識女仔呢家野...差唔多啦！大家啱傾就一齊囉！呢啲野，好自由ge~~~~~

講得啱吖, 你情我願, 又冇人揸住支鎗迫佢.

講開呢個話題就令我諗起個舊同事 ~
話說當年有某位同事因病住院 ,
咁我地咪去探病啦 !
去到有位白髮蒼蒼o既伯伯係度 ,
咁我地咪好有禮貌咁同佢打招呼啦 !
其中一位同事仲講:世伯 ! 你真係好錫亞xx啦 ~
跟住我住院果個同事就好尷尬咁講 : 佢係我老公o黎....

原來佢老公係佢中學時o既老師 ,
年齡應該大過我同事三十多歲 !
但係戀情唔係發生係校園內 ,
而係佢地有一次係街咁啱遇到先開始o既 ~

所以GTO"鬼蠢"老師都話啦：做教書佬，分分鐘六十歲都可以搵返到十六歲ge老婆呀！

竟然係離開學校之後發生﹖
我好想問呀﹐你同事係幾歲先撞番老師架﹖﹖

唔怪之得果時我有咁多friend 想做教師la..
唉...好後恢ar(

其實果個老師冇教過佢o既 !
不過就唔知佢幾時撞番 ,
應該都係畢業冇耐掛 ,
因為佢40幾歲時 , 佢個仔已經15、6歲 !

千祈唔好有咁o既想法呀 !
因為我弟係中學度教書 ,
佢話好驚d青春期少女會亂諗野 ,
所以就算課餘活動或者輔導 ,
都要搵多個miss一齊避免不必要o既麻煩 !
假如一個唔小心俾d女同學戀上 ,
佢玩自殺之餘仲係blog度留言話亞sir唔要佢 ,
咁就水洗都唔清啦 ~

同老師拍拖結婚個感覺會唔會好怪呢？
幾年前佢就係你老師，學校入面都要聽佢話
但係幾年後返到屋企，你就係一家之"煮"
佢就要聽返你講
同埋同0的做老師既一齊，會唔會成日講0的做人大道理呢？

其實有幾多老師重會講大道理ar..
家下好多老師都係打份工..
為兩餐..
唔係個個都係咁有理想架..
有d o向學校一個樣..
放學另一個樣..