救命呀~~~
D 人唔刷牙架﹖
食過咩黎呀﹖﹖

我番工成日要同客對話
咁3 9 唔識 7﹐都唔會好近距離喇掛﹗
起馬都成個幾兩個人身位丫﹗﹗

嘩﹗﹗個客把口都可以臭到我聞得到既﹗﹗
咁我咪開始退後啦﹐“詐詐帝”行番去自己個位啦~
佢又跟住咁行埋黎講野
但講來講去個3､5句﹗﹗
( 係咁叫我留貨比佢﹗又講樣野點好點好﹗)

終於﹐臭到我頂唔順﹗
要攞張紙巾掩鼻﹐扮抹鼻﹗﹗-_-﹔
費事咁揚咁掩鼻啦﹗
我同時間有閉氣架。。。。

點解﹖﹖點解有人把口會臭成咁﹖﹖﹖
唔洗刷牙架﹖﹖
定係食錯野呀﹗﹗

無聽錯的話條友仲係大學番工。。。
希望佢唔係老師﹐唔係臭死班學生。。。。

oh my god....希望你剩係面對佢一日咁多....下次見到佢要"借尿盾"

我相信佢係有刷牙嘅, 可能腸胃唔好, 都會有口臭架,
聽講話重係會自己聞唔到嘅, 信不信由你啦.

好大可能係呢個原因, 亦有可能係爛牙!

但會唔會係苦肉計? 可能佢驚三姑唔留貨比佢, 所以專登搞到把口咁臭, 希望三姑唔想成日見到佢而留貨?

如果係腸胃唔好﹐可以體諒既﹐但唔通冇人同佢講過呢個問題?  因為如果我知道自己有問題﹐就應該注意下啦﹐起碼食塊香口膠先同人講野囉。

口氣呢樣野﹐除非自己搵隻手去 "呵" 下﹐否則通常都係對面既人先聞到既。  三姑﹐您成日都要見到佢架?

真係唔知最大成因係咩
但係原本刷"利"都好緊要。。。。
三姑，你下次都係再閃開0的啦
同佢講你感冒，叫佢唔好行咁埋
傳染佢就唔好啦

你話0個個人係男定女呀？

隔兩個人身位都聞到？佢啲口氣都幾勁個喎......

其實除了刷脷外, 牙肉和上下口腔都要刷;
如果係腸胃唔好, 最好齎戒十日八日, 食下白粥,
飲多些果汁, 都會有幫助.

至於三姑, 緊係要準備定一支小型噴霧香水,
再有咁情況出現, 一於噴之可也.

我做咩要扮病﹐仲要浪費香水去對付佢﹖
我先唔制﹗﹗拿拿聲講兩句趕佢出門就最好喇﹗﹗

其實如果你地身邊有人口臭 (例如朋友)﹐你地會唔會提一提佢﹖﹖

比我實會講﹗起馬都問“你今朝係咪趕時間無刷牙﹖”

唔得呀！如果係佢嘅口氣黎講，應該已經係病呀...