人氣組合飛輪海前日離港後，前晚在廣州天河體育館舉行《屈臣氏夢聚飛輪廣州唱聚會》，並邀得超女劉力揚及台灣歌手Tank（呂建中）任嘉賓，現場七千座位座無虛席。在歌迷的尖叫下，四子又唱又跳，更向觀眾放電！完騷後，逾百歌迷在場館外等候，但最終失望而回。

昨午一時許，飛輪海從廣州抵港再轉機返台灣，逾百Fans送機，更向偶像送上禮物，四子亦十分受落，惟歌迷你推我撞，有人跌倒甩鞋，四子即緊張地叫歌迷小心。

此外，Tank昨午到達深圳某商場與超女魏佳慶，擔任品牌Lee的開舖剪綵嘉賓，並客串當模特兒為品牌示範秋冬新款，大批歌迷到場，場面墟！


汪東城（右二）接過歌迷送的禮物，吳尊（右一）亦親切地對歌迷揮手。


腳傷未愈的炎亞綸坐輪椅現身機場。


飛輪海離港，逾百歌迷前來送機，有歌迷更被推倒。

真係誇張..... 我呢 d 老人家真係唔多明呢 d 妹妹仔嘅心態 ~

尤記得 n 年前 David Bowie 去HK 開 show, 我去機場趁熱鬧,
後來比阿媽知道咗, 鏟到上天花板呀！

David Bowie喎!!!~~~你又帶出左你年齡呀!!!!

不喜歡飛輪海

車！David Bowie 係長青樹, 依家都仲係咁多fans, 邊估到我係邊個年齡層喎.
不過咁, 我一向都認老架啦, 唔似某君成日話自己係年青人

我都唔多知佢地係咩樣, 不過F4 我都唔鐘意, 咁呢隊後生仔都應該又係唔啱我架喇 ~

係囉！比我知道係邊個呢...我一定幫你教訓下佢呀！

真係誇張﹐不過都唔係只得飛輪海，其他boy band都係一樣