有 d 人真係好唔想 "見" 到老婆咁多架，即係就算老婆唔阻佢唔理佢，佢都覺得最好就唔好出現，自己柄埋係個 man cave 打機或者出去透透氣... 咁好辛苦啫，即係好似我話買左部 iphone 番黎，但每日最好唔好用咁多，有時另願用 pay phone 打電話都唔想用佢咁多，幾 sad 呢?  

係呀, 仲之我瞓又好, 上網又好, 呆坐都好, 嗰段唔間唔好理我, 由得我已經夠啦, 當然, 唔係話呢2個鐘當我透明啦, 一樣可以傾計, 一樣可以有問答, 只係唔好要我做一 d 佢時我做的野啫

乜你地咁相敬如賓!!

ben, 咁我又逗番轉頭講勒，佢睇您打埋同一個 game，您地唔會怕對住同一個 game 或者睇埋同一套戲而覺得 d 話題悶架嘛，就係因為您地都夾得黎自自然然會有野傾，咁做埋同間公司，其實都會自自然然有野可以討論架喎。

hahaha.. 我地都會架喎!  尤其係佢煮完飯.. 呢 d 唔係必然架!

我又唔覺要咁極端, 只要大家都有少少私人空間/時間就夠, 例如佢去行街, 我湊女, 咁嗰段時間唔好理我點同個女相處, 之後又唔好投訴我同個女玩得癲就夠啦

不過，唔講又唔會鬧交既!  只係出於真心既感謝 啫。 等於碁督徒每次食飯前都會謝飯，感下恩 jeh..

去到咁的情況, 已經係相處之間有問題, 唔再係2個人相愛與否的問題, 而係好多生活上的細節/經濟壓力 .... etc 等影響

咁我又覺得啱喎, 依家太多人慣性用 iphone, 少咗好多"真實"溝通, 我擔心遲吓2公婆都係用 cell phone / fb 之類先傾到傾, 或呀爸係 fb 留言叫呀仔/女返屋企食飯

我有個friend (女仔), 結婚前TD做.  拍拖時, 男友响WFG做.  為咗見多d, 佢去埋WFG做.  跟住原來個 boyfriend 嘅mommy 又係WFG 高層(呢樣係另一筆啦)  跟住結咗婚就一齊番工, 番工就一齊開會. 响公司當然講公事啦!  放左工又講外幣, 基金等等...因為個女仔係under個老公, 所以又成日一齊見客, 同d客一齊打golf.  個女仔同我講...佢就嚟悶死啦.  最慘係响屋企有時嘈先, 返工又要見到...雙方無單獨冷靜期, 見到對方响office做乜都唔順眼!  仲大鑊!!!  d細嘅見到佢哋口黑面黑又唔敢講嘢...你話啦...死唔死...