我反而想成日見到佢開心/笑嘅樣

hehehe.. 點樣分 離譜與唔離譜 呢?    我又唔會癲到兩個人 quit 左份工去個荒島上長廂思守既，不過係自然情況下係會想爭取時間見面相處架喎!  有得天意安排一切返工見多 d 我係會 ok 囉!    咁等如話: 依家有個機會，每日會見到您另一半多兩個鐘既，您就會 okay，但如果話會見多八個鐘既，您就會覺得太長啦，大家保持唔好見得咁多好 d!  <-- 咁?  唔會架嘛..


其實唔係話我悲觀呢!  呢一日遲早都黎架，我後生 d 時從來唔會諗，但越大就越覺得時間真係無多。係，可能仲有 30-40 年 (好彩的話)，但用我之前既計法，咪其實得嗰 10 年 (1/4 時間見面)。 咁有得見多 d 點解唔見呢?


都係架，如果齋為相處，真係同居都得架，我成日講，如果我同佢流落荒島得我地兩個，洗鬼結婚咩!  都可以拜個天地玩下既，但其實冇咩話一定要做囉係咪?


錦上添花啦!  

咁其實住埋都可以日見夜見啦, 結婚為乜? 唔係話唔想見對方多, 但唔似你咁黐情, 要咁見面囉! 結得婚, 本上已經係一生一世, 唔會話要見得越多越好喎!

唔係話唔想見, 但順其自然囉, 唔似你咁一定要見得多

又唔可以話佢離譜, 只不過係我地無咗佢2個嗰種少男少女的情懷

可能我地已經有老夫老妻的感覺, 好多野都自自然然, 唔再會太特別去做, 加上依家會放晒精神係個女度, 自然2個之間係少咗初初嗰種激情

某情度上我贊成咁o架, 有返小小私人時間, 真係好好o架!

咁...可能我同Elaine 有病啦.  一日24個鐘...瞓覺用8個鐘...剩16個鐘..番工8個鐘 (唔同department, 當你會相見5個鐘), 响屋企一齊8個鐘...唔計瞓覺就每日見13個鐘, 計埋瞓覺就每日見21個鐘...我地兩個都唔得...

同埋我唔介意見得多唔多, 但就非常注重見到時嘅quality.  大佬...就算俾你見多d, 但成日口黑面黑又嘈交....俾你見多d都無用啦