睇左既朋友﹐歡迎入黎俾俾分(按右邊星星)﹐講講齣戲您鐘唔鐘意(中英文回覆都無問題)?

尋找有關此電影的分享 >> 天藍幫您「搜」

I think this movie is pretty good.  The story is interesting and creative.  People who like food will probably like the movie even more.  Its interesting how they try to make the rats "cute", while people usually preceive them as dirty and ugly.   Not the best pixar movie in my opinion (I personally like Nemo and Monster, Inc the most), but its overall a good movie.... pretty entertaining for sure.

呢套係我今個暑期睇左最鐘意既電影!  可能因為我本身鐘意睇動畫﹐又鐘意食野﹐所以呢套戲開正我果範!

Pixar 對上果套 Cars﹐我到依家都未睇。  一來聽話唔好睇﹐二來我都想象唔到以車做題材既發展空間會有幾大﹐所以遲遲都未想睇 (雖然碟已經買左)。但今套 Ratatouille 我會去戲院﹐係因為睇預告覺得好似幾好笑﹐Minnie 又鐘意睇﹐取景自巴黎又幾浪漫﹐所以就決定俾錢入戲院睇﹐當係拍拖囉。

睇完亦覺得無失望!!  Minnie 好驚老鼠 (米妮老鼠都驚老鼠? 咁搞笑?)﹐但卡通老鼠佢仲頂得住。   故事係講到一隻識得煮野食既老鼠同一個廚房仔既關係。  其實諗深一層﹐都幾有創意!  自古以黎﹐老鼠係廚房既死敵﹐無一個廚房係會歡迎老鼠既﹐就算係歡迎﹐背後都係有一個老鼠夾等緊佢!    而廚房之所以唔歡迎老鼠﹐係因為老鼠專偷野食﹐老鼠亦代表住 dirty﹐人食既野﹐點可以容許有老鼠點過呢??  但遍遍戲中既主角 Remy 呢隻老鼠最反對就係偷野食﹐佢亦識得欣賞食物﹐甚至覺得食物係要烹調先至好味!  所以﹐佢除左係一隻老鼠﹐仲係一個廚師!  單係呢個茅盾既配答﹐已經可以有無限既發展空間啦!  亦因為咁﹐搞出好多笑料!

講到 Pixar﹐緊係要講下 d 電腦動畫啦!  我諗我地真係睇得太慣喇﹐所以今次黎講﹐我都無咩留意 d graphics﹐只係由頭到尾都覺得好靚!  d 老鼠毛都整得好真﹐但我地響 Monster Inc. 都睇過﹐唔會有咩驚喜。  有一場係講 Remy 跌左落急流﹐果一場都做得幾生動緊張﹐雖然響 Nemo 有睇過好多水既效果﹐但我都係幾讚嘆 Pixar 既呢一場戲!

因為有買一送一戲票...
所以琴日下午蛇佐去睇呢套電影...
中意動畫既人就不好錯過呢套電影啦....
因為D graphics真係好生動,好靚....
尤其係後面幾場....
D老鼠大家分工合作, 準備食物....
真係好仔細, 好好笑....

好好睇渦我覺得~幾好笑~
不過偶然會覺得拒成堆老鼠出現個時都幾核突~ 哈哈

Hahaha!  我都覺得有 d 場面幾嚇人﹐不過因為知道係 animation﹐所以先無咁驚。  如過您夠膽﹐俾您睇下一個真實版 老鼠入侵:

警告!!!!  真係好驚老鼠既朋友﹐如果收睇以下影片﹐要做足心理準備﹐因為真係好嚇人!!

前幾天跟朋友去看過了
我覺得好無聊
我還看到睡著
覺得一點都不好笑