你真係好彩, 响你出門口前幾分鐘發生 .......
Vancouver 有時都有呢 d 事發生, 但係都係間唔中,
冇 Toronto 咁亂喎.

無陰公啦。。。。
當日係街行行下﹐見有事發生﹐去幫手既一位好心人死左
尋日出埋殯

真係好人唔好亂做。。。。

都冇諗過個人咁撚惡

係lor~
我尋日出街見到死人位都放左好多花..

第日行街重做唔做好人好?
果陣係日光日白咁多人都會發生咁o既事..

夜晚番屋企見人有事都唔知幫唔幫好

咁其實發生乜事？
個槍手是有精神病？

總之大家都小心d啦！~~
槍擊呢家野...真係防不勝防呀......

唔係叫你唔做好人,
而係 "有智謀地" 做好人.
我唔知詳細情形啦, 但係我覺得,
槍擊案岩岩發生, 佢可能目擊有人俾人射中...
去急救??
呢d情形其實應該報警lor,
救人守則都有講, 要救人, 要先確保到自身安全先.


講到好人, 我題外話咁講一單野...
話說有一次, 我阿媽o係屋企樓下行,
見到一個後生仔, 一個阿婆... 都無咩啦...
個阿婆行行下樓梯, 跌左o係度.
個後生仔o係後面見到, 上去扶佢,
點知角落有個男人走出黎, 話個後生仔行得快撞左佢阿媽(即係個阿婆) 落地.
要佢賠醫藥費.
我阿媽睇到晒... 事實唔係咁, 不過無上前...

後黎我阿媽好似有野做走左...
聽講話後黎d看更話攪到報晒警咁...

所以有時, 真係好人難做.

做好人都要好小心去做!!
instead of 去扶佢, 應該係問佢有冇事, 駛唔駛叫白車之類... 唔好有身體接觸到 lor
查起上黎, 都會查到佢地無接觸過... 點撞?

話說o向某年某日某地某時..
一男個人欺負緊一個女人..
(果時係上班繁忙時間, 係好多人o向條街度架)
咁有路人甲,乙上前阻止..
跟住個男人就無la la 向果兩個路人甲開槍..
好似都有向個女仔開槍..
之後個男人就走左..
路人甲即場死左..
路人乙同個女人都受傷..

無錯﹐個槍手係向路人甲､乙開槍
一個死左
一個早幾日醒番

其實呢種好人先無得"有智謀地"
邊個會想到朝早上班繁忙時間
會有人拔槍射好人﹖
最多咪以為射佢對付緊既女人~~

係囉
邊有諗得咁多
有時好似 QQ 講的 case ，通常都是是自然反應來的
前面有個人跌低好自然會即刻扶起佢
又例如呢單野咁
無喇喇點會諗到有人出槍
除非果度好似深圳咁亂就話提高警覺性