近日10.1黃金週開始,早前,有報導指有人以0團費來接待內地的遊客.大家點睇??

等我講下我的睇法先...我認為價格的確對消費者的選取係好重要的...但係..其實內地遊客一面投訴0團費,但係點解仲有咁多人報tim??其實報得就預左shopping多..唔通人地打開門做生意係做義工咩??有人報,市場先有潛力..如果冇人報..佢地又會唔會開喇??所以其實呢個係雙面的問題..大家真係要探討探討....

其實係各敢所需, 0團費理論唔係問題, 只係實踐時班帶街唔專業, 亦加上各旅行公司自私的經營手法, 至會搞到今日的田地!

好似我呢邊都有類似的, 不過做法唔同! 公司先收你$30, 但會比返$30 resturant coupon, 變相都係0團費!

相信牛版主沒有詳細看這新聞吧；
這班內地團員來自不同地方，付了不同數目的團費，只是被賣豬仔到堔圳的旅行團。

旅行社既然開出”零團費”條件總有其賺錢方法，例如收取回佣。
向團員提供錯誤資訊促使團員購物，恐嚇團員購物，否則不能回酒店，
本來是免費的活動導遊竟向團員收取費用，這絕對是欺騙行為！

做生意還做生意，無利可圖的生意當然沒有人想做，但絕不能以欺騙來賺取金錢。

除非團員自願或者報團時有協議，否則以上全是違反專業操守的行為，
旅行社/導遊的行為有損香港聲譽，作為香港人的我亦感蒙羞。

真係有的@@都係係深圳來香港的1天遊@@

其實我係香港參加旅行團都有類似情況 ~
好似我係呢幾年去親大陸或者澳門 ,
都會係景點玩好少時間 , 但購物就唔限時 !
最好笑係1/7去澳門同中山玩 ,
我地團或者買野唔多 , 佢地就上旅遊車繼續sell ...
咁唔通我地參加果d又係零團費 !?

但有次去上海玩果時當地個導遊就同我地講 ,
香港o既團費平過大陸好多 , 佢話如果出外旅遊實會參加hk團wor !
佢仲話大陸團食水好深 , 團費費過hk , 但食住都差過hk wor !
佢講咗個例子就係 : 香港參團到泰國團費$2000/五天 ,住四星酒店 !
但係國內參團就要五仟幾 , 但係住2、3星酒店 !

所以我諗大陸來港o既團之所以咁o既食住 ,
好大機會係國內旅行社食水太深 ,
搞到o黎到hk就冇咩利潤 , 仲俾國內客以為hk接待差兼食水深 !
咁搞法實影響香港o既形象o架 ~
呢個問題點解香港政府又唔去理呢 !?

係真唔係呀？定係幻覺呀？
佢真係會拎啲貨上車sell ???佢地唔驚咩？

sell 服務或者表演咁~~~~~~~~
呢d野我都試過la~

呢D 接待大陸自由行旅行社, 大部份同大陸旅行社有密切聯繫. 做生意手法同大陸同行手法差不多. 重好多係重利唔守法之輩.

而今去大陸包團亦遇到, 日日要帶你買野. 上個月一班登山友去爬華山. 只係租兩日旅游車. 果個導游一樣帶我地呢班全身爬山裝, 足穿行山鞋的團友去西安郊外一出賣旅游物品及玉石的地方. 全體行友只有前門入後門出. 幾乎打交先至上車. 導游話唔入去就被公司罰200元.  查實當時因在華山頂庋宿一晚, 冇沖涼. 一落山就帶我地在山腳買野. 吾返酒店沖涼先. 佛都有火. 我地就知到所為零團費就係假□. 佢地當你係水魚. 一有機就要你去買野.

所以香港接大陸團既老板好多是好似羅湖城D 老細一樣. 如果容許佢地再做落去. 香□一定死.

你真係冇遇過 !?
我話俾你知我第一日所謂o既行程如下 :
第一站去咗個"綠色環保桑葉園"
哈哈 ! 真係講就十分鐘講晒 ,
然後帶你入個房坐住聽佢地講吓d咩藥材o既用途 ,
跟住就話有d湯水招待大家 (不過要俾錢 ) ,
咁你就一路飲湯佢又一路繼續賣佢o既野 ,
有蕃薯干,苦瓜干同埋d藥材咁 !

第二站就去果個"蘆薈大觀園"仲好玩 ,
賣果d蘆薈護膚品 ! 果站佢嫌我地買得少野 ,
跟埋我地上車繼續賣野 , 俾佢悶咗成半個鐘佢至肯落車走人 !

第三站去個"客家山莊" ,
又係賣蜂蜜呀藥材呀 ~

最後就係到中山果個"雲錦布衣" ,
我同好多人本來都唔想落車 , 因為係尾站 ...
點知有個著民族服裝o既女仔上o黎架車度講野 ~
咁之後又俾佢拉咗落車 , 原來又係賣野o既 !
佢俾你坐低飲住杯茶 , 跟住又講一輪野 , 講完之後 ,
原來係賣茶葉 ! 佢話你買一盒茶葉o既錢 ,
其中有唔知幾多成幫助雲南山區d貧苦學童wor ~
唉 ! 你試過d咁o既行程未呀 !

我頭頭以為我唔好彩跟著d鴨仔團 ,
點知我到親o既所謂景點都遇到"東x遊"、康x、x安果d旅行社 !
咁即係唔止我果團係咁啦 ~

呢d鴨仔團去得多.....次次都係個到...