最近亞視星期日朝早十點播野豬大改造...睇左一集真係有啲感觸~~想喊呀~~~

woodstock :
感乜鬼嘢觸啫, 你放棄得就咪諗啦, 從政吖嘛, 又返工又返學, 仲睇乜鬼劇吖

我睇佐咁耐韓劇真係未睇過韓國古裝片
我接受唔到佢地既服裝...
尤其係男士既...
真係暈

嗚嗚嗚  ...........  
套"朱蒙"真係 ..... 我之前都係睇過"大長今"同"茶母"咋......
我其實都幾中意睇古裝嘅, but 只限中國同日本囉, 因為 d造型可以接受,
但韓國嘅就唔掂, 無輪男女都咁肉酸, 尤其係男人, 一定留匹死人鬚,
女人呢, 一係立哂d 頭髮去後面, 一係成餅嘢响個頭度, 真係好難頂.
(好彩"朱蒙"嘅 background 係古朝鮮, 中國漢朝時期, 服飾打扮非常中國化,
而且歷史部份十分似中史, 否則 ..... 但係遲啲河頭目嗰套就十足"大長今"
嘅年代, 即係非常韓國化嘅韓國古裝, 死喇....死喇.....)
點算呀！9月開始睇古裝劇...... 天呀！

李瑞鎮响"茶母"嘅左捕廳從事官造型 ...... 勉強可以接受 .....唉！
[attach]23182[/attach]

吳律師嘅"洪吉童"造型, 好彩冇匹死人鬚......
[attach]23183[/attach]

講開又好似係個個都有匹死人鬚....
我冇打算睇九月既古裝劇啊....
應該係睇返之前DOWNLOAD佐又未睇既....
好彩有存貨....

koon~~我都大把貨啊, 不過套劇係李瑞鎮做嘅, 我就點都會睇吓 .....
而且仲有裴勇俊嘅"太王四神記", 呢套雖然玩特効, 但都係算古裝劇.
而且到咗11月又有朱智勛嘅"洪吉童", 點都走唔甩, 呢套我唔信你會唔睇 ....

唔覺意轉台睇到啫...洗唔洗咁惡呀...唔睇咪唔睇囉

哈哈, 慣咗咁同你講嘢, 好惡咩？未算囉, 咁係吖嘛, 你立咗咁大决心, 又咁忙, 真係仲睇乜鬼劇吖, 唔覺意睇到都唔好諗, 當睇唔到算啦.

仲有, "靠"咩呀？作死呀？

因為近期迷上咖啡 ,
所以又摷番套"餅干老師星星糖"o黎睇 !
睇完仲死 , 真係唔捨得孔侑呀 ! 慘 ~
點解韓國有兵役呢種制度o架 ....

我都唔捨得孔侑呀......
但我又唔明, 佢都成 28歲啦,
點解之前未去復役架, 乜可以拖咁耐嘅？
而且佢經紀公司仲未正式公佈佢真係去當兵,
聽講話會拍多套劇先去喎, 唔知真定假？

講開復兵役, 韓在石都係啱啱退伍......
有冇見過佢嘅近照？好嚇人, 我唔認得佢呀！
又乾又老又瘦......以前好樣好多,
死喇, yooyoo 兩年後會唔會變成咁架？

仲有, 套"朱蒙"都唔係咁差, 依家進入情況喇,
今日一口氣煲咗 6 集呀, 不過佢成 85 集架,
都唔知 9 月中之前睇唔睇得完.

  真係就嚟癲, 3日睇咗16集"朱蒙" (呢3日仲係日日都有返工架)
決定抖返兩日先再追落去, 睇返 d 時裝劇平衡吓先....
不過都响度強迫推介吓


朱蒙王子未發奮前嘅死人撩女仔樣 (想打巴佢)
[attach]23473[/attach]
[attach]23474[/attach]
[attach]23475[/attach]

朱蒙王子發奮後, 武術大會上嘅英姿 (蒙眼射箭啊)
[attach]23476[/attach]
[attach]23477[/attach]
[attach]23478[/attach]
[attach]23479[/attach]