我與儍猫日記 3
Hi, 又係儍猫時間, haha....
今次講下猫沙, 唔養猫嘅朋友可能唔知咩係猫沙. 猫同狗唔一樣, 佢地要喺d 沙度方便, 之後重要埋咗d 排泄物, 猫猫愛乾淨 ar ma. 所以佢地個廁所係需要放一定的沙入去.
市面上一般分幾種猫沙: non scoopable, scoopable, bead, natural material 幾類.
Scoopable cat litter 就是一種遇到液體會自動結成一塊塊嘅猫沙, 好多飼主都係用呢種, 因為方便清理. Non scoopable cat litter, 顧名思意, 就是不會結塊嘅猫沙, 用這種沙通常要在盆底放一層紙或膠布, 清理時成包一次丟棄. 至於 natural material 就是用木片碎代替沙 (猫沙是化學品), 好健康, 又環保, 清理方法與non scoopable cat litter 一樣. 這種沙需然好, 但不太適用於我家, 因為4 隻猫, 排泄物太多, 次次都包一包丟棄, 一日真係唔知要丟幾多次. 最後係bead, 呢樣係近幾年先出嘅新產品, 係用珠珠代替沙, 咁樣可以減少猫猫吸入太多沙同塵, 本來我都想轉用佢, 但同班cat lovers 出來gathering, 佢地話用過, 但係d 猫猫竟然會咬同食嗰d 珠珠, 嚇到我即刻唔敢買.
好啦, 講咗咁耐, 入正題啦, 我班儍猫最近非常不滿平時用開嘅某牌子猫沙, 佢地聯合低制唔用, 點唔用？咪唔喺個sand box 度方便囉....你話死未？可以想像個情况有幾惡劣, 我日日訓醒同放工返到屋企都好似打仗咁.....唉......開頭又唔明點解佢地會咁嘅....最大可能係前排買唔到佢地平時用開嘅呢隻牌子, 於是買咗箱 (冇錯, 係成箱咁買, 18kg 呀)新野嚟頂當, 呢個新野係scented 嘅, lemon味, 咁用晒後咪買返之前用開個牌子囉....咁就出事啦...... ((, 佢地真係識貨, 唔貴嗰樣都唔用.....果然當我買返 lemon 味好香隻牌子猫沙, 佢地就回復正常, 你話係咪激死？但係咁香, 我驚對佢地唔好......唉, 得閑要 call 佢地個獸醫問下.
|
