第11集官網預告

嘩 ! 睇完第十二集真係一個字 ....
甜 ~~~~~~~~~~~~~~~~~~

而家o既心情就好似同緊劇中人一齊談戀愛咁 !
呢集o既經典場面比三順仲利害 !

首先就係執栗子跟住兩人和好 !

然後韓潔叫恩燦復工兩人相見o既表情 !

跟住韓潔同恩燦去送咖啡(十成十係借d意走出去拍拖),
路上韓潔問恩燦佢初見面係幾時 !?
恩燦即刻話送外賣見到佢剛沖完涼個次...

仲有韓潔後段打電話o既表情真係正 ,
首先就好開心係sofa度一路講一路跳 ,
跳o下跳o下聽到恩燦同佢講"我愛你"就腳軟 ,
跟住跣低係sofa度同恩燦講"我愛你多d" !

今晚雖然好卡 , 但d劇情咁甜真係值得 !

希望下星期o既劇情繼續甜蜜落去 ~

之前因為 internet 及搬屋的緣故, 從第8集起便沒得看咖啡了,
今日一口氣看了４集.....嘩！韓潔終於知道恩燦係女兒身,
真係鬆晒, 然後第10集最後一吻, 令我想起 lover 嘅河康在同尹美珠
嘅 12月23日 x'mas eve 之吻, 同樣咁攞命 ~~
跟住又响關鍵時刻撿栗子 ..... 你地知啦, lover 入面啲栗子都好重要架嘛,
咁咪又係覺得似囉 ......

不過呢集真係好甜, 韓潔同恩燦和好之後, 恩燦蜻蜓點水錫咗佢一啖,
佢個冧樣真係好傻囉, 但又好可愛喎, 真抵死！

希望13集唔好咁快玩身世之迷啦, 好無癮架！
其他人都好正, 呢幾集華夫餅好型, 佢真係好似日本人呀.
my 燦雖然有啲激, 但一樣咁可愛
仲有洪社長, 佢真係太 ~~正喇！越嚟越中意咖啡店啲人,
遲啲播完一定會失落一段時間 ....
希望接檔嘅"太王四神記"唔會名過其實啦 ....
我亦＋分, 百分, 千分, 萬分期待李瑞鎮９月嘅新劇
今次河頭目會點呢？等我出個 post 介紹下先 ~~

因為迷上呢套"咖啡" , 走去睇o左套英文被小說 ,
結局先至精彩 , 其他唔夠套劇正 !
或者係我d英文差睇唔明 , 不過小說版o既恩燦真係十分粗魯 ,
尤其係講d野完全好似個男仔咁 !
而家有朋友將部小說翻譯為中文 ,
哈 ! 唔之d粗鄙字眼會唔會打xx ,
到時就淨係睇xx啦 ~

以下為中文版小說網址:
http://post.baidu.com/f?kz=244343158

第13集官網預告

我睇咗個9 mins ch.13 嘅預告, 雖然 HJ 同 EC 繼續 sweet sweet, but 身世之謎亦都揭開, HJ 知道咗佢嘅父母都唔係親生嘅(應該係呢集最後) ..... 唉, 希望 ch.14 唔會太灰啦.

呵呵~我係由第十二集都出左之後先開始dl黎睇架>3<
初初知道有呢套野既時候雖然有d興趣，
但係始終都冇咩心機去睇~
不過前個排見到呢套野係korea既收視唔錯，
先突然充分幹勁去dl

睇完第一集，就想繼續睇落去lu~
而且我鍾意尹恩惠啊~
自從「宮」之後就鍾意佢lu~
而且個男主角都okay~
幾熟口面咁 :p

真係唔錯啊呢套劇~
唔知係咪真係會拍多兩集呢@@
但係尹恩惠好似同公司有關於錢既問題……

係啊, 呢套真係好睇, 我本身唔鐘意尹恩惠, 但都覺得佢响"咖啡"入面表現好,
聽講係會加多一集, 之後係"太王四神記"接檔, 連播4 集後, 再由李瑞鎮新劇接月火檔, 四神則繼續水木檔, 唉......咖啡之後, 三台兩檔 mini 劇共6部, 有一半是歷史劇, 總之是古裝劇的天下！

送你第10集Kiss 慢版MV！

一路睇咖啡 , 一路回憶番同老公拍拖o既日子 ~

呵呵 ! 咖啡真係能夠拍出男女從開始互相吸引 ,
開始曖昧繼而坦誠跟住正式戀愛果種味道 !

而且14集內好多情節都係拍拖時親身感受到 ,
所以咖啡播完o既話 , 我驚自己好似失戀咁 !
到時就要"呢"埋喊一陣先可以平復自己啦 !

咁誇張？要"呢"埋喊一陣？
咁我又冇呢種 feel 喎, 咖啡係幾 sweet 嘅,
不過可能我對愛情為主嘅劇就唔會太投入,
尤其呢種比較 sweet 同正常嘅......
不過咖啡仍不新為這個夏季的一劑清涼茶,
使人看得輕鬆又愉快, 想起遲吓古裝劇橫行,
真係唔捨得咖啡咁快完.