晚上重播緊 III，不過都就來完了
感覺 III 無以前的好看

我最鐘意第 II 部，
一開場就是謝君豪配韓君婷在英國古堡取景
人靚、景靚、衫靚
淨係睇呢幾樣都夠剎食
跟住就有任達華好型好型的彊屍王將臣出場
另外仲有日本的貞子客串
再加上女角大都是迷你裙出場咁濟
萬綺雯當然要 show 佢的長腿喇
其餘仲有張慧儀的馬叮噹角色好艷好正
仲有張文慈的未來喇、貓女大咪&細咪

男角方面除了尹天照外
杜文澤的金正中已經有了亞澤本身的性格演釋
堂本靜的造型都好突出
陳啟泰又忠又奸的角色性格都唔錯
中間又加插梁榮忠飾演的魔星尼路

亞視近年的大制作
呢套是我最喜歡的一部
特別喜歡的是他們的造型，真是無得彈
可惜第三集做完之後
已經覺得無可能有第四集出來了
因為覺得第三集已經去到極限
只可以看返重播來回味呢套經典的疆屍片

我都睇左III, 但係就覺得唔係咁好睇。 II我就未睇, 而家見花子姐姐極力推介同埋有咁強的演員陣容, 等我聽日拿拿臨飛車去租番嚟睇先！！

套野簡直經典啦∼　真係冇咩幾可會睇ａｔｖ∼　－ｏ－”

頭兩輯我睇碟，第３輯真係日日ｂｔ追的！！

第３輯阿況天涯好可愛，第２輯入面阿黃真真個角式都好討好。　－３－

況天涯真是好可愛
可愛得來有點似亞嬌呢
復生變左個少年真是有點唔慣
第一集出場直情唔知呢個是復生添
相隔四年相差咁大

第3輯講到個小妹妹女鬼，玩捉迷藏果 part，我唔敢夜晚看，有點恐佈，同埋六月都好似隻鬼，夜晚看會驚驚

而家 download 返第1,2 兩輯，得閒拎返出來看都正

咩六月？唔係好記得？　－ｏ－”


玩捉迷藏果節我反而覺得拖得太長...

我最喜欢看第二集,因为它的故事好好.但是第三集有点闷,我不是很喜欢.

我同花子姐姐一樣呀~~~
我頭2輯都有睇!!!
都係一樣覺得第2輯最正!!!
但係到咗第3輯啦喎~~~
我覺得一d都唔好睇!!!
因為好多嘢都唔同哂咁......

我都覺得第二輯最正
入面加左好多high-tec 既cg令到所有野都立體左同現代感重左
而且第二輯個故事冇第三輯咁離譜
容易接受d
加上好鐘意一開始謝君豪0個個英國古堡故事同埋呀澤、陳廷燁同求叔既表現
真係令人想再睇多次
(謝君豪真係好型~)

不過講新鮮感一定係第一輯
仲記得個陣時都未有過呢類題材既電視劇出ga
每一日食完飯我就部係電視機前面等ga喇
個陣時真係越睇越鐘意
尤其況天祐戇戇直直個樣
加埋復生咁細個但又要扮老漬wor
仲有呀澤又矮又瘦又要成日俾馬小玲蝦
真係好搞笑ga

不過呢，況天祐越做越老個樣都幾恐怖
尤其係第三輯0個陣時老到ae.....
同馬小玲都幾唔襯ga
同埋有冇發覺0個時既山本未來同而家有好大出入呀？

I watched I, II and III.. I think III is not as good, the ending is very bad and weird.
Both I and II are good!

我除左第一輯真係睇 馬小玲+況天佑 之外﹐其餘兩輯都唔係 focus 落佢哋度。
第一輯的確好睇。小玲夠靚夠型﹐天佑有d魅力﹐復生夠 cute﹐堂本靜夠 cool。
每個主角都有佢地特有的鮮明特色。就連正中同白蛇個段亦夠深刻。

但係第二輯一開始就先被 萊利(其實應該係 謝君豪 先o岩) 吸引﹐即刻覺得 天佑 被比下去。
之後 將臣 (任達華真係勁型)出現... 我的視線已經完全離開 況天佑。
我仍然會睇 小玲﹐除左佢同 天佑 d 感情戲個陣。
因為我完全覺得 馬叮噹同將臣 個段感情好正。已經變左第二輯既 selling point!!!!

然後第三輯﹐故事要用 [舊瓶新酒] 來形容。因為除左一班主角外﹐其他都是新創的﹐包括故事。
雖然硬係加插一些一､二輯的內容 (如山本一夫)﹐但始終唔 make sense。(把三輯貫連的話。)
套一句對白來解釋既話﹐就係: 天書重組。
所有發生過的劇情每一刻每一秒都有可能在更改。
即係好似 天涯 所知的過去同佢經歷的過去有出入。
所以係一個新既故事。

冇左 將臣 叮噹同女媧 做主要線﹐但係黎左 瑤池聖母同人王。
人王 同 將臣 一樣將 天佑 比下去。聖母+人王 嘅故事同 將臣+叮噹 一樣蓋過 小玲+天佑/箭頭。
天涯+Sky 都幾吸引。 (天涯 實在太太太太太太太太太太太太 可愛喇!!!)

我睇彊屍3輯都好少喊﹐最多眼濕濕。
但係 細R 死個集﹐我居然喊到收唔到聲。
由 烏龍 呃佢開始驚﹐到佢不疑有詐真係變左鬼﹐唔肯拍其他人開始流眼淚到佢變影個陣大喊。
咁多段劇情咁多個角色﹐最影響到我既.... 居然係 細R。
都唔知算好定唔好。