逐樣講
1）做私人事，休息，打機，睇碟，上網等等就係唔理佢，自私，浪費時間既行為。佢做同樣既野就係享受私人空間，係應得既權利。
我只要唔係日打夜打，佢唔會咁專制架喎... 如果日打夜打，咁就真係唔理佢，抵鬧啦!
2）做任何佢冇興趣既野就係浪費時，冇建設性。但如果一動不動咁陪佢睇十小時電視，呢Ｄ就絕對唔會俾佢罵為浪費時間。
搞 forum, 打機，睇科幻片... 佢都冇興趣，但只要唔係完全冇理佢/唔整屋企野，佢唔覺得就一定係 '浪費時間'，佢明白我有我自己既 hobby 架嘛!
3）十令廿蚊買本電腦雜誌會被諭為浪費金錢，唔識慳。佢每月花幾千蚊買既化妝品就被諭為"必須品"。
首先冇需要既化妝品錢佢唔會洗。 幾千蚊 化妝品 vs 十令廿蚊買本電腦雜誌，如果咁唔講理，仲唔係個老婆野蠻?? minnie 如果真係每個月買幾百蚊化妝品，我每個月廿蚊買本電腦雜誌佢一定唔會講野!
4）如果有子女，仔仔乖果陣會被佢稱為"你睇下我個仔幾乖"，如果曳果陣就會被棄為"你睇下你個仔幾曳"。
呢個係最搞笑，我俾佢睇完佢當笑話哈哈哈! 但我地 90% 係話 "我地個仔" 架喎.. 因為明知個仔大家有份，又係大家一齊照顧，無謂有事時推卸責任啦!
5）婚後，我地既屋企人突然變為最麻煩既陌生人，但佢既屋企人就突然升級為皇族，神聖不可侵犯。
呢個現象係婚前已經係，冇 "突然"。不過冇 "陌生人/皇族" 咁誇，只係同佢屋企人夾得黎，佢同我屋企人就普通.. 完全係自然/自願發展既。
6）當要作一個決定的時候，都會喪問我地過千次意見，我地說好，佢會追問千百次迫我地說不好，說不好亦會迫我地說好，總之就係想出事的時候可以賴我地。
諗唔到有咁情況出現喎! 如果大家意見有分歧 (好少出現)，咪分析下邊個有理 d 囉? 咁大個人邊可以 "迫" 架?
7）不斷提醒我地長得肥，長得醜，但湯水肥肉就不停供應，目的是要把我地既自信打落谷底，增加自己既安全感。
佢鼓勵我 keep fit，希望身體好 d，能夠活得長 d。都係增加安全感既。
8）佢一日講過百次離婚都係開玩笑，我地講一次就天崩地裂，千古罪人，不可補救的說話。
我地從來唔用 "離婚" 黎開玩笑既。亦因為好合得黎，都冇機會話: "我地離婚啦!" 咁嚴重。
9）傾心事，主要係聽佢講自己點辛苦法，老細點屈佢咁。如果我地想講自己點辛苦，點唔 開心，佢就突然會好疲倦，想訓覺。
大家會爭取時間傾偈架喎! 尤其係以前佢有做野時，每日只有放工後先有得傾，仲唔搏命傾咩! 我唔講野俾佢聽佢先膽心!
10）我地既朋友全部係豬朋狗友，佢既就全部係良知益友。我地同朋友去飲野吹水就一定被懷疑為去滾。日日留係屋企休息就係被叫做廢人，間中出去聯宜下就被叫做滾。
我 d 朋友全部 d 老婆都係佢朋友，又成日一齊出街，佢又點會覺得係 豬朋狗友 呢? 最唔熟就係您地班網友，但佢都搵唔到理由話您地係 豬朋狗友 啫，最多都係有 sodog 呢個 "狗友"! HAHAHA
