時間真係好快,六四民運係今年係整整18年...大家對於現今中國政府對六四的態度有咩想抒發?而當時你又係唔係民運的其中一員呢?

國家經濟好到, 連李超人出來講兩句!

中國政府梗係扮傻喇, 經濟好, lee d 野唔多人出聲呀嗎.

都o禁年o羅, 唉, 算喇...

起碼, 依家中國政府 18 年後, 做到一個攪好經濟o既好漢呀!

牛丸 :
認左對於一個政府都係幾無面...以中國人要面的話

十八年前，我還是小學生。六四事件後，校長老師們為我們播放六四的新聞片段，唱血染的風采，唱中國人，當時只覺的暴力鎮壓手無寸鐵的學生，很難令人相信這就是我們快要回歸的祖國。
祖國要平凡，要認真面對的錯誤，實在太多，六四只是其中一個，要承認的錯誤？唯有數十年後六四事件牽涉的人物都去逝，才可吧。始終都有前科，誰會冒這大不違。

其實我想問大家一句~~大家對六四ge認識有幾多~~我~~可以話對六四ge認識少知又少~~因為我間學校~~對1949年以後ge history~~一d都無講過~~連文化大革命係咩~~我都係上網所知ge~~~

我記得 89 年果陣未到 6.4
5.27 時中午已經有個大遊行是支援北京的學生
果陣我都好自發性地和朋友一齊去到遮打花園一起行
越行越多人，因為我地是頭果批
所以行行下就做埋糾察隊
幫手維持下
後來好多明星都加入一齊行
果陣真是好多人架，到最後話有成百萬人
一直行到去跑馬地

我在香港長大，從未見過香港人咁團結
個個都目標一致地叫口號
果陣北京都未有大行動
只是知道班學生已經絕食緊

到了 6.4 出事那晚
看到電視的報導
簡直唔敢相信眼前所見的是事實
當時好驚，由心底驚出來
唔敢相信這些學生運動居然會死咁多人
記得果陣住在密度高的公屋
聽到有唔少人都有我當時的心情
聽到有人尖叫、講粗口來發洩

我果陣都是第一次看新聞會喊
好激動，想找發洩
自己走入廁所握起拳頭打牆壁來發洩
先父當時給我嘈醒走出來看看我發生什麼事
我就哭著地叫他看電視
老父當時嘆了口氣說了一句：共產黨什麼事做不出呢。。。

以前每次聽到先父講怎樣給共產黨迫害
內地的親人怎樣給文革折磨
只是當聽故事，沒有體會到當中的感覺
有時還覺得先父太長氣了罷
講了又講，聽到我都沒感覺了

發生了 6.4 後，才發覺自己原來都是熱血青年
看了很多關於文革的書
試圖了解點解大陸會有這樣的事發生

至於比比你想知個內情
不如 BT 來看
成個情形都有得睇返
不過事隔咁耐
唔知你領唔領悟到果陣的心情喇

牛丸 :
希望現在的共產黨能夠一天比一天改善

當年，我間學校都唔講，不過網上的資料還不少。
中國的命運，想起土改，反右，大躍進，文革，還有甚麼嗎？

想起改過，我就想起「最後的貴族」的儲安平。
百花齊放，百家爭鳴。之後就是一連串的批鬥大會。

牛丸 :
土改係一個打壓貴族..不過我地都唔可以否定不小沒地的佃農從中受惠

土改的確令貴族崩潰的行動，不少人因此變成空降兵。
當中多少好人被鬥死？小佃農得益，大無賴得大利，這個怎麼算？

永不忘記...89年六四民運......