睇左既朋友﹐歡迎入黎俾俾分(按右邊星星)﹐講講齣戲您鐘唔鐘意(中英文回覆都無問題)?

尋找有關此電影的分享 >> 天藍幫您「搜」

影壇已有3年未推出改編自史蒂芬金原著（Stephen King）的電影，今年都由他短篇小說搬上銀幕的《1408》與《迷霧驚魂》將先後在夏、秋季推出，讓苦候多時的"金迷"大呼過癮。本片故事描述一位個性鐵齒、只相信自己直覺的恐怖名小說家麥可恩斯林（約翰庫薩克 飾）的恐怖經歷！

影劇書下載：  http://aibooks.081book.com/Info.aspx?ID=92

我一向好喜歡 John Cusack 呢位演員!  覺得佢揀 d 戲黎拍﹐每一套都幾好睇﹐尤其係縣疑鬼怪片。    印象較深既篇有: Serendipity, Identity, Runaway Jury 呢幾套。  雖然佢近期都無咩佳作﹐但今次同   Mikael Hafstrom 合作﹐拍呢套又 Steven King 小說改編既 1408﹐就咁望埋去﹐真係有 d 睇頭既!

老實講﹐雖然我無睇過 Steven King 既小說﹐但由佢 d 書改編既電影﹐除左 Pet Sematary 我覺得幾好睇之外﹐每一套我睇過既﹐都係開頭幾好睇﹐然後衰收尾架喎!  多數都係個結局有個 "大佬" 之類既怪物﹐打破晒之前凝造既神秘氣氛﹐有少少無癮咁囉!  舉例: 以前有套電視電影叫 It﹐講一班由細玩大既細路童年時一齊經歷既怪事。 後期有套 Dreamcatcher﹐戲橋又係差唔多﹐講一班又細識大既朋友既。 最近睇過一套叫 Desperation﹐一樣係開頭幾得意﹐令人幾想追落去﹐點知越睇越差﹐到結局就令人好失望。  唔知係 Steven King d 故事既問題丫? 定係個導演既問題勒。

講返 1408﹐呢套算係最無我上面所講既弊處架喇!!!  起碼唔係好似打機咁﹐最後要打大佬丫!!  

導演 Mikael Hafstrom對上一套執導既戲係 Derailed。  我覺得雖然唔係咩大製作﹐但都算處理得幾好。  今次拍 1408﹐在畫面同音效上都算係 ok﹐恐怖就唔算點恐怖﹐可能因為我睇慣左亞洲既鬼片﹐所以 d 紐約 鬼怪就嚇唔到我啦。

唔知係唔係Steven King 寫既故事既原故﹐佢會幾著重去表達人性上既野﹐但又要用恐怖縣疑去包裝﹐所以當我睇佢既戲時﹐有 d 兩頭唔到岸既感覺。

Samuel L Jackson 出得果少少。

其實個結局我都想討論下﹐睇下邊個睇左既朋友舉舉手呢?  等我有人問下野都好。  

我睇左la..
我覺得呢套戲ok la..
我同我gf 去睇..
佢都唔驚..所以應該唔係好恐怖..
不過我覺得套戲都幾懸疑..
中間d 劇情..有少少難以解釋..
其實如果個男主角..乜都唔做..
乜都唔理..就咁捱到天光..咁有人會黎執房架ma..
係咪咁都會冇事呢..

Spoiler warning - 劇情踢爆

係啦! 其實合埋眼等天光就應該 OK。  不過佢係一個唔信有鬼既人﹐咁佢第一次遇到泔多怪事﹐我估初初佢既好奇心驅使佢去證實呢一切都係幻覺﹐但一洗濕左個頭﹐就無返回頭勒﹐係咪呢?  仲有﹐劇情一路發展﹐就一路牽涉越黎越多有關佢既家人﹐搞到佢以經精神錯亂﹐無法理智地分析﹐後來直頭 sort q 左咁。

其實點解佢最後要行果一步﹐我都唔係太明﹐係唔係其實係佢既罪疚感令佢無法面對自己??  

咁其實係唔係真係有鬼????  您明唔明呀小神?

你話佢最後點解要燒左間酒店房?
因為d evil 大佢話要叫埋佢老婆黎間房..
咁佢怕佢老婆入埋黎..
害死佢老婆所以咪燒左間房..
打算同歸於盡..

不過個主角其實都己經去到思覺失調..
我都差d 睇到唔知佢幾時真幾時係幻覺..
到最後我都唔知佢係咪真係走左出黎..
一話其實佢重係o向間房度只係自以為走左咋..

不過我又唔明個經理..
其實佢好似知道咁多野..
發生過咁多事..
d 職員都知有鬼..
但居然都冇走漏消息..
出面冇乜人知間酒店有間鬼房..
咁冇人走漏消息又點解會有人寄信比主角去住果間房呢..

Spoiler Warning - 劇情踢爆

小神﹐咁我明勒!  係喎﹐佢唔想佢老婆受害﹐所以先放火。

另外有樣野證明真係有鬼: 記唔記得到最後最後﹐個經理 play 返個錄音機?  係錄到個女把聲架!!!

係囉﹐我都唔明個經裡﹐佢究竟係唔係只係一個經理冚簡單呢?  佢最後另轉頭見到鬼﹐但原來係幻覺﹐響倒後鏡見到個細路女﹐以為係男主角死左既女﹐點知原來果個係人唔係鬼﹐咁即係點呢?  係唔係 Steven King 想話俾人知﹐呢個世界係有鬼﹐但就唔係次次 d 人見到既都真係鬼﹐有時只係疑心生暗鬼?

好似係個主角自己播番餅帶..
跟住佢同佢老婆都聽到佢個女把聲..
不過場火燒得咁勁..
部機都融融地..
但係居然重可以播番餅帶出黎..
唔知部機係乜野牌子..又幾抵用wo

Spoiler warning - 劇情嚴重踢爆

唉!!! 撞鬼!!!  原來我同您睇個版本個結局唔一樣!!!!!  唔怪得知您講果 d "最後點" "最後點" 同我唔同啦!!!!   我睇個結局係佢最後無出返黎架﹐佢燒死左囉﹐而最後果場戲係響佢既葬禮﹐而個經理都有去﹐佢想將 d 遺物交俾個老婆﹐但老婆太傷心﹐唔想再要。  之後個經理就響架車入面聽個錄音。  當時我亦有同一疑問﹐就係咁大火都燒唔爛部機﹐真係無鬼就奇囉!!!

下?????
完來大家唔同架..
oh~~~~~~~
其實我都奇怪..
點解咁大火..重有爆炸都燒佢唔死..
比人救番佢出黎..
跟住佢出左院同番佢老婆一齊..
咁佢老婆比番d 遺物佢..
佢就話全部都唔要..
只係留番部錄音機..
咁佢就開部機出黎聽..
佢老婆同佢一齊聽到個女把聲..
之後佢老婆呆左..
咁就完la..
其實黎到呢度..我真係唔知佢係真係出左黎..
定係跟本佢重o向間房入面..
因為佢之前都試過以為佢出左房..
其實佢根本重o向入面...
所以我都唔知佢係出左黎未..