之前啡啡的後腿出問題時
初期的反應是點的？
你發現左幾耐才知出事帶她看醫生？
是看麥醫生嗎？

唉！有點擔心肥肥
她這兩天唔係好肯行
見佢行路時隻腳唔係好正常
但是摸佢按晒咁多隻腳又唔見佢縮開見痛的反應喎

呀！諗諗下.....
前晚同佢出街時佢好似行過有玻璃碎的地方喎
咦！會唔會拮到玻璃呢
等陣再檢查下腳板仔先
之前無睇過腳板添

等個剷毛機叉滿電幫佢剃毛看清楚先
唉！狗狗有問題真是令人擔心

花子小姐，sorry，剛剛先放工咁遲先睇到。

哪，情況係咁的。如果你擔心肥肥的腰骨有問題，你首先問下以下的幾點：

１－肥肥係唔係好肥，如果好肥的狗係會容易腰骨受傷的。

２－肥肥幾多歲，一般西施北京到四五歲時，脊骨中的軟骨會開始退化，一唔小心就會受傷，從骨膜中"jit"　出來，如果壓著神經線就會引發”椎間盤突出”病，要做手術的。

３－肥肥多唔多跳樓梯，跳梳化等動作，這樣的動作很容易另脊椎骨受傷的。

４－檢查牠們的脊椎。首先慢慢的替狗隻的脊椎骨兩旁按摩。輕輕的一節節的按，如果狗狗有突如的反應，或者旁邊肌肉收緊，就係好有可能是脊椎骨受傷啦。


打我電話我DETAIL同你講，幾點打來都無問題，深夜四五六點都ｏｋ，最緊要幫到肥肥就得。

９８０６６７１４

如果肥肥唔肯行，你就要小心替牠檢查脊骨兩旁，輕輕用手指去壓兩旁，一節一節的壓向尾部。

狗狗被玻璃吉親的機會唔係太大的，你真係要小心檢查佢的腰骨。真的。早ｄ發現會好容易醫。要快。

我係經自己的獸醫轉介去睇麥醫生以下的呂醫生，她是全港唯一的專科醫生，經驗非常非常多。亦係唯一的一個有哩個資格。要信佢。

另外，抱牠時要小心。唔好只係抽起上身。要抱肚腩就最好，這樣抱會避免再傷腰骨。

其實仲有好多好多細節，你打電話比我我ｄｅｔａｉｌ　同你講啦。

唔洗太擔心的。唔一定要做手術的。輕微的食藥可以醫的。

我的電話 98066714 幾點打來都ｏｋ，深夜三四點都ｏｋ，只要幫到狗狗就得啦。我先前都希望有人可以幫到我。所以現在希望可以幫到你及肥肥啦。

多謝晒你啊啡啡爸爸

今日觀察過肥肥
發現佢有問題的唔係後腳
而是前左腳唔係好敢用力行
所以行路果陣就住就住咁跣跣下
摸佢手仔又唔覺佢縮開
只係唔太肯比我摸
我硬來反轉佢摸肚皮時順便摸手仔咁檢查就唔覺有問題
但是當佢坐低，叫佢比手手時
握右手時因為得返左手支撐身體
佢就索性爬低咁比手

唔~~~我諗佢是跳落梳化時扭親
事實肥妹又真是肥左
跳落地時前肢先落地
有機會咁樣整親

唉！見到佢咁樣行路心都痛晒
我想星期一帶佢去看醫生
你講的呂醫生是麥醫生那間診所的嗎？
我以前都見其他版友的狗狗去看她
口碑很好呢
記得有個狗友的經濟不是太好
她都盡量幫她以付擔得起的價錢去醫

不知道扭傷有無得食藥
又唔知使唔使照 xray 才確定哪裡受傷
真擔心呀

我以後都唔會比肥妹跳梳化喇
好彩她已經不敢自己跳上去
一般都是我給完小食後
抱她上去慢慢食
因為寶寶唔會上梳化
肥妹就當梳化是自己的小天地
所有玩具和小食都收埋上去
有時佢想落地都會叫我抱返下來的
不過有時佢興奮過頭會自己跳落地囉
唔喇！以後都唔會比佢跳了
肥肥都5歲幾了
我都怕佢將來出現呢個問題呢

無論如何都要多謝啡啡爸爸的熱心幫忙
真心的感激你對肥肥和其他狗狗的關心

以下是我的少少意見，希望幫到肥肥啦。

首先係一定要減肥，我問過呂醫生，原來西施狗條背脊骨好容易退化的。基本上跳上跳落，跑樓梯，跳梳化等等係危機動作，盡量不要教授。我都好後悔教了啡啡以上的動作。加上啡啡有一招就係"極速飄移"瘋狂的向前跑再轉身飄移動作。對脊骨係好傷的。但係點解有另外一些老的西施狗又無哩個問題哩？

就係因為佢地瘦。

原來西施狗一肥哩，佢地站起來的時候，因為肚腩太大，兩腿距離遠，脊骨所受的壓力會比其他狗種高很多。再加上危險動作哩，就好容易受傷。嚴重的甚至會癱瘓的。所以要小心。

啡啡過去發生過好多次腰骨痛呀，前腳痛呀咁，原因都係太肥，每次啡啡的體重超過8kg就會開始發生痛症。相反，好似現在我們控制啡啡的重量，加上做完手術有三四天無胃口，啡啡現在瘦左好多(7.3kg)，但就生猛左好多好多，活潑好多。

另外，脊椎骨好長，唔一定剩係傷條腰的，頸部都有可能，所以如果肥肥的痛症遲續到三四天，就馬上去睇醫生。其實你都要帶佢去睇下。醫生有方法去check，不過我只係識check腰部，頸部唔識，但係如果係小問題的話，醫生會比一d止痛/消炎藥狗狗。食兩三日就會好架啦。

我估可能係肥肥比較重，跳梳化時由於前腳落地，所以扭傷左關節，或者肩胛部份，要小心，如果繼續係咁要即刻去睇。如果想比牠繼續跳就一定要減肥，減到差不多7kg，無肚腩先好。(不過好好好好困難，要好忍心先可以)。

呂醫生無錯係麥醫生間診所的。真係好好的，我見佢有好多醫過的狗狗都寄相寄卡比佢。雖然比較貴，但係為左比狗狗最好的，我都願意比。她是全香港唯一的專科，最勁係佢，唔信佢信邊個？我聽過其實很多其他獸醫都會做哩個手術，但係好多做完手術都行唔好，或者拐下拐下，或者行唔番都有。但係呂醫生係專科，說話好肯定，好有信心，而且成功率好高的。
(參考資料：啡啡05x'mas做脊骨手術+磁力共震+住院+醫藥，大約 hk$15000) 但係我聽過有個婆婆無咁多錢，呂醫生好似減收左好多幫佢隻北京狗做手術。
你去麥醫生到睇左先，如果真係"椎間盤"問題，佢會轉你去專科睇呂醫生。(換句話說，如果唔洗睇呂醫生的話就係好事。)

扭傷有藥食架!!!! 有一隻叫 rimdale 定 rimse 咁上下的藥，係消炎止痛的。

你盡快帶佢去睇啦。睇完update我地喎。如果有乜問題隨時可以打比我。唔洗太擔心，如果問題係好嚴重的話，肥肥會唔郁得的。現在聽你講佢重有胃口，重會識比手哩。應該唔係好嚴重，食藥應該可以了。

我都好擔心，一早起身就check下你有無回覆。啡啡媽媽都叫我盡量解釋比你聽，等你安心d。

希望肥肥好快就無事啦。記得要減肥呀。

fafa, hope 肥肥 get well soon,
Update the newest info for us to know about her illness please.
Don't worry too much, bring her to the vet as soon as you could.
Take care.

咁即是先約麥醫生，唔使 book 呂醫生住呀？
咁我下午打電話去約時間喇

昨日成日都抱左肥肥上我張床度，見佢又無乜野喎，又識得玩玩具，又撩我玩手手，要落床就叫我，但是一落地行幾步就開始單手行了，我諗使唔使全屋鋪晒軟墊會好一點呢？

肥妹個身比較短，我都知佢肥，都已經減少左好多零食，每日正餐之外都是一條最細 size 的綠牙骨、一支麥枝，間中加一片雞柳片。

兩個月前開始就四日食三餐，唉！寶寶同佢一樣的份量，可能寶寶好動一點，體型 keep 得好過肥妹，本來我就擔心寶寶多點的，因為寶寶個身比較長，所以我都是因為寶寶才減份量的，點知寶寶無事發生過，肥妹就賴野，亦都可能寶寶唔會跳梳化唔會上床，減少左呢 d危險動作掛

今日下午幫肥肥剷毛毛
跟住就幫佢按下手仔
夜晚出門口比完麥枝佢食
佢又如常咁跑去梳化望實
我話 No 喇肥妹，唔好上去喇，入房食喇
放學返來兩個都好熱烈咁跑過來歡迎我
睇真點肥妹又好似無事咁兩頭騰找玩具給我玩喎
望左佢好耐，咦！真是好似無事喎
到我出去拋垃圾時，佢又如常咁等住我開門佢出去跑返兩轉
又望意下佢喇，真是無事喎
抱佢去抹手抹腳仔時
比前手我抹時左、右兩隻手都可以比到喎
兩隻前手都可以獨立支撐前肢
咦！咁咪即係無事囉
係就好囉
睇埋明早的情況前
希望肥肥只是普通扭親下喇
心情終於都鬆返下喇
呢幾日真是擔心死我囉
無事的！肥肥加油！

睇多兩日啦，肥肥可能唔小心扭親下嗟。

總知唔好再比佢地跳梳化啦。肥肥的轉身動作都要小心呀。話晒都係一個大的動作，怕對脊骨的壓力太大，唔小心傷到就麻煩。

呀!!!! 重有!!!! 千萬不要只抽著狗狗的前臂就抱起牠們，這樣很傷狗狗的手關節及肩胛。

正如我先前所講，我真係好好好好後悔教啡啡跳梳化，估唔到我教左啡啡跳所化，換來的就係別人的讚賞，付出的就是啡啡的痛苦，還有好多的醫藥費。

不過，點都好，聽到你講話肥肥好似無事，我都安心好多了。

呀!!!! 重有!!!! 千萬不要只抽著狗狗的前臂就抱起牠們，這樣很傷狗狗的手關節及肩胛。
這個我知道了
我第一次帶佢去我老板屋企玩時，老板已經教我不可以這樣抱狗狗
不過肥爸間中都有貪方便的時候，直至一次這樣抱肥肥時肥妹尖叫一聲，肥爸才知驚，以後都不會這樣抱她了，不過我都要再三警告多次給他知先，怕我將來要出差時由佢來照顧肥寶再出問題就不好了

其實肥肥自從一次帶佢去郊遊時差點中暑後，佢自知都好錫身，有小小唔妥都唔會做，之前佢想落梳化都會叫我，不過可能我出門口後佢就要自己跳，所以我以後都會特別注意好多生活細節