咁佢都要比錢架嘛, 邊有咁蠢架？

關於錢方面佢一d都唔蠢，因為有我同佢一齊share交電費，加上我又就黎走，所以不停用電。
例如：
用水：佢去次廁所係唔會關水嚨喉；
用電：1、佢24小時開冷氣，開冷氣ge同時又會開暖爐，就就人已經返工都繼續開
佢話：冷氣係因為熱，開暧爐係因為凍
我答佢：點解唔兩樣一齊都唔開呢？
佢又答我：因為個室溫唔舒合我...你係唔係有唔滿意丫？
我已經冇晒野講......

2、當雪櫃d野食冇晒，佢就會開著電咁又打開雪櫃門
佢話：咁樣可以提醒自己雪櫃冇晒野食，要去買......

3、燈24小時長著，佢話佢怕黑，我心諗：你唔會日光日白都怕黑呀嗎？

總而言之，佢乜野都係24小時長開。


相反我就唔係，因為冇野比我開著，我又冇冷氣、又冇雪櫃、又冇曖爐、又冇電視，間房只係得部Notebook同枱燈。
Notebook早上九點半至放工都o係Office，所以冇得o係房長開，到晚上先拎返房睇下劇，黎bbs玩下，就關機訓；至於枱燈，就算長著都唔會搞到三千幾度電呱...頂隆係廿幾三十度.....(

佩服, 佩服, 咁都可以忍咁耐, 你都好好嘢. 唔做家務, 冇禮貌諸如此類, 都可以算,
但長期要我無端端比多咁多錢就勢係假, 所謂講錢傷感情, 尤其係用响個無謂人身上.
我諗我發作咗好耐 lur~~你都幾"林善"嗰喎
不過算啦, 你都忍咗咁耐, 唔差在今次啦, 你都走咯.
有冇諗過衰衰地拖吓, 到你走嗰時唔比, 等佢自己哽返.

夠鐘食 dinner, 等陣返嚟再傾過~~

所以我今次唔忍呀...去同老細講。

其實老細一早都知呢單野，只係我叫老細唔好揚出去，有一次我幫老細整notebook，黎我宿舍整，麻煩友開左冷氣又房門大開咁，但係人就唔o係房，我老細好奇問我，我話唔知呀。一整整左兩個幾鍾，終於搞掂，我老細走麻煩友都未返黎，我老細話要教訓下佢，我就話唔好浪費口水，佢d咁ge人已經冇左學習能力，已經教唔聽架喇......

就o係戈陣我已經放左麻煩友一馬，不過我早有一著，因為我宿舍已經整左分錶，宿舍外ge只係方便抄錶叔叔睇，財務戈邊只係叫d人兩個一齊交免麻煩開一張就算。

今次反正最後一次交電費，一定要留返d錢去旅行。

我而家去財務部，等我好消息啦！哈哈~~

點呀個好消息？係咪要佢一個比晒呀？

搞掂左，今晚有人上黎睇分錶！Yeah!!!!

個麻煩人肯定同你嘈, 不過其實佢都着數咗好耐啦, 都應該有今日囉

嘈就一定會嘈架喇！問題係，而家理想o係我呢邊喎...

公司宿舍守則有二十五條，我數過，佢除左第一條：愛國熱情(我就唔知佢有冇做到啦)外，其餘二十四條全部犯晒。

所以我咪話你好嘢, 同埋佢好彩囉, 如果佢同其他人做 roommate, 我諗一早就比人投訴到暈

我諗唔會，因為冇人敢同佢同宿舍。

佢ge習性，大半年前已經通晒天喇...

佢成名作係：掉一對踩左狗X的波鞋連埋衫褲鞋襪，什至連底底放入洗衣機度一機洗晒。

問你怕未？

好彩我一直都係手洗底底，其他都拎去洗衣店洗。