將會不定期更新 (d野太多，我要慢慢執出黎先同佢地影靚仔相呀)
衣飾篇
item 1：呢隻錶0係香港係有名堂架 "吳彥祖黑鋼"
，1月中見過佢，仲係賣緊$2300，點知過左1個星期左去mk望下，炒起左，$3500，因為全球1800隻，最後去都癸芳買到，定價再7折，$2200成交，買左我隻835/1800，0個個叔叔好好人，值得推介，佢全部行貨seiko都有7折架，個mall名唔記得啦，但係係連住mtr station0個個mall，茶樓留下
item 2：Bape褸，aka 猩猩褸。件野咁大，一睇就知唔係我架啦，係人頭豬架。件野真係得來不易呀，第一日去左心齋橋0個頭0個間bape買啦，一去見門口唔係好多人，咁就行排啦，行埋去一陣，有個西裝友埋黎，講左一段日文，同我一齊開始排既哥哥就走左啦。我覺得無理由啦，過左一陣，再去排過，今次好d啦，個西裝友知我日文唔好，就用英文話：left，right，park。咁好啦，我就跟住佢咁講行，點知見到一個公園門口排左成100人。ok排啦，排呀排，排左4個鐘，行左5個locations先入到去。嘩! 無人頭豬要0個件呀，咁我就揀左件無迷彩架啦，去比錢啦，點知張credit card過唔到數，個sales姐姐話佢條phone line唔可以打long distance去card centre問，咁我就出左去用pay phone啦，原來佢地驚我張credit card比人overseas用左，所以要hold，我打左去就開返啦! 再打比人頭豬，問佢點啦(因為0係日本無cell phone)，佢竟然話唔要! 咁算啦，我就返左hotel，諗諗下，京都都有一間，我第二日就搭左2個鐘車，一早去京都啦，去到十點半，未開門，咁去麥當當食下野先啦，十點九出黎，出面多左好多人，個個都係男人! 又無特別排隊，咁我都搵一個角企啦，舖入面又無咩聲氣開門 (唔通開12點!？)。十一點啦，有3個好潮既staff羅住個箱出黎，抽獎呀？咁我見個個抽，我都抽啦。張紙有個number，我0個個係30，心諗死啦，30？入到去咩都無啦，咁佢地問晒所有人既number就開始叫啦，原來佢地係random叫，我係第3個入去 (我識聽日文30架)。入到去，好囉，有人頭豬要0個件，即買，無M得L，不過無所謂啦，大少少就大少少啦，好過買左著唔落啦，就係咁，買到啦! 個shopping bag仲要係超大，成街人係咁望著我，我買左邊度都無去，即刻返hotel放低，驚比人搶!件野盛為 56000yen。
item 3：Chocolate Baby 褸，呢件係for newborn既，都唔係for我架啦。我屋企無b呀，不過有一隻winnie the pooh，我一心係買比佢架，哈哈! 2隻袖長d，不過個衫身都岩呀! 我0係香港行街見過幾次，都好想買，但係覺得無咩用，但係最後人頭豬都買左比我，哈哈，當玩具玩，$236hk。
item 4：Agnes b手袋仔，新年sale，平過半價，8000yen成交! 香港都無呢個款!
item 5：Porter Tokyo公事包包。本來係買比自己，不過人頭豬話鍾意，而家羅左例用，呢個比其他porter貴，有絨同少少皮，都係special edition黎架。0係大丸買，有得退稅，26000yen! 其實幾抵，雖然無sale (係長年唔會有sale)，0係呢邊要買個差唔多style，一定要入名店啦，無500CAN都唔駛諗呀!
item 6：Rebbecca Taylor Wallet，$1380HK，係人頭豬媽媽送比我既生日禮物，都幾靚呀，但係我好少用d有公仔既wallet，不過我諗遲d會用啦，話晒係auntie既一份心意。我都買左個agnes b手袋比佢呀，同我0個個一樣pattern，不過唔同款!
item 7：Westwood手巾仔，350yen一條(原價1000yen)，買左好多返香港送比人!
玩具篇
item 1：SE W910i，0係one2free買，用匯豐銀行credit card買有9折，$3120成交，9折唔係間間肯做，所以要逐間one2free問，始創同西洋菜間0個2間都有，部機用左3個星期，so far so good啦，無hang機，無其他怪怪小動作發生過，個包膠係唔係好靚呢？先達姐姐既傑作，$250，人頭豬部P1i都係包左呢隻膠
item 2：Gundam筆，0係日本玩具店300yen抽返黎，我抽左3次，中左2 set筆同1條長手巾，手巾送左比朋友仔，得返2 set筆，人頭豬話放0係office desk上面好型窩
item 3：ET紙巾套，放0係架車入面，初時人頭豬話低b，但係架車tint左windows，出面唔覺，所以佢先比買，0係潮流特區買，$108hk
item 4：龜龜紙巾套，其實都唔知隻龜係咩文路，見佢得意又平就買啦，潮流特區貨仔，$55hk仲送個環保袋，要放車有繩0個d竟然要$88，彩佢都傻啦，多少少野加33蚊，我買黎放0係屋企算啦!
item 5：ANA飛機models，2800yen 3隻，好細隻，0係飛機上面買，就係為左隻熊貓飛機先買，本來想買熊貓圍裙，但係要有日本shipping address先可以買，唔ship比international address!
item 6：超可愛既大口b公仔，我晚晚都攬住佢啦，都係人頭豬既新愛好
吉之島買，朋友有sanrio card，有10% off，折左都係under $200hk
item 7：Milo電話繩，排咁耐隊梗係買返d野比自己啦，一共買左4隻，每隻2600yen，我一隻，我阿妹一隻，人頭豬一隻，人頭豬阿哥都有一隻，不過唔同款啦。
item 8：Milo電話繩(人頭豬0個條)，海洋公園買既熊貓仔(aka肥豬王)。古代軍人milo係新出既，我買0個時出左1日咋，個sales哥哥係咁叫我買多d。熊貓仔$38，係我死都要買返d野留念既野，本來有隻大既，但係人頭豬話太大，又唔似熊貓，所以無買，隻大既就係同肥豬王一樣樣，不過大10倍。
下期預告：家品篇+少少野食，會有我個靚靚brown label飯煲呀，今日到此為止，我打到手軟啦!
