尋日同舊朋友一齊去左妹仔記食飯..
呢到雖然係大排檔,但都好整齊同清潔既...
仲有冷氣唔會坐係到食到成身濕哂...
呢到如果飲啤酒既話會用一個雪凍左既碗黎飲,好特別嫁!!!
以下有d資料,你地可以睇下呀....

撚手香口小炒 妹記

提起大排檔總令人聯想到舊區，不過不少朋友都推介尖沙咀金巴利街的妹記，因為小炒夠香口。來到妹記，柯打椒鹽八爪魚咀、金沙蝦，再來一冰碗的啤酒，差不多是指定動作，幸好這□亦時有新驚喜，例如新推出的豉味魚顎，魚顎入口嫩滑，又有豆豉的香味。但留得住班熟客的，相信是年紀輕輕的老闆娘小慧的熱情招呼，她對人客態度誠懇親切，甚至記得每位客人的名字，就是這股人情味，令人久不久會去幫襯。

雖然招牌菜是金沙蝦，大排檔以小炒為主，有很多自創的菜式，例如馳名的鋼鍋雞，雞肉加上花椒、八角及泰國香料生炒，再放入鋼鍋焗，帶有少許麻辣，十分惹味。另外小慧對食材的要求很堅持，不是指要甚麼矜貴貨色，但一定要新鮮。回想開業初期生意不算旺，每天用剩的寧願掉都要保持水準，「如果將價就貨，食客會食得出。」，這種堅持終於得到一批知音人欣賞，差不多每晚九點，大排檔均高朋滿座。


豉味魚顎 $58
選用鯇魚下巴入饌，先拉油，再加上豆豉、蒜頭爆香，魚顎外層香口，食落不失嫩滑。


金沙蝦 $48
每日新鮮入貨的游水圍蝦，外層不單有新鮮鹹蛋黃，並加入牛油，味道特別香。

鋼鍋雞 $68
特別訂製的鋼鍋，傳熱度快，客人不用等太耐。雞肉先生炒再焗，比起平時先拉油再煮，口感更好。

果茸鳳片 $48
看起來「青BB」，因為將牛油果打成茸，再與茄子、雞球同炒，牛油果味道與茄子異常配合，而且質感滑溜。

椒鹽八爪魚咀 $42
與金沙蝦齊名的香口小吃，椒鹽雞軟骨、白飯魚大家就吃得多，小慧找來新鮮的八爪魚咀，煙韌有嚼口，是佐酒佳品。

係咪真係好好味架

咁我聽日帶個女朋友仔去食下先

係嫁...
希望你女朋友鐘意同開心啦

佢一定鍾意同開心既
因為有我嘛
哈哈

咁係既...
有自己鐘意既人係身邊,係邊到食都一樣會開心同好食既...

呢間「妹記」都聽過下，但未曾幫襯過，因為好少係尖沙嘴食飯，Happy Hour 就多......    有機會一定會去試下。

都真係值得一試既....
有大排檔風味,又衛生,仲唔熱添...

金沙蝦  take a look feel like i want to take up all of the taste

WAH I WILL TRY