(明報) 03月 28日 星期三 05:10AM

【明報專訊】13年來，現年30歲的內地女子楊麗娟，苦苦執著要近距離見一眼心中的偶像劉德華    ，其父母為了幫助女兒實現心願，不惜傾家蕩產，賣房賣腎籌錢，陪女兒四處尋找與偶像見面的機會。如此
廣 告

極端畸形的追星行為，終於釀成悲劇：在女兒無法好好與偶像見面談話後，68歲的楊父在香港跳海自殺。對於這樣的悲劇，社會大可沉默。然而，它對追星族具有警示作用，所以值得指出：偶像崇拜，世間常態，稍為出位，亦可理解；但畸形追星，絕非常態，不僅害己，亦陷偶像於不仁不義。

楊麗娟由於過度癡迷劉德華，自16歲開始陷入生命誤區的故事，內地傳媒曾經廣泛報道。她的父母最初曾苦苦相勸，但因過分憐惜女兒，進而同樣失去理性，不惜賣房子、賣家產、賣腎，以助女兒見偶像一面。

對楊麗娟的瘋狂追星行為，劉德華曾批評其做法「不正確、不正常、不健康、不孝」。遺憾的是，劉德華的批評並未能阻止這一家人的過火行為。

同樣值得反省的是，內地傳媒在報道楊麗娟的故事時，大都以同情的態度加以渲染，缺乏正確的引導和批判，甚至將楊麗娟的變態偶像崇拜理想化、浪漫化，呼籲社會合力幫助楊麗娟一圓追星夢。

劉德華日前選擇和楊麗娟在歌迷活動中見面合影，卻仍未能滿足她的追星夢，其父終於走上自殺路。這樣的追星悲劇說明，任何追星行為，都應適可而止；如果發展到極端的迷戀行為，完全脫離正常人的思維，脫離正常人的生活軌道，甚至對自己和他人造成妨害與威脅，社會對這樣的癡迷行為，就應當予以批判與引導，曉以利害，避免惡果。



* * *

其實偶像係唔係真係咁值得一見呢? 而楊父楊母咁做係唔係對楊女好呢? 而內地既報導會唔會鼓吹追星風呢?
娛樂只係我地生活既一部分, 冇錯, 每個人都有自己想追求既野, 但係應該由現實既角度去諗, 量力而為, 就例如A君好鍾意法拉利, 但係只係搵得萬幾蚊一個月, 冇人會覺得佢左借右借, 飯又唔食咁去買部360係正確吧? 一年既牌費都比唔起啦... (可能誇張左..) 父母對於咁既行為應該係唔可以支持既, 點解要去到屋都賣埋, 腎都可以唔要既地步呢??? 內地既報導... 可能要一d讚人熱淚既新聞增加銷量吧? 但係點解要去支持一件唔正常既事呢?

今日剛剛從radio收聽到這則新聞, 我個人都有迷下偶像明星, 但絕不鼓勵沉迷, 呢個case, 個女仔嘅父母要負很大責任, 13年前, 當個女仔重係teenage 嘅時候就應該制止佢過份沉迷追星, 就算佢話唔聽, 都唔好協助佢呀, 重去到不惜傾家蕩產，賣房賣腎籌錢，陪個女四處尋找與偶像見面的機會, 咁樣支持法, 只會令個女仔以為一切係啱嘅, 佢咁樣係冇錯嘅, 到依家跳海嘅都唔係個女仔, 竟然係佢阿爸......根本佢地成家都走火入魔啦. 呢個真係一個反面教材, 希望時下d 青少年知道後有所警剔啦.

個呀爸係封遺書度勁鬧劉華冷血冇人道
我覺得幾唔公平
個個fans都想自己偶像記得佢，又想偶像對自己比其他fans特別d ga啦
但偶像緊係要對個個都一視同人ga啦
唔係呢個話佢對0個個偏心，0個個又話佢對某某好d咁咪收唔到科？！
講真有咁多fans真係有咩可能會記得哂佢地sin得ga......
而且劉華都出左名對fans好ga啦
睇佢搞既華仔天地就知喇
有好多其他artists都冇佢對d fans咁好
所以今次我覺得係個女仔同佢屋企人既問題
劉華都幾咁無辜

唔知如果真係因為呢件事劉華去個女仔
個女仔又會有咩感覺呢？
始終覺得害死個阿爸既唔係劉華而係個女仔囉......

我都睇左呢段新聞
但係完全唔知發生緊咩事。。。
點可以有一家人係咁架？
當你一家都喜歡劉華，但係駛唔駛要死呢？
最奇怪係死0個個係阿爸，唔係個女
我諗佢成家都有問題
0係封遺書入面就係咁鬧劉華
點解佢唔去勸下自己個女呢？
真係好好好唔明。。。。。。究竟係唔係有內情呢？

呢家人好似傻哂咁∼
個女好似仲話唔去領返阿爸返鄉下∼
大陸個個都話劉德華冷血∼
但係又唔諗ｏ下∼　佢唔係見唔到華仔喎∼
佢見到ｏ架喎∼　但係佢就係要單獨見面∼
佢　ｒｅｑｕｅｓｔ　得一次∼　就實會有第二次∼
咁如果華仔次次都要就範咪好煩囉∼＊

希望唔好再有人係咁做喇∼＊

我今日一睇呢單新聞~~
即時成個人呆左~
點解會有d咁ge人~~
追星唔係d大問題~
但為左追星而不惜傾家蕩產~
係咪經已經太過呢~~
我睇其他報章~~
專家批評這種追星行為已達至非理性的地步，是一種病態
而佢ge父親竟然為左達成女兒心願~~~
從而走上這條不歸路~~
唔阻止個女繼續沉迷~
反而仲支持佢~~
咁唔係為左佢好~~
而且仲係一個退休教師tim~~~~~
唉~~

呢單新聞,我都呆左,為人父母,用到這方法解決,真蠢,不值,但也很專敬,,

即使楊麗娟可以單獨與偶像會面﹐之後呢....? 她會重返校園繼續學業﹖還是出來找尋工作呢﹖還是繼續追星... 一而再﹐再而三要求與偶像見面﹖

本人覺得... 本次事件她的父母和社會都應該負上一定的責任...
作為父母, 他們應該好好教導她, 不應讓她走上這樣的一條路...
作為媒體和社會, 他們應該正確引導年輕人看待明星問題....

我呀媽話佢唔死都冇用....咁的行為都做到--