我下載咗D劇集轉檔後有畫面無聲音,我是用開WinAVI 9.0,之前的都無問題,朋友教我用Allok,用這個轉檔就OK,但慢了點,都是中意用返WinAVI,唔刻請教下我怎樣做才好.謝谢

您以前用開 WinAVI 無呢個問題嗎?  應該係有 d codec 轉左。 請問您最近有冇安裝過 d 咩 software 後發覺 WinAVI 無左聲呢?

update 過real player,會否有問題呢?

請問怎樣才可以轉返呢?或雖要下載些什麼?我是新手請指點迷津.謝謝

oh.. update 過 real player? 絕對有機會呢!

我都唔係咩專家，所以我唔想教錯您，不過我可以分享下我既做法，俾您作為參考。

我通常 uninstall real player (甚至完全唔裝 real player 添!)，因為只要安裝合適既 codec，就可以用 Windows Media Player 或者 Media Player Classic 去播 rmvb，完全唔洗再用 Real Player。

所謂 "合適既 codec"，我就裝左 K-Lite Codec Pack，佢跟左好多唔同既 codecs，有 d 可能係唔需要既，而我就未有時間研究邊 d 有用邊 d 冇，但 rmvb 就肯定係 play 到。

所以您不防考慮 uninstall real player，然後裝 k-lite codec pack，然後用 windows media player 去 play rmvb，無問題的話，之後再試試 WinAVI 轉檔，睇下會唔會 fix 到您個問題?  

希望幫到您啦!

好多謝詳細解識,因為我是新手,所以再要問什麼是k-lite codec pack,是一個軟件嗎?去那裏找到下載呢?謝 謝

唔好客氣!!    有唔明就問啦!  我都係學緊架咋!  大家研究下啦!

codec 其實係 coder-decoder 既意思，即係類似解碼功用，一般來說，Windows或Windows Media Player 係冇裝有 RMVB 既 codec，所以當您嘗試用 Windows Media Player 去讀 RMVB 時，佢唔識讀，就係因為咁勒。

Real Player 當然內置有 RMVB 既 codec 啦，不過佢又唔識得 share 俾 windows 內其他 player 用，所以當您裝左 Real Player 後，Windows Media Player / WinAVI 仍然唔識讀 RMVB。

K-Lite Codec Pack 就係一個含有多種 codecs 既軟件，詳細就真係要問其他高人勒。   以我所知，裡面其中包括有能夠解讀 RMVB 既 codec 囉。   通常黎講，安裝呢類 codec pack，佢唔會好似 real player 咁收收埋埋，而係會 "添加" 入 windows，令 Windows Media Player, WinAVI, TMPGEnc Plus.. 等等原本讀唔到 RMVB 既，都能2夠解讀 RMVB 勒。  不過我亦知，好多時裝完 d codec pack 後，會同 Real Player 撞，而當您重裝 Real Player 後，又可能會同 d codec 撞，兩者好似不能並存咁。 所以我先提議先 uninstall Real Player 就係咁解勒。 再加上，裝完新 codec 或者 codec pack 後，您都唔再需要 Real Player 啦 (除非您有其他特別用途啦)!

咦? 您之前用 WinAVI okay 架喎!  係咪您之前都裝過 d 咩 codec 呢?  Real Alternative (另一隻 RMVB codec)?

K-Lite Codec Pack 可以響呢度下載:

http://www.codecguide.com/download_kl.htm

其他 Codec Packs:

http://www.codecguide.com

你真好人呵!多謝得很你的詳細解答, 但我發覺手題電腦一樣(無update過(real player)用WinAVI和Super Video Converter所轉的檔用real player,
Windows Media Player和 KM Player都一樣無声有畫面,所有下載了的只有用ALLOK 才OK,以前用WinAVI好幾年都無問題,都唔知點解忽然間這樣,煩死我啦
有試將枱機安裝了K-Lite Codec Pack 3.8.0. Basic便移除了Real Player後,但連之前下載咗的檔都看不到阿!

真係好少會忽然間咁架喎!   您有冇用 MSN 或 其他 IM?  等我地搵日上 IM 傾，同您逐樣研究一下會方便 d 喎!

carrine, 想搞清楚少少, 你已經裝了K-Lite Codec Pack 3.8.0 Basic, 然後睇唔返以前的 realplayer file? 還是連以前的 files 都全部都 delete? 咁新下載的 realplayer file 有無問題?