真係唔知呀，佢點解會咁認真？
好難明

有冇咁多朋友似明星ar?
我都想識番幾個林嘉欣同堀北真希wo..

睇黎我都係唔需要將日記post上黎喇，人家都咁....

好失望...

不過，我今次旅程令我搵到出路，希望日後我地再有機會見面啦！

祝各位早日搵個自己的出路。

都係算啦！大家都係當我冇存在過得架喇......

反正無論發生左乜野事，最後笑戈個一定係我囉！

因為我覺得心靈上的出口真係好難求，所以我建議各位如果有想做的事，就一定要去做，唔好『愛得太遲』，有時候物質上的東西真係唔係好重要，大家要珍惜擁有嘅野，同埋一定要去追求自己想要嘅野。

可能大家當我亂講野，其實你地咁諗都啱嘅...我又冇錢又冇地位，邊個聽我講野丫，你地睇我唔起、唔信我都好應該嘅。不過我都唔求你地睇起我、信我，因為我已經喺幾日裡面得到左我想要和追求的野。只要我努力多一年，就可以逹成我的理想。

總結一句，我希望各位睇在我離開LIPS Corner的份上，認真考慮一下自己的『出路』。

呀閃, 點解你咁講呀? 我無當你講笑喎, 一路都得你好認真o波!! 只係覺得為o左見堀北而且咁做, 會唔會激o左少少? 從無諗過笑你o架, 反而擔心你似劉個fans咁!

任何人都會為佢認為有價值的事而努力去做, 可能係第3者眼中係一件傻事, 但當事人覺得值咪得o羅, 唔好因為咁而離開呀!! 等你好消息o架! (我都想八卦下o麻!)

睇到你個 post, 真係好激氣, 冇錢冇地位?? 你知唔知自己講緊咩呀? 呢度邊有人會咁諗呀?
依家大家對你嘅質疑, 係因為覺得你冇錢冇地位咩? 根本就係對事不對人, 就算呢個 post
係另外一個人出, 相信大家嘅反應都係一樣, 你自己諗下啦. 起碼我到依家都仲信你今日
真係會見到堀北, 枉我之前仲咁担心你.

可以話比大家聽，我24號收到屋企電話話妹妹炒左車，我個心都離一離，即刻叫我朋友幫我買機票返澳門睇我妹妹，之後知道左原來只係擦傷左表皮，我個心都定啲，就回程返日本準備繼續『尋希之旅』嘅時候，一踏進機場，我忍唔住打多個電話比我妹妹，傾左一陣。原來我最唔舍得嘅係我妹妹，所以最後我都係選擇留低喺澳門，之前同朋友喺拉面店都有傾開呢類問題，我先至發覺原來我自己係用左自己嘅前途黎去逃避緊家庭的問題，呢個係我今次旅程所體現到嘅。即使係咁，我都覺得值得。

最後真係估唔到堀北真希會輸比我妹妹。

可能你地會笑我傻仔，我唔怪你地，因為到你地經歷一啲事而扭轉你一生嘅話，你就一定笑唔出。

加上呢件事我本來出發點都係有啲激動，不過，到最後我都搵到自己嘅出口，無悔。

我無笑過你呀!! 亦相信無人笑你傻, 正如JQ所講, 大家都係關心你!!

你的反應好正常o者, 親情喎, 點都大過一切啦!! 但唔明的係點解放棄? 都安排好晒, 見埋先返澳門處理屋企問題o羅! 叫做了佐個心願o麻, 老來唔會後悔!

至於你的屋企問題, 咁要你講多d先知啦, 如果你唔介意同大家分享一下! 點都好啦, 新天藍從時都等緊你返黎!!

放棄，其實係好困難。

如果我選擇左堀北嘅話，我就會繼續以前嘅生活，掛住睇劇唔搵工做、搵做野，咁...我朋友同妹妹講嘅野就白費咯。學 koon 話齋：『得閑睇佢啲劇，幻想下咪得囉』。

咁你都有道理, 做人係咁懶開就懶! 但又會變化得咁大, 180度轉變咁?