|
我都係HK過 , 今年唔出外 ,
費事同人迫啦 !
不過就跟咗個本地一日遊 ,
我果仔話超悶wor !
又係o既果個團得d老人家 ,
真係靚女都唔多個 , (應該係冇tim )
行程就係:第一站去[恆香]睇整餅 , 仲有送老婆餅一個同有杯茶飲 !
第二站去屯門[嶺南大學]個瓊天大飯店食自助餐 ! haha ~
個自助餐最好食o既好似係果杯清茶同d青菜 ....
第三站去[美味棧]飲湯食冬菇同攞咗支頭抽豉油 !
跟住去[文武廟]同[動植物公園] ! 不過淨係睇到d雀 ....
到5:30左右就到咗尖咀[全聚德]食片皮鴨餐 ,
尾站就去九龍海濱長廊散步 !
個度就係佐敦o既填海區 ,
背住成萬蚊呎o既"凱旋門" ,
望住對岸五光十色o既商廈 ,
如果有埋煙花睇就仲正 ! 約莫7:00跟住就散隊 ~
全日食兩餐包車都係$158/位 ! 你地話正唔正 !?
跟住9號o既節目就係去拜山 ,
當然仲係封路啦 ,
好彩我地泊到車係附近 ,
所以都唔係行得好吃力 ,
如果唔係又俾個仔哦 ....
差d唔記得咗講 ,
拜完山去咗[志蓮淨院]行 ,
係佢對面街有個[南蓮園池] ,
係一座有山有水o既古典園林 ,
所有建築都係仿"唐朝"建設 ,
而且仲係2006年11月至開放 !
園內有小賣部同小食部 ,
仲有d有機食品賣tim !
我地一家人行咗約一小時左右 ,
有d累就係園內飲下午茶 ,
價錢呢就每位$50 , 有一杯咖啡或茶同一碟點心 !
點心有咸/甜兩種選擇 , 係西式o既 !
我選咗甜o既有紅/藍莓芝士餅一件 , 哈蜜瓜兩片 , 草莓半粒 ,
朱古力一粒 (唔同睇少佢呀 !要買o既話 $32/2粒呀 ) ,
仲有威化紙包全炸o既萍果批 !
而咸點就係酥皮磨菇餃兩隻 ,咸甜 兩種都好好味 ! 值得一試 ~
有時間仲可以食午/晚餐 , 分別係午餐$75/位 , 晚餐100/位 !
要食得名貴一d , 有酒席選每圍$3,000 !
點解d價錢咁特別 , 因為除咗成本外 ,
就用作志蓮o既維修保養經費 !
而志蓮祗係象徵性每年收政府一元咋 ~
不過記住唔好帶肉類入去食呀 ! 因為志蓮係佛教o架 ~
|
