睇左既朋友﹐歡迎入黎俾俾分(按右邊星星)﹐講講齣戲您鐘唔鐘意(中英文回覆都無問題)?

尋找有關此電影的分享 >> 天藍幫您「搜」

有時邱禮濤 導演既戲路真係估佢唔到!  五月份出左部 "降頭"﹐同期又推出呢一部寫實電影 "性工作者十日談"。之前又有套  黑"白道"﹐但又拍左套 "終極忍者"!!  都好既﹐多 d 唔同片種﹐等我地可以睇多 d 唔同類型既戲。

我覺得 "性工作者十日談" 普普通通﹐不過不失。  香港定時定候就會有導演拍一 d 以 性工作者 做題材既電影﹐幾乎每個年代都有﹐睇住呢 d 電影既描述﹐可以睇到色情事業既發展。  

呢套戲係講幾個響夜總會做既 "小姐"﹐同埋佢地既故事 (套套都係咁架啦)。  以往既呢類電影﹐多數都係講 d 妓女點樣慘﹐訊息較為負面﹐好似想話俾觀眾知: 唔好入呢一行!

但今次 似乎 轉左小小個方向喎!  首先﹐戲中有1一個角色﹐係一個類似社工既人﹐專幫 d 性工作者爭取權利﹐希望可以令 d 性工作者尋回尊嚴﹐呢一度已經係一個好強烈既訊息﹐透過呢個角色﹐導演明顯地想講: 性工作 都係一份職業﹐唔應該受到技視。

Spoiler Warning 劇情踢爆

另外有另一個角色﹐係其中一個性工作者﹐佢係一稱 "北姑"﹐響大陸落香港 "搵食" 既小姐﹐佢為人樂觀﹐做野又勤力﹐好多香港本地既姊妹都無鸜咁努力賺錢!  佢咁搏命搵錢﹐原來目的係要賺夠錢返鄉下開學校﹐等佢丈夫可以做校長﹐而佢自己就做副校長﹐可以令鄉下既小朋友有書讀!!  呢種犧牲自己去願成別人心願既偉大思想﹐當堂令人對呢為性工作者肅然起敬呢!!

另外一個 "鴨" 既角色 係鄧健泓 飾演﹐都幾攪笑喎!  尤其係佢去夜總會踩場果場戲﹐做得夠黑人憎!!!  

香港電影中我覺得係幾有heart既作品
最後睇完可以講得出佢講過d咩，想表達d咩咁
唔錯既，原來香港d小姐喜歡去叫鴨仔，真係唔睇唔知

哈哈!  係呀﹐佢地仲叫 d 鴨店做 「仔仔店」﹐幾 cute 呀!  

以前有一套任達華做鴨既戲﹐裡面都有講 d 小姐去搵舞男開心﹐我仲記得一場床上戲﹐個小姐忘記左自己唔係開緊工﹐阿任達華提佢:  「您記住您而家落左班架喇喎﹐要享受而唔係要開工做反應喎!」 (咁上下) 跟住阿小姐即刻生猛晒!  

ok啦，感觉题材都几得意，虽然没有太多的深入探讨，但整套戏睇完都觉得吾错。起码有笑位，有感动位。
而且感觉上，戏里带出的一个感觉就是做鸭比做鸡更危险。

同意呀!  雖然話女人比男人容易呷醋﹐但男人帶起綠帽時要發惡比女人更暴力!

Spoiler Warning 劇情踢爆

話時話﹐究竟鄧健泓係咪比人地個老公斬架呢?  定係個女人知到佢又陪大婆又陪二婆所以嬲起上黎搵人開佢拖?  定係二婆被放飛機所以唔順氣?  有無交代呢?