歡迎任何會員來設置新 吹水主題!  只要點擊以上的 是日吹水 Post 標題旁的 [編輯] 連結便可!

System message: ultraegg changed topic to '真係咁似搵錢?'

今日見到D 人搵錢真係好似咁, 佢地駛$1K 好似我駛$1 咁

係我真係差人咁多, 定佢有咩搵快錢的機會而我唔識?

記得之前我同大家提過的青年才俊, 唔駛3年就供完間CONDO, 依家又供緊間TOWNHOUSE, 但同時可以去歐洲旅行, 早幾個月又買多架 BM 5 系(總共有1架 mini, 1 架 Boxer, 及最新的 BM 5 系), 雖然話係2手車啫, 但呢3款車都唔係平車, 依家又生埋baby, 我知佢人工唔係高, 亦無話勁OT, 而佢可以做到咁多野, 理由係佢有儲錢! 我真係唔識計呢條數, 換轉係我唔食唔用都唔可以咁短時間內同時做到咁多野啦, 莫非我真係好有問題, 差人咁多級?

另有D  uncle 成日同人講佢地D 仔女, 普通 U, 普通科畢業, 一畢業都有七萬, 八萬一年, 好易啫, 又唔難搵到工, 亦有好多公司請! 但睇返身邊, 公司經理級先係8萬起, 普通一個staff, 平均都只係4萬左右, 我唔相信我公司係全 ONTARION 比唔起錢請人的公司啫, 無理由差咁多喎!! 唔通又係我問題? 見完呢D UNCLE, 真係好灰, 覺得自己好失敗

點解你會問啲咁嘅問題?  如果要比...我哋仲衰過其他人tim...到你駛$1K 好似駛$1嘅時候, 你可能又會問...點解佢地駛10K好似我駛1K咁...搵快錢的機會? 我相信係有嘅.  Elaine 有個客, 收入唔算高, 但勁識玩股票,  除正常買賣外, 仲有玩Option,  眼光獨到, 抵佢賺!  你d所謂青年才俊...你又知人哋幾多呢?  佢响你面前show到幾成功幾掂, 咁有無可能佢有support呢? (例如阿爸阿媽死咗有留$$$俾佢).  人只會show風光嘢俾人哋睇咋!  而家有人"鹽"你咩?  你老婆定Chloe呀?  如果你係信神嘅, 咁你應該相信所有嘢都自有安排.  我從無講過...咁樣就會大富大貴, 但至少唔會有諗唔明嘅痛苦.  

呢樣仲好笑!  你駛唔駛呀, 蛋?  第一...d uncle講嘅, 通常都係吹水.  點解你咁認真呀?  若然你真係覺得你而家係大材小用嘅話, 轉工囉!  你話唔係喎....有大有細.....咁...你條氣又唔順, 又要驚.....咁無計!  總之都係果句:  如果你認為你而家唔只值咁小嘅話, 去闖囉!  但我覺得你唔好去睇其他人而去恆量自己嘅價值同打擊自己囉!  好無意思!  (等同李嘉誠喊住話...以我嘅聰明, 眼光同材幹....無理由身家小過 Bill Gate喎..莫非我真係好有問題.  差人咁多級?)  

掃完風,去瞓啦

Ben, 我唔係睇唔起自己, karen 同 chloe 亦無 complain. 起碼我仲可以 support 到一次買 8個手袋!

只不過有時自己會諗, 點解做咗咁多年野, 股票又無賺, 人工又唔似人咁高啫! 當然明白人比人呢個道理, 我亦從無同人比, 只係好奇點解有咁多人可以有咁高的生活水平! 唔好講中國人, 就連身邊 d 外國人同事都係, 可以有 3 - 4 個小朋友, 個個都讀私校, 住大屋揸靚車! 係, 炒股炒 option 係可以大賺, 但都要有個本先得o架, 有幾多股神可以拎1千幾百咁炒到過萬先!

老實講, 要我拎幾萬出黎炒股, 我都係無咁的能力囉, 我之前都計過數, 如果有 80萬 cash 做股票投資 (唔係炒, 係正常投資), 咁每年的股息都夠我可以係 45歲退休, 可惜, 到我 45歲都無 80萬閒錢可以咁做!

上手喎!