想講呢個話題好耐了
唔知大家有乜諗法呢？

我記得幾年前一個內地的網友來香港探我
佢拎左個在金至尊買的頸鍊連吊咀給我看
就和現在果款會郁郁下會轉的一樣
價錢都幾貴下架
我當時聽左都呆一呆，心諗：哇！搵笨！

但是那個朋友是個大學生
條鍊是她父母一心諗住來香港買份真的首飾給女兒作為禮物
見到她很開心地看著我又不好意思說什麼
問她是在哪裡買的，就是那間金馬桶了
當時金至尊還不是太出名 (又可能我無留意，總知我就唔知有間咁的野)

不過事後，當有內地的網友問我來香港什麼地方買首飾時
我就第一時間叫佢地唔好跟導遊買
如果他們有時間見見我的話
我情願帶佢地去周XX金鋪好過
起碼唔好斬到一頸血先喇
後來我都做左幾次導遊
帶過幾個網友去金鋪買野
仲可以講下價減下手工錢添
咁樣的自由行至玩得開心丫

現在香港的導遊搞 d 咁的野
香港的旅遊業好快死亡
香港無晒重工業無晒生產線
現時最興旺的輕工業：零售和旅遊業都搞成咁
最慘的就是金至尊這個名
好多內地人都當佢是品牌來看
現在連出名的品牌都咁
真是唔敢睇

我覺得要睇2邊! 無錯導遊帶團去比黑店□客係錯, 錯在無專對操守; 但依家好興的零團費再加上旅行社拖導遊費, 有時更用代支費用, 呢類情況直接令事件惡化的主因. 如果班導遊唔用呢類旁門左道方法去賺錢, 佢地又點生活呢? 所以我覺得係結構性問題, 除非改變呢種變相要導遊帶錢返工的情況, 否則都幾難真正解決.

個金廁所,係同胞來都話要參觀嫁...我記得我大陸有D親戚...佢地會問,我地有冇睇過金廁所...我話冇喎...可見金廁所在國內的威力

其實黑店呢家野，你話佢掠水，營商誰不為錢。

不過作出虛假的描述，的確是過份，十足十街頭騙案。

其實佢帶你去買，你大可以唔買。。。
有時係睇你自己點諗啦
我自問就係一個勁cheap既人，即係去買野以前會check過價，如果係平先會買
另外，我唔會去唔係專門店啦，雖然貴少少，但係自己會安心0的

買金呀？好難講，佢地覺得個"金屎坑"係好野，可能係一個傳一個啦
最緊要係佢地買得開心，"豪"得起
其實我見好多case，都係話要"豪"，佢地係暴發戶，個個咁有錢
但係又要參加0的零團費
都係0個句啦，太平既野係無好。。。

你地諗下，零團費去日本肯唔肯呀？我一定唔會貪小便宜啦。。。
到時要訓街就大件事

香□人自大而眼光短, 以為人地□, 用騙人手法去賣假野都明正言順話無講大話. 係工廠大廈開謀人寺, 政府同旅游界又唔理. 終歸大陸出手才理. 自作孽.

如果唔制止呢班友去賣假野當正野, 邊可以只捉老番又放過呢D紅堪友.

以前經過黃竹坑工廠大廈周XX金鋪樓下都見一車車的大陸團
果陣我都想上去買埋一份架
諗住佢地會平過出面門市添
香港人的感覺上廠買野一定會平過門市的
基本上都無諗過會有謀人寺
不過金至尊之後就令我改變呢個諗法了

我反而唔覺得上樓呀，開倉野會平得去邊啦
就算係平，都唔會有咩好野(可能我成日都唔好彩啦)
香港人好怪，有時賣平少少，個心又會覺得係假。。。

聽講美國burberry outlet0的野咁平，好多都係假
(真係聽人講，無去睇過)

唔係架，好多大牌子的代理公司要開倉清辦時真是平好多架
有時平到一、二折
不過就好多都是益自己員工或生意上有關的自己友先，第二日就公開比街客揀
所以到第二日未必有正野揀到

如果唔係特別開倉的樓上貨
我就諗住鋪租都平過街鋪
又唔使特別裝修，所以應該比外面平 (自己咁諗)
所以都無諗過自由行幫襯會掠佢地

美國burberry outlet 都有假？是在唐人街嗎？

其實度度都係呢D野喇~
不過今次D黑店俾人捉到影響埋香港聲譽者
其實大陸咪仲多