求助!! 唔該教下我啦~~

好唔好味真係好主覲觀 , 不過味道就要自己試o勒 !
準備材料如下 :
1 . 將意粉煲好過冷河隔水 , 備用 ~
2 . 洋蔥絲適量 ,  雞絲或火腿絲適量 , 備用 ~
洋蔥絲用橄欖油爆炒至差不多軟身 ,
加雞絲(要炒到熟)或火腿絲 ,然後落意粉炒勻  !
要干炒就可加少少蒜蓉、牛油同鹽調味 !
燴意粉就可加"o急汁"同少少鹽、糖、茄汁就可以 !
如果要唔同味道 ,亦可以試下用罐頭湯做汁 ,
(呢個係我最鍾意用既 , 因為慳時間 !)
鍾意白汁就用忌廉雞/蜆湯 , 1/3罐湯加少少水就得 ,
等到個汁煮杰就可以上碟 !
鍾意芝士味可以係上碟前 ,
加一片芝士(做三文治果隻)落d意粉度撈勻亦可 ~