唔係嗰度呀！請你行番後啲先DUM。隻吉祥物當然係保頓ga啦。

丁偉傑：如果要怪維拉放走咗舒米高呢，都可以理解嘅。其实呢個安格文都唔錯嘅。
(正當讚緊呢位门将時，即刻将龙门球踢咗出横邉界外)
何輝：哎呀~~！
丁偉傑：一巴聲落嚟，雖然冇乜交情，都唔駛咁吖，讚完就将個波踢咗出界。

何輝：嘩！好得人驚呀！查尔頓條褲都爛埋，要害位置喎！

丁偉傑：一級方程式咪有入bit入幾耐嘅。唔知第日有冇計時聨針聨幾耐呢？
何輝：可能會耐啲喎。仲要計埋喺場外定場内聨。

曼聨對米度士堡
何輝：終於出嚟啦！
江忠德：咩嚟呀？
何輝：蘇生(蘇斯赫查)囉！

山坦德對華拉度列
何輝：頭先教練摩亞，華拉度列嘅摩亞，二撇雞，出嚟閙鬼喎~~

何輝：而家大樹好遮蔭啲丫，好多球員冇得打都情願留喺大球會，稳稳定定好過。
丁偉傑：咁似香港經濟嘅情況嘅？
何輝：嗰啲去到大公司要走喎，唔似大球會喎。

丁偉傑：又見到嗰支旗喇。好似喺度幫個旁證睇越位咁。我觉得個球迷好似換過人嘎，咁好忠氣跑嘅！

丁偉傑：又見到你講嗰個球迷喇！我觉得唔似幫球證睇越位，指手話腳咁，好似喺度教緊班球員點踢波添丫！
何輝：但揸住支旗又唔係旁證支旗喎，似山坦德支隊旗喎！

布力般流浪對利物浦
丁偉傑：好似中槍咁，劈啪一聲，哎呀！

阿仙奴對曼城
何輝：好似玩滑板咁，個波一出，兩個球員一齐SIR埋去广告牌度，都幾好玩ga！

何輝：影曬兩個胡禮出嚟喎。
江忠德：一個养父，一個养子，兩個都係阿仙奴嘅舊将。
何輝：咁即係邊個养邉個呢？
江忠德：應該係养父养养子啦。
何輝：唔會啩！嗰個胡禮都唔少嘢個囉喎！

江忠德：好多時都好驚近鏡影到斯文苦笑個樣ga啫！
何輝：佢都幾靚仔ga！
江忠德：你鍾意吖？
何輝：咁佢的確係幾斯斯文文嘅！

江忠德：佢(阿仙奴新買番嚟嘅門將沙芬)爸爸係埃及人，佢妈妈就係芬蘭人，佢就喺瑞典出世。又芬蘭，又英國，又瑞典。
何輝：咁不如去聨合國搵工好過啦。
江忠德：都唔知究竟係芬蘭人定瑞典人，定英國人，還是埃及人。
何輝：咁多國籍，去做外交大使都唔錯丫。
江忠德：啲記者問佢，佢都未知踢邉個國家好喎。

江忠德：大佬叫XX拓尼，佢有個細佬喺比利時聨賽效力，叫做XX拓尼……
何輝：即係拓尼将拓尼托埋嚟啦！
江忠德：咁兩個一齊托埋嚟啦！

列斯聨對曼聨
何輝：令米斯好似元寶咁跌咗落地。

丁偉傑：夏迪同蘇斯赫查扼番手想走。球證話你咪走住，我有張牛肉幹送俾你食嘅。一人一張。

車路士對紐卡素
何輝：迪西李好似鬼咁，一有對車路士不利嘅吹罰就願冤鬼住個球證。

熱刺對韋斯咸  
江忠德：佢會唔會就住怕祖高爾受傷呢！會唔會怕祖高爾破相，冇咁靚仔呢？~~因為上一場縫咗三釬丫！~~  
何輝：會唔會唔靚仔入唔到國家隊ga？  
江忠德：要問下艾力臣先知啦！  

江忠德：直情好似孭重飛咁啦！  
何輝：咩叫做“孭重飛”丫？  
江忠德：即係孭重擔囉！  

江忠德：熱刺個老細諗攞出兩億出嚟，開辦足球学校，股票又上市。總之嚟緊熱刺大把好嘢啦！  
何輝：以前發行過一次ga嘛？  
江忠德：再嚟多次呀！錢唔怕多ga嘛？  
何輝：但係啲股價唔係好高咋嘛。  

江忠德：近鏡望落去膝頭哥附近有個窿，都幾核突下ga！  
何輝：球員身上面都有好多巴痕ga嘛！  
江忠德：呢啲係戰績嚟ga嘛，係咪丫？  

何輝：喺現代足球，禁區入面经常有互打吖，互揽吖，冇互鍚嘅！~~

利華古遜對曼聨
江忠德：映梗月亮渦！  
何　輝：中秋過咗囉喎！
江忠德：有啲黃黃哋咁嘅？！(指月亮)  
何　輝：你話梗佢塊面呀？！(指托比慕拿)  
江忠德：唔係！係黑黑哋！

列斯聨對阿仙奴
丁偉傑：又見到雲拿保斯喇。  
何　輝：其實佢唱歌都幾劲嘎。佢唱過一首歌，喺倫敦街頭，好多人陪住佢一齊唱，都幾正ga！  
丁偉傑：怕且而家都唔唱得出啦啩。  
何　輝：而家係阿仙奴啲球迷唱緊歌。  

何輝：身份證都唔駛“樣”，想點過就點過。  

丁偉傑：雲拿保斯都有去睇阿仙奴對PSV嗰場波ga，練完波坐飛機去荷蘭，睇完波又飛番去同班波訓練，領隊嚟講佢经已做到足ga啦。  
何輝：啲航空公司多得晒你喇！  

丁偉傑：保耶又嚟唔，今次係亨利。扼番手喎，保耶笑番喎。  
丁偉傑：同佢配下對白先。算啦，唔同你玩啦，有張黄牌嘎！  

丁偉傑：阿仙奴里面有好多好年輕嘅球員。  
何輝：睇下有冇啲連身份證都未攞嘅先。
丁偉傑：82年，83年，85年……  
何輝：85年就真係未攞身份證喇！  
丁偉傑：兒童身份證囉！  

丁偉傑：簡奴射到4比1！  
何輝：大家埋嚟啦，開PARTY啦！

哈哈，好懷念佢地一齊係ESPN講波的日子。