話說有一晚，當我走出房門，行到去廁所時，
企喺門口，見到我隻貓貓好似平時咁趴左喺入面
起初以為佢訓緊覺，但係佢突然好大動作咁撲向地下，
我當時諗佢又唔知係度發咩傻(佢平時都係咁撲黎撲去)
但係當我一開燈，我眼前有一隻比"權"頭細一半既黑色野係我面前飛過
說時遲，那時快，我隻貓已經將佢捉住，而且咬住佢跑左落樓下
我都黎唔切反應，因為我好驚，我即刻叫齊我屋企未訓既人一齊落去睇下發生咩事
落到去，開燈先見到原來係一隻老鼠仔
我隻貓將佢玩黎玩去，捉左佢後又放開佢，跟住又捉過(佢好似好enjoy)
我即刻叫人用個盒捆住隻老鼠，但係我隻貓都唔肯罷休，
跟住我地就商量點樣處置佢，殺左佢又覺得好似唔係咁好，因為望真d隻老鼠，佢都唔係咁可怕，
但係放左佢，我地又驚佢會走返入黎，最後有人決定將佢沖落廁所，咁樣佢就有一線既生存希望，
同埋沖到好遠都返唔到黎。

隻老鼠可能有細菌喎, 之後有無消毒呀?

Littlelover :
就咁用清潔貓既紙巾抹下佢d手手腳腳咋~

貓貓好耐都無咁刺激的玩具比佢玩囉
你地居然沒收佢的玩具，仲要沖落廁所添

你睇佢放左入盒都唔捨得咁，係咁用手手想同佢玩多陣 不過貓貓真是好得意
你不如買件電動玩具比佢玩下喇

Littlelover :
唔同類型既假老鼠我都買過俾佢
但係佢玩一兩日就冇興趣
佢真係好唔捨得架
果時用個盒裝住隻老鼠後，佢仲係咁撲去個盒度
拉開左佢，佢又行返黎~

沖落廁所係一個好既解決辦法~!

Littlelover :
初初我唔認同，但係後尾諗諗下先覺得係唯一既辦法

諗諗下隻老鼠仔果陣都幾慘
比貓貓玩完一輪都已經驚到死
跟住入左落個盒度走又唔走得
睇住阿貓貓想走埋去再捉佢咁
貓貓塊面又大過佢個身咁多喎
(我諗緊，如果隻鼠鼠有思想的話，一定是喊緊  )

貓貓是點樣玩架？
唔知會唔會好似狗狗咁
咬住佢個身 fing 來 fing 去咁呢？
你地沒收左佢個玩具之後
佢有無自閉跳入去個盒度呀？

Littlelover :
就好似牛丸咁講，捉完又放，放完又捉過
捉老鼠時會咬住或用手壓住佢
不過就唔會好似狗狗咁"fing"黎"fing"佢
果隻老鼠冇俾佢玩死咪算好囉
我聽我屋企人講，我之前返左香港時，
我隻貓發現左兩隻老鼠
一隻成功逃走到，但係另一隻就冇咁好彩喇
俾我隻貓玩到死左...

佢地OK殘忍．．會捉一下隻老鼠，放一下由佢走，走左幾下，又捉番條尾，直至佢悶（就會把老鼠咬死放你面前）ｏｒ老鼠累死為止，可以話係玩死它

Littlelover :
都幾架
所以要盡可能喺命案發生前阻止

沖落厠所又點會有一線生機ar..
係有死冇生la..

Littlelover :
會架，老鼠生命力咁強，
佢最多咪沖到去d唔知咩地方
我相信佢應該仲生存緊架
不過最緊要唔好返黎呢度就得喇 :P

以前在朋友加的貓貓也是這樣子。不過那次牠捉的並不是老鼠﹐而是小兔子!!!

Littlelover :
我相信只要係會陏會走既
貓貓都係唔會放過既
除非佢玩厭左啦

wow joey隻貓原來甘活潑~~
平時見你影拒d相都係坐係到甘
而家有老鼠玩拒1定好開心~
你做咩沒收左人地玩具者~好慘架拒XD