我唔想博，我唔想再面對咁多鬥爭，我嚮往穩定既生活
如果真係比我有錢到唔洗做，咁就唔同講法架啦波，我係唔中意打機架，咁我會去尋找生命既真諦啦
例如我會做曬我自己想做既野，不過而加都籌備緊去旅行，咁希望summer可以簡簡單單去比利時或者德國啦，我最想就係自由行去芬蘭睇極光，不過好貴=="
去非洲，去西藏/新疆/俄羅斯/柬埔寨。慢慢儲錢...
雖然我係有能力去爭取更大既成就，但係唔知點解我竟然搵唔到理由咁做
例如設計，呢間學校可以實現呢d野，讀完有大公司請又可以開公司/去外國又高人工，我成績又唔係差但係我真係勉強唔到自己
我唔覺得簡簡單單咁生活有咩問題，點解要去爭？
我都接觸過d所謂人才，姐係d人工好高果d，我第一感覺就係透唔到氣。
我堂姐就係讀d咩經濟管理果d大學，好多跨國企業果度搵人。淨係日日聽佢講d同學果d鬥爭，d老細點點點已經頭痛。
我隔離果個老人傢都係好簡單仲係好好人
我覺得權力鬥爭金錢令人腐化，只有簡單人生和剛剛夠用的$先會令人更加可愛

理論上你o岩, 但事實上你唔可以話正確. 當你真真正正出黎社會做事, 然後有自己的屋企, 慢慢增加家庭成員, 到時你就唔會有咁的諗法.

我唔會話你未做過事, 未面對過社會 / 公司的鬥爭, 但我可以話你的經歷只係當當開始, 咁快就有咁的感覺, 幾時到老? 將來如何面對自己頭家? 點撐起自己的家人?

依家仲係讀書時期, 好好享受, 到畢業後再回想一下依家的諗法, 到時先再決定自己的選擇啦!

屋企... 當然呢個係以後既問題，我以前都有諗過，但係而加冇囉
我唔會再好似以前咁期待愛既人，確定邊個係我既真命天子，因為實在太遠啦
況且呢個都唔知幾時先可以真正離開我既世界，不過我都唔會諗
活在當下，我唔想老果陣有咩遺憾，所以希望趁後生做多d老左做唔到既野

算啦!未開工已經想收工既人﹐點講佢都係冇社會責任﹐個個咁諗﹐成個世界只會原
地踏步。

咩為指社會責任？
係咪我所表達既野太過含糊？
係我心目中"冇社會責任"個意思係，果d唔做工攞福利，做d損害他人利益，犯法，又或者向屋企攞錢既駐米大蟲等等。

呢個世界之所以精彩係因為有唔同既人
如果世界上只有一種諗法既人，咁而加呢個世界都唔係你眼前所見到既世界，而你都唔會說出此言
有人追求權力/金錢/成就，有人追求理想/藝術，有人為照顧家庭為前提
也有些人只想尋找真正的自我
以上的還可以再仔細分類，有人貪得無厭周圍呃政府，有人知足三餐溫飽便足夠，有人謹慎多些閑錢便安全，有人欲望大過天，也有人餓死街頭便罷就

而我只不過不是些爭名奪利的拜金的人，我只想靠自己雙手平凡地過/溫飽有閑錢去實現自己喜歡的嚮往的東西。當然也不會盲目地不切實際地進行
最近學懂了些詞語，輕和重/量力而為/還有開心。
當然開心不是必然的，輕和重有時候會分辨錯誤，量力而為也會失調失去重心，所以還要走過許多的路多加領悟，然後才開心

而加對我黎講最重要都係生活仲有尋找真正的自我

做過平凡人係明白自己角色﹐做平凡人也不能鍾意就兩點起身,唔鍾意就上網打發時
間。

你嚮往隔鄰老人無憂恬靜既生活咩?如你說只搵剛剛夠用的$﹐你可知道他晚景
會是多麼的悲淒﹐他不用吃麼?他不會病會痛麼?他在年青拼搏的努力付出﹐你又體
會到幾多?

你o個D唔係叫量力而為,你有量過咩?一日又話功課壓力,一日又話情感困擾﹐人生不
是武俠小說的人物:起身執到本秘笈﹐就天下無敵﹐不明不白大打一場﹐跟住退隱江
湖﹗

尋找真正的自我係有行動既﹐咁你唔該坐言起行﹐平凡人﹗

功課/感情/生活係人都有架啦，睇你點發洩架姐，咁壓力都係因為驚自己做唔到姐，咁打上黎發洩下，遲到都要面對架啦
功課同生活我又唔係走唔過，我又唔係逃避呢d野，d功課我好比心機做架，所以呢係已經達到我理想既分數至少7分(滿分10)，不過先生基本上係唔會比超過9分既

坐言起行係好重要，我正面對緊呢個問題，所以我需要時間去領悟呢個道理同埋需要時間去衝破d我自己認爲既困難

OK, waiting for the banana - 等著瞧

功課/感情/生活係人都有架啦，睇你點發洩架姐 <-- you are just focusing on school work right now, it is not stressful at all, as comparing most of the people in here
they all have families to worry about, also jobs and all sort of different things..........
i think you have been thinking too much, too into the depth and also too narrow in slight....
just relax, try your "best" and enjoy your student life......
JUST DON'T MAKE THINGS COMPLICATED!

LOL....如果有得俾我再返學....我真係想再讀.....奈可我無錢