香 港 都 有 啦 ！
以 前 睇 《 Animal Planet 》 ， 介 紹 人 點 將 貨 車 改 裝 成 流 動 寵 物 美 容 車 ， 一 條 冷 住 架 車 於 美 國 小 鎮 上 山 下 鄉 ， 司 機 美 容 師 老 闆 阿 四 角 色 一 腳 踢 ， 車 大 到 ， 裡 面 甚 至 附 有 人 去 的 洗 手 間 ， 幾 有 諗 頭 。
然 後 早 幾 年 ， 人 在 涉 谷 ， 俾 我 兜 口 兜 面 見 到 摸 到 架 真 身 ， 其 時 心 想 ， 香 港 人 成 日 話 忙 ， 如 果 整 番 架 ， 壹 盤 大 生 意 呀 ！
於 ， 呢 件 事 發 生 ， 仲 要 開 雙 。 一 架 係 流 動 寵 物 醫 療 車 ， 一 架 係 流 動 寵 物 美 容 車 ， 一 次 過 ， 將 本 地 寵 物 服 務 推 向 更 貼 身 更 方 便 更 無 遠 弗 屆 的 層 次 。 以 後 ， 我 隻 「 妹 豬 」 唔 使 舟 車 勞 頓 搭 的 士 去 鏟 毛 ， 我 又 唔 使 呆 等 「 妹 豬 」 三 粒 鐘 啦 ， 只 要 撥 個 輪 ， 他 條 等 上 門 ， 爽 呀 ！
Pet Pet Profile
本 業 開 寵 物 cafe 和 寵 物 用 品 速 遞 的 陳 生 ， 同 老 婆 養 埋 大 堆 狗 狗 ， 其 中 一 隻 金 毛 就 因 為 幫 襯 寵 物 店 洗 白 白 ， 洗 出 個 大 頭 佛 。 「 佢 試 過 沖 完 涼 返 竟 然 有 虱 ； 又 試 過 俾 人 打 懵 仔 針 ， 搞 到 沖 完 個 涼 之 後 全 日 勁 吽 ， 心 痛 到 我 ！ 」 陳 生 也 曾 試 過 搵 寵 物 美 容 師 上 門 ， 只 是 裝 備 簡 陋 架 生 不 足 ， 吹 毛 太 慢 凍 親 心 肝 寶 貝 。 於 是 陳 生 把 心 一 橫 ， 求 人 不 如 求 己 ， 向 外 國 風 行 的 流 動 寵 物 美 容 車 取 經 偷 師 ， 再 抽 絲 剝 繭 去 蕪 存 菁 ， 花 九 十 萬 及 一 年 時 間 改 動 鑲 嵌 集 百 家 大 成 ， 今 年 四 月 終 於 見 街 ， 估 唔 到 反 應 奇 佳 喎 。 07 年 頭 左 右 ， 預 算 第 三 部 美 容 車 可 以 落 地 接 棒 。
透 明 度 高
現 時 的 兩 架 美 容 車 ， 一 架 守 香 港 一 架 守 九 龍 。 可 因 應 閣 下 要 求 駛 到 你 屋 企 樓 下 ， 甚 至 你 打 緊 麻 雀 唔 得 閒 的 話 ， 要 美 容 師 摸 上 門 接 狗 落 車 扮 靚 都 得 。
美 容 程 序 大 致 一 樣 ， 離 不 開 撩 耳 沖 涼 剪 甲 剃 肚 鏟 腳 毛 唧 肛 門 腺 等 基 本 項 目 ， 貓 狗 都 係 咁 做 。
一 架 美 容 車 同 時 可 做 三 位 「 客 仔 」 ， 小 至 芝 娃 娃 大 至 聖 斑 納 都 應 付 有 餘 。
車 上 還 附 設 貓 狗 spa 服 務 ， 有 生 果 味 有 牛 奶 浴 有 死 海 泥 。 但 最 抵 死 係 玻 璃 採 光 設 計 ， 你 看 我 看 你 ， 透 明 度 高 赤 裸 出 浴 ， 唔 慌 隻 狗 會 俾 人 虐 待 啦 。
Lion Rock Profile
獅 子 山 流 動 寵 物 醫 療 車 ， 是 位 於 九 龍 城 門 診 的 分 支 。 原 籍 南 非 ， 既 是 老 闆 亦 是 獸 醫 又 係 司 機 的 Dr. Mark Benjamin 居 港 七 年 ， 工 作 關 係 ， 經 常 接 觸 好 多 大 大 鑊 case ， 原 因 都 同 不 負 責 任 的 主 人 「 唔 得 閒 」 、 「 無 時 間 」 、 「 平 時 工 人 照 顧 我 乜 都 唔 知 」 、 「 屋 企 附 近 冇 獸 醫 」 、 「 餐 餐 打 的 好 重 皮 」 大 堆 藉 口 延 醫 有 關 。
又 於 是 ， Dr.Mark 決 定 將 歐 美 常 見 的 流 動 寵 物 醫 療 車 概 念 引 入 本 港 ， 用 接 近 百 萬 港 幣 ， 改 車 裝 車 修 正 唔 再 執 位 ， 成 為 繼 慈 善 團 體 愛 護 動 物 協 會 （ 都 有 類 似 流 動 醫 療 車 ） 以 外 ， 目 前 全 港 唯 一 私 營 的 流 動 醫 療 車 ， 主 攻 新 界 邊 皮 山 卡 罅 位 置 。
飄 移 裝 備
程 序 上 ， 醫 療 車 每 日 出 更 之 前 ， 獸 醫 助 手 都 要 check booking ， 睇 睇 是 日 求 診 病 症 要 乜 儀 器 裝 備 藥 物 支 援 ， 照 單 執 藥 補 倉 準 備 好 之 後 ， 出 發 。
小 小 醫 療 車 ， 可 加 可 減 儀 器 除 能 應 付 一 般 貓 狗 傷 風 肚 屙 病 症 ， 輕 手 術 如 絕 育 、 割 粉 粒 都 無 問 題 。
手 術 前 ， Dr. Mark 會 循 例 檢 查 清 楚 氧 氣 放 送 心 跳 脈 搏 儀 等 等 ， 是 否 準 備 妥 當 。
每 日 出 動 ， Dr. Mark 都 會 有 一 名 助 護 跟 車 。
百 萬 解 構
我 用 了 三 日 時 間 個 別 跟 進 ， 綜 合 事 後 檢 討 ， 我 決 定 用 身 為 一 個 貓 主 的 雙 重 身 份 報 告 。
車 身 雖 小 ， 仲 有 窄 ， 企 四 個 人 已 經 覺 逼 ， 但 勝 在 五 臟 俱 全 執 到 正 正 ， 無 異 味 ， 衞 生 keep 得 唔 錯 。 不 過 ， 叫 得 做 流 動 車 ， 原 則 ， 當 然 要 符 合 呢 度 去 度 去 條 件 。 獅 子 山 流 動 寵 物 醫 療 車 算 做 到 ， 可 惜 能 去 的 地 方 都 集 中 在 新 界 ， 例 如 地 段 中 上 的 錦 繡 和 加 州 花 園 ， 少 不 免 會 令 人 質 疑 「 隨 傳 隨 到 」 的 可 行 性 。
為 此 ， 我 試 過 打 電 話 放 蛇 ， 當 值 的 男 員 工 態 度 殷 勤 溫 文 的 、 問 完 我 一 大 輪 貓 種 性 別 幾 大 有 無 急 病 同 住 邊 忽 之 後 ， 就 答 我 幾 時 到 基 本 診 金 要 幾 多 … … OK 喎 ， 個 答 案 同 訪 問 一 樣 對 辦 呀 ！
顧 客 心 聲
我 係 芝 娃 娃 CoCo ， 因 為 肥 到 成 個 波 咁 ， 影 響 四 肢 站 立 姿 勢 ， 唔 願 郁 ， 要 搵 Dr. Mark 幫 手 減 肥 ， 我 次 次 睇 佢 都 睇 成 半 粒 幾 鐘 ， 問 長 問 短 咁 ， 好 鬼 細 心 。
無 菌 不 繡 鋼 手 術
大 狗 籠 頂 部 同 時 是 手 術 床 ， 無 計 ， 唯 有 一 物 二 用 鬥 慳 位 。
照 肺 燈 箱
「 方 便 狗 主 唔 使 兩 邊 左 撲 右 撲 嘛 。 」 Dr. Mark 說 ， 又 幾 周 全 喎 。
設 備 齊 全
有 可 觀 察 樣 本 測 試 用 的 顯 微 鏡 ， 有 大 大 細 細 手 術 刀 ， 有 麻 醉 有 氧 氣 ， 好 pro ！
電 子 磅
附 於 醫 療 車 內 ， 隻 狗 肥 幾 多 瘦 幾 多 一 目 瞭 然 。
可 大 可 小
全 車 狗 籠 有 活 動 間 格 ， 方 便 收 納 病 重 或 要 留 院 的 動 物 原 車 返 診 所 觀 察 。
拉 線 駁 電
醫 療 車 的 電 源 主 要 靠 駁 ， 「 係 有 少 少 唔 方 便 ， 但 同 時 亦 保 障 手 術 期 間 有 穩 定 供 電 。 」
預 約 電 話 ： 6223 0903
診 症 時 間 ： 10am-8pm ； 星 期 三 及 五 休 息 （ 其 間 如 有 需 要 急 診 可 致 電 8227 9997 ）
診 金 ： 基 本 $220 （ 地 點 遠 近 藥 費 雜 項 另 議 ， 其 餘 手 術 收 費 大 致 跟 門 診 相 同 ）
度 身 配 套
流 動 寵 物 美 容 車 俾 我 第 一 個 感 覺 ， 係 全 白 布 置 及 多 窗 採 光 的 設 計 ， 好 乾 淨 唔 臭 同 舒 服 ， 仲 幾 有 日 本 feel 添 ， 呢 點 好 重 要 ， 是 未 見 真 章 前 先 贏 信 心 的 包 裝 心 理 戰 ！
服 務 方 面 ， 坦 白 講 我 無 搵 「 妹 豬 」 試 過 ， 因 為 佢 實 在 太 full book 啦 ！ 不 過 指 天 督 地 問 呢 問 路 期 間 ， 我 一 直 有 用 眼 尾 哨 過 寵 物 美 容 師 的 服 務 態 度 同 手 勢 。 要 讚 拍 攝 日 負 責 當 值 、 擁 有 「 北 美 洲 工 作 犬 會 」 A 級 寵 物 美 容 師 專 業 資 格 的 陳 靜 雯 ， 夠 耐 性 ， 同 「 客 仔 」 史 納 莎 犬 鏟 面 毛 時 ， 相 當 細 心 ， 仲 同 我 講 話 如 果 剪 得 唔 靚 ， 狗 仔 都 會 唔 開 心 云 云 … … 嗯 ， 表 現 都 幾 肉 緊 。
Before
間 格 四 正
可 同 場 容 納 八 至 十 人 ， 及 三 隻 狗 前 中 後 洗 剪 吹 。 美 容 以 消 毒 防 菌 板 製 成 ， 長 度 高 度 可 調 校 。
消 毒 櫃
以 一 百 廿 幾 度 高 溫 消 毒 鉸 剪 毛 鏟 ， 確 保 唔 會 狗 與 狗 之 間 傳 染 。
重 量 吸
附 設 大 型 吹 風 機 及 吸 塵 機 ， 呢 頭 剪 吹 頭 即 吸 ， 我 鼻 敏 感 都 冇 發 作 ！
車 頂 儲 水
車 頂 儲 水 車 尾 藏 污 水 。 可 調 校 高 低 深 度 的 浴 缸 邊 設 有 抽 氣 扇 ， 杜 絕 貓 狗 毛 亂 飛 。
冷 氣 機
設 於 車 頂 ， 夾 埋 有 兩 部 ， 只 向 左 右 兩 邊 吹 ， 避 免 兜 口 兜 面 冷 親 狗 。
發 電 機
車 尾 內 置 發 電 機 ， 以 應 付 不 同 環 境 需 要 。
即 席 示 範
After
預 約 電 話 ： 2895 5022
營 業 時 間 ： 視 乎 booking 而 定 ； 基 本 11am-8pm
費 用 ： 細 狗 如 芝 娃 娃 $180-$320
中 狗 如 曲 架 $380-$580
大 狗 如 金 毛 $500-$780
貓 $380-$580
Spa $120-$150 （ 價 目 因 應 程 度 而 定 ）
