我買左個電動打磨器
買左返來才知道原來唔係入普通電池
請問應該是什麼電？
Power Source:
4x600AA Ni -Cd BATTERY
OR
4 X UM -3 ALKAUNE BATTERY
OR
6V / 1A AC / DC ADAPTOR

還有想問一問
見到有種批叫星型批
是用來做什麼的？

題外話
自從去年同斯仔 & soc 佢地行過深水"土步"
覺得果度好多得意野行
而家次次去果邊買完服裝配件之後就忍唔住過去行下電器和五金店
反而鐘意去果度左看右看
好多野都唔知是乜
所以更鐘意研究呢 d 工具用來做乜

AA電即係普通筆芯電.
星型批俗稱星批, 作用同螺絲批一樣, 只係批頭形狀唔同.
你講o既地方應該係鴨寮街.

如果妳行過深水"土步"的話, 最簡單就係去鴨記的電器鋪, 買舊6V / 1A AC / DC ADAPTOR (即火牛).

星型批同平時見的一字批, 十字批一樣, 只係批頭係*型!

但是普通筆芯電放落去唔岩位，真頭痕，買左返來用唔到添(
星型批......乜有螺絲是星型的？咦！我好似未見過？
開頭以為是六角匙，買左返來又唔岩喎
所以好好奇想知佢是配什麼螺絲囉
不過都謝謝你解答

呀！係呀，果度是鴨寮街呀
原來果度買野真是好平喎
我之前買左枝可以放小鑽咀的雙頭筆
是在我最近學興趣班時買的
又唔好用又貴
今日買左枝可以換四個 size 的筆
都是 25 元乍，哈哈！好開心
平左一半有多
而且好就手好好用添
終於都算買到件合適的用具
都應該開心的

係喎
睇睇下就留意到有個位是插火牛
(我屋企已經好多火牛喇
我想用乾電呀
我想知果個 :4x600AA Ni -Cd BATTERY 是唔係唔同我地一般用的 2a, 3a 電
即係有些要特別去快圖美至買到的電
唉！算喇
我明日去問下先

唔該晒你先

都係2a電芯的size, 不過電力會較強一點, 同耐用一點!!

今日行深水 "土步" 後
突然記得昨晚看星期日檔案
有個專做微創手術的醫生說
他是在那裡長大的
小時候經常看著那裡的人
給他一種好 "人" 的感覺
昨晚並唔係咁體會到他所表達的意思
今日有點了解了

這個 "人" 應該是帶點人情味的 "人"
我入去五金店時轉了很多個轉看了很久
然後拿著我要買的東西再看另外一些配件
跟住隔離就有個好心的男仔來提醒我那個配件不適合我買的鑽筆
他不是店員，可能看到我一面迷惘地左看右看出於好心的提示
其實我都知應該不適合的
但是我需要這個 size 的小鑽咀
就算只是用手拿著來鑽都無辦法
不過回家折出來看時原來還有一對吸頭藏在筆內可以替換的
真想告訴那位好心人，哈哈！原來我無買錯到
意料之外的驚喜

後來去我喜歡的店子食點小食
到我差不多食完就有三個大隻男生入來，不過無位了
我見這樣就拿著飲品起身讓出一張檯給他們
跟住三個人一謝道謝，個老板說了幾句唔該晒
小小的一件事情，大家都好樣很有 "人" 的感覺
是不是應該說是人情味的感覺呢？

唔知點解我最近對這些陌生人的 "人情味" 特別感動
以前香港人就是這樣的嘛
但是我又想，對了！是以前的事
好像好耐無發生過，或許是我好久沒遇過了
所以覺得特別珍惜這些感覺

香港人！為生活緊張之餘
對身邊的人和事放輕鬆一點
大家多一點歡容，少一點怨氣
大事情我們控制不到
身邊的小事就盡量做吧
給這個新的豬年帶來一點人間有情的氣氛吧

哈哈！估唔到一件小小事情
又給我長篇大論的聯想那麼多題外話
哈哈~~~總之今日真的很開心呢

所以咁多男人鐘意去行就係呢個原因!! 唔係因為近一樓一, 而係可以同一班志同道合的人, 係唔係都傾一餐! 而且原將自己的經驗同你分享! 呢種情況, 好似70年代時的香港, 大家首望相互, 成個社會理境都好舒服, 唔似現今的有理無理都爭吵不休.

有0的萬用批有好多個頭架
買一隻就咩都用得

如果說明書話用AA電而你用AA電唔得的話，返去舖頭搵佢「傾下偈」啦

好多時，產品生產商唔想一般人咁容易就拆散佢件產品，所以都會用D要用特定工具先可以裝拆o既螺絲，星形只係其中一種，正方形以至三角形我都見過。

要用星批先開到


有機會行過尖沙咀WYMCA行去文化中心果條隧道果陣，留意下牆身的光管罩，同樣要用特定工具先扭得開。