not bad a movie

熟識我的朋友都知, 一般情況下我係唔多睇戲, 或者只睇頭尾! 但呢套係近幾年我會坐定定睇晒的其中一套.

全套戲唔可以話非常之好, 但算係近年港產片有誠意, 有戲情, 少之又少有的本土佳作. 情節上亦唔多犯駁, 亦算係緊湊. 可惜的地方係 ..... 沒有「証人」，只有「証物」 . 睇完全套戲，不禁會問: 邊個係電影名字所指的證人??!!

我地觀眾包括您都係証人﹐明嘛﹗

原來係咁呀!!??  我都有同阿蛋同一問題!!!  今日終於解答左!  

我早排睇，所以唔係太記得 d 細節添!  個故事三條線算係幾精心編排。 我覺得謝霆鋒雖然好努力去演，但佢個樣仍然係有點孩子氣，做幹探未係咁似，佢 d 喊戲我略嚴誇張。

個場撞車戲就真係拍得好正!!

<個場撞車戲就真係拍得好正!!>
可以講講覺得點正法?

首先，我未睇過其他電影(甚至 Hollywood)係咁樣拍撞車場面既，或者有 (好似電影 Deathproof 裡其中一場) 但係香港人拍又有另一番味道!  所以我覺得幾新鮮!  亦睇得出，佢地為呢場戲應該放左好多時間心機，先有咁既效果!  我亦喜歡佢唔係齋靠 CG，有 d 動作反應做得好仔細，後來去睇番 d 報導，原來佢地搭左個巨型攪拌機黎做呢場氣個效果架喎!  

Mickey, 有問題:你俾[殺人犯]同[証人]都係三粒星﹐咁o係你心目中[証人]只係同[殺人犯] same level??

呢個係 "我喜歡既程度" 黎姐，好個人既。   係呀，兩套我都係咁上下鍾意咋，唔知係咪之前對 "証人" 太高 expectation 呢?

咁就合理得多﹐因為如果係套值三粒星既戲度﹐出到個五料影帝(電影評論學會、金
像獎、金馬獎、韓國富川、第一屆優質華語電影大獎），咁佢咪超勁抽﹗

其實您地覺得 張家輝 做成點呢?  點解可以羅到咁多獎呢?  我唔係話佢做得唔好喎，只係我唔係好識得睇 點樣為之 "影帝" 級既演技。 郭富成 都做得好好喎，但對您地黎講，係咪 張家輝 明顯地好 d 自然 d 呢?  點樣去睇架呢?  可唔可以舉到 d 例，等我重溫下再欣賞一下先!

我喜歡同人講戲，係因為有好多時其他人會睇到 d 我睇唔到既野，收集意見後，再去睇番套戲 (如果有時間.. hahaa)，會有另一番味道架!