[attach]25443[/attach]

睇左既朋友﹐歡迎入黎俾俾分(按右邊星星)﹐講講齣戲您鐘唔鐘意好嗎(中英文回覆都無問題)?

Hi!!! You are welcome to discuss about this movie.  Come on!  Tell us whether you like it or not!  Your review can be in either Chinese or English.  Or use the Star Rating System to rate this movie (right side).

尋找有關此電影的分享 Search for online sharing of this movie >> 天藍幫您「搜」

呢套戲講述一個已經幾出名幾有錢既電視導演﹐為左突破﹐決定製作一輯史無前例既真人 show﹐並且在 internet 直播。 呢個真人 show﹐裡面既主角係十個將被會被處決既死囚。 製作人員將佢地放響一個荒島上﹐只要響三十小時內﹐如果其中一個能夠將其他九個殺死﹐佢就會被放生﹐無需再接受死刑。

響荒島上互相殘殺﹐令我諗起日本既一套電影 "大逃殺"﹐但 "大逃殺" 就好睇得多!!!!  呢一套 "美版大逃殺"﹐又唔係賣弄血腥殘忍﹐又唔夠多動作場面﹐又無靚仔靚女﹐其實就無咩好睇。 不過我睇完後﹐都有 d 野可以諗﹐ 呢個問題亦係呢套戲既重點問題之一﹐就係戲中呢位導演利用呢十個將要面臨死亡既死囚去做呢一場真人弒殺 show﹐而最後會另其中一個死囚重獲自由﹐佢覺得係一舉兩得﹐因為橫惦佢地原來既結局都係死﹐佢反而覺得自己好偉大。 但在道德上﹐佢咁樣做又係岩定錯呢?  呢個問題留返俾您去回應我啦!  

講返套戲﹐開頭個 idea 都 ok 既﹐雖然好似抄 "大逃殺" 咁﹐但起碼佢度左條新橋﹐話係拍真人 show 所以設計一個咁既 game 俾班死囚玩﹐感覺上無 "大逃殺" 咁無里頭﹐但 "大逃殺" 既主角們係中學生﹐睇起黎果一種荒謬又好睇過死囚好多喎!  而 The Condemned 就越睇越多唔 make sense 既地方﹐不過我抱住 "聽故唔好駁故" 既心態去睇完套戲﹐咁都唔算係一套好差既電影既!