原帖由
ultraegg 於 2008-5-5 09:22 PM 發表
糕: 邊個係peter wong? 有無得post 上黎同大家分享一下?
peter wong = 黃興桂
1. 除非有一隊先入一球，如果唔係都幾難開到紀錄啦呢場波。
2. 只要你射得中，咁你就有機會入啦。
3. 加利仔有3樣嘢唔好：第1，無速度；第2，跑得慢；第3，唔夠快呀！
4. 希斯基，力的表現!!!
5. 「O」雲仔
6. 十二碼有兩個可能性，一係入，一係唔入。
7. 好波不妨一睇再睇。
8. 哈哈，龍門最好嘅朋友係邊個呀？咪係龍門柱囉。
9. 利物浦球迷唱緊佢地嘅會歌：你永遠唔會一個人行路。
10. 係今場波邊隊能夠入一「粒」先，嗰隊就會有優勢。
11. 呢球波，如果冇龍門就入嗱。
12. 呢場比賽我只可以用「一個字」嚟形容：精采。（按：明明兩個字……）
13. 呢球波一係入，一係龍門救到，一係出界。
14. 愛華頓呢隊波蔗渣嘅價錢，但係踢出燒鵝嘅味道。
15. 亨利12碼都唔入，30碼又點會入呀。
16. 呢球波史高斯好有機會入波，但係無機會起腳……
17. 呢球波係咪真係紅軍既利物浦出界㗎？好似擦到藍軍球員嘅波襪㗎喎。
18. 呢個罰波係喺右路偏左嘅位置。
19. 柏金呢隻老馬就好似星期三晚夜馬隻駿先鋒咁，追極都追唔到呀！
20. 利物浦的巴路士同列斯的巴基.....兩個都係姓巴........（英文名呀大佬）
21. 佢嘅全名係冼拿馬•邦高利，如果是旦叫冼拿馬或者邦高利就係唔岩嘅，你有無人叫歐陽做阿歐架？歐陽就歐陽，司徒就司徒架嘛，佢就係咁樣樣喇，冼拿馬•邦高利，冼拿馬•邦高利，如果我今晚叫到你全名6次，我就請你食宵夜。
22. （列斯領先2:1的時候）領先緊一球就梗係同你死守，守住個勝果。……（到了紐卡素扳平2:2時）嗱，呢個就係打死守嘅後果。
23. 阿仙奴開波幾分鐘就入波，好打好多。（被追和後）我都話，太早入波未必好架，因為有大把時間畀人追。
24. 西班牙球會奧沙辛拿(Osasuna)=「奧沙桑拿」
25. 新特「能」
26. 呢個球員打得好職業化。
27. 魯爾係一個好有觸覺既球員，當佢冇觸覺個時，真係冇曬觸覺；但當佢有觸覺個時，入波阻都阻唔住。
28. 呢場波贏輸都唔緊要, 最緊要係唔好輸。
29. 哈素賓基個名咁長，個 Shoulder 冇返咁橫都印唔曬個名。
30. 每隊波都要入「燕梳」嘅第二球。
31. 所以話，現代既足球每隊波一定要有一個罰波專家。
32. 保方保方，保住後方。
33. 保定保定，保住就定。
34. 梅度梅度，梅開二度，跟住加多句「林伯特差啲入多球，變埋梅度」。
35. 一個好既守門員可以令到場波由輸變和，由和變贏。
36. 沙華治係中場殺手，唔係情場殺手。
37. 防守球員犯左腦筋上既錯誤(mental error)。
38. 條防線包得無深度，裝越位失敗，咁咪失波咯。
39. 在傷口上加鹽。
40. 呢位球員打法好經濟。
41. 奧尼爾開心到跳起，跳得高過NBA果個奧尼爾。
42. 場波已經擺左落雪櫃啦……牛油同咖喱就硬晒，啫喱就瓊晒，啲蛋就凍晒，啲燈就熄晒，南韓就贏晒……但係場波仲要講落去。（按：梗係啦！仲有成十幾分鐘)
43. 嗱，傑仔！呢啲咪就係好波囉。
44. 波唔使講架，球迷自己識睇。
45. 做唔成英雄，就做罪魁。
46. 碧咸係得一隻右腳既球員。（按：乜有人有兩隻右腳咩？）
47. 球迷們，足球就是這樣的。
48. 呢d波仲唔生日。
49. 睇Jordan，有今生，冇來世。
50. Let's go, rock and roll
51. 倒掛鳩勾
52. 領先一「nup」
53. 波係圓，係用來踢嘅。
54. 睇波呢家野，睇得波多咪睇到多啲好波囉！
55. 防守「生」波
56. 罰波
57. 好急勁既罰波。
58. 現代足球最緊要攻守兼備。
59. 呢球波拉得咁行，唔係用腳背，係用腳嘅肉心呀。
60. 射波最緊要射中個龍門。
61. 「浪射」
62. 當一隊波進攻既時候，另一隊就需要去防守。
63. 呢球波射得恰到好處，唔太高，唔太矮，唔太勁又唔太遠，總之就入啦。
64. xx龍門又再一次勇救險球。
65. 幾時都話，後防好緊要，紐卡素就差係呢度。（按：利記對紐卡素重覆了大約十次）
66. 嗱……做防守球員最緊要係咩呀？咪「安全第一囉」。
67. 個防守球員回波比龍門回得唔好，不過唔緊要，佢地好friend㗎，唔會鬧佢㗎。
68. 做前鋒最緊要有力。
69. 識轉身嘅前鋒好值錢。
70. 後生、有身材、有活力 (唔係講緊女丫)。
71. 當打、有態、有身材 (都唔係講緊女丫)。
72. 呢位球員打法好經濟。
73. 呢隊波好有性格。
74. 睇下隊波肯唔肯打啲藍領足球。
75. 嗱，傑仔！呢啲咪就係好波囉。
76. 嘩！睇呢場波就興奮過食興奮劑。
77. 球迷們有福喇。
78. 本死無大害。
79. 在傷口上加鹽。
80. 有時呢啲嘢真係時也命也喇。
81. 陰溝裡翻船。
82. 陰9裡翻船。
83. 呢場波利物浦唔理贏幾多球，總之一定要贏。
84. 巴路士，淨係識得一味去，冇諗過交俾身邊既隊友。
85. 伯明翰同埋保頓，兩隊波都係「Ｂ」字頭。
86. 呢球波「O」雲仔好巧妙咁編(騙)過對手！
87. 「O」雲仔一心自己去，一定㗎啦……英倫三島的前鋒係唔會交波架……
88. 呢球波碧咸傳得好靚架，不過前面羅唔到咋嘛。
89. 托度咁好波，啲前鋒邊夠膽射佢呀。
90. 睇下巴布爾幾大力呀，條頸幾粗呀。
91. Free.......dle（注︰要拉長尾音）
92. 呢場波可能係英倫三島兩個最佳左後衛既對決（按：阿仙奴 vs 列斯--艾殊利高爾vs 夏迪）
93. 打波既野有時要睇餸食飯。
94. 施根呢啲咁嘅單蹄馬，我係領隊就唔用佢啦！（彭錦全：雲加而家咪出咗佢囉）
95. 球證巴巴先生
96. 唔會畀牌，英倫三島既球證唔會咁易畀牌……真係比喎……球證太過嚴啦。
97. 藍色衫打得好過紅色衫。
98. 今日藍色波襪踢得好過白色波襪。
99. 利物浦對車仔：球場上一係藍衫，一係紅衫。
100. xx 球員，今日生日啦。
101. 呢啲波仲唔生日？
102. 無論喺邊個時刻邊個時辰，英超嘅每一隊波都會有表現嘅。
103. 領隊谷隊谷得好「應」！
104. ESPN–「超級星期天」變「和和星期天」
105. 呢啲老鬼，食鹽多過你食米。
106. 入到禁區就係皇帝。
107. 又快又怪，又帶個波出界。
108. 大家都係巴西腳，所以知你想點去㗎啦。
109. 十二碼chip射中間：「落洞西」——（篤波咩！）
110. 裝越位根本就係好愚蠢，呢d懶惰同慳水慳力足球呢，走甩一次就會鑄成大錯。
111. 呢球波入得妙到毫顛。
112. 好既前鋒就係要化「銀機會」為「黃金機會」。
113. 嗱，呢啲就係世界一級既前鋒喇！
114. 射罰波……唔中框就等於幫對手解圍。
115. 呢球罰波，有角度，有力度（異常肉緊）。
116. 唔中框就等於無機會。
117. 阿全！正所謂講波容易踢波難。
118. 好運好過好波。
119. 好彩好過好運。
120. 屋漏兼逢日雪（按：04-05季度足總盃車仔輸比紐卡素，個球場落住雪）
121. 無語問草地（按：某場溫布頓，個波彈草地之後倒西，然後……）
122. 大威今日開波好好，命中率過八成……（豈料立刻開球落網）有時講波佬真係好邪，會讚壞個球員
123. 威廉斯姐妹，力的表現，扭轉左成個女子網球壇
124. 你咁都救到……今日仲唔係大威嘅日子？（按：結果係比舒拉保娃破發球局）
125. 舒拉保娃由西伯利亞送個波過嚟畀你，你仲有得打……（按：舒拉保娃在西伯利亞出世）
126. 呢個新美少女真係好後生呀，仲有啲青春豆㖭呀。
127. 十一個人、廿二……（諗咗好耐）對腳。
128. playboy、艾歷臣，不過佢係奉旨嘅。
129. 大腳噹上
