又係一年容易又中秋呢句開場白~
你有無試過中秋落公園玩煲蠟丫﹖
你有無試過煲蠟煲到燒左條毛丫﹖
你有無試過中秋去食聖誕大餐丫﹖
你有無試過食月餅食到有紙條丫﹖
你有無試過中秋見唔到有月亮丫﹖

有就岩喇﹗快D 黎講下你覺得好特別､好難忘既中秋節啦﹗
XG 就送比你喇~

遊戲規則
- 每會員只限回覆一次﹐否則作棄權論
- 回覆必需多於30 字數(不計標點)﹐否則作棄權論
- 內容必需跟中秋節有少許關連
- 想更改答案請編輯帖子
- 新天藍所有會員均可參加
- 如有問題請PM 茶舍老闆娘三姑

遊戲獎賞
- 每個合資格回覆均獲得參賽獎2 XG
- 按回覆文字數量､內容質量而定﹐由茶舍老闆娘選出兩個勝出帖子﹐各得16 個XG。另視乎三姑心情隨量加分

新天藍團長及茶舍老闆娘有最終決定權

截止日期
HKT 06/10/06 零晨  <-- 真係中秋後先算你地帳架﹗

依!!!
3姑你今次依個post又係我做第1個客仔噃~~~
嘻嘻!!!
咁等我講吓我最難忘果個中秋啦~~~

時間:當然係中秋正日8月15啦
人物:我,女朋友,女朋友細妹,加上我一個壞朋友,仲有一d唔熟嘅人
地點:唔好意思,唔記得就奇啦! 喺hk屯門某處...

事原係......
上年第1次帶女朋友返屋企一齊團圓!!! (佢係第1個女朋友跟我返屋企做節...)
我起初都以為女朋友會用要同屋企人團圓嘅藉口推咗我嫁~~~
但係估唔到佢會話好!!!
答應我跟我一齊返屋企同我屋企人一齊團圓......

晚上食飯就唔講咁多啦~~~
果晚終知就係比屋企人玩到死哂啦我~~~ (勁慘...()
跟住食完飯就出去啦~~~
因為約咗我個frd同埋女朋友個妹一齊行吓加賞月嘛~~~
然後我哋早到咗就自然搵地方坐吓傾吓咁......

跟住我個壞frd打電話嚟問我到咗未???
我話到咗好耐啦~~~
佢話自己都到咗好耐仲開始玩緊tim!!!
仲話女朋友個妹都同佢一齊~~~
咁我哋就慢慢行過去啦~~~

到咗啦~~~
原來我個壞frd同女朋友個妹喺果到識咗一d新朋友!!!
佢哋成班喺玩煲蠟!!!
我女朋友驚就冇走埋去一齊玩~~~
咁我哋就睇啦~~~
跟住果班唔熟嘅人冇啦啦淋水落d蠟到!!!
搞到d蠟彈到周圍都係!!!
好彩我女朋友一直係我後面睇咋~~~
唔係就中哂招啦~~~
但係我就幫女朋友擋哂!!!
所以變我中哂招囉~~~
不過我果時著咗褸同埋即時拎轉個身!!!
所以都只係輕微灼傷...... (女朋友個妹同我個壞frd就好彩果時行咗去買嘢囉~~~)

跟住果班搞事嘅人就比我鬧到7彩!!!
佢整傷我哋任何一個!!!
我一定會搞大佢嫁~~~>
好彩冇咩事,所以鬧完就算啦......
所以上年中秋係咁多年嚟最難忘嘅中秋!!!

勝出帖子: 嘻嘻哈哈獎

參賽獎: 2 XG

你有無試過中秋落公園玩煲蠟丫﹖當然有啦 ~隔離屋果個仲燒埋飲管tim !
你有無試過煲蠟煲到燒左條毛丫﹖就係隔離屋果個燒飲管俾佢燒親,搞到隻手而家都有個印 !
你有無試過中秋去食聖誕大餐丫﹖中秋開party就試得多 ~食壽司同pizza果d !
你有無試過食月餅食到有紙條丫﹖食月餅食到個旦王就有 ~ 你講果d係揭竿起義果d ?
你有無試過中秋見唔到有月亮丫﹖好多年都係呾啦 ~hk空氣污染a 嘛 !

以上o既自問自答唔係主題 ! 以下o既先至係 !


"明月松間照,清泉石上流.........."
雖然果次o既中秋節唔係好似王維講o既場面 ~
但係心中有咁o既畫面就得o勒 !

話說當年仲係年青o既我 ,
當然係一放假就溜出去玩 ~
果時一班志同道合o既好友至鍾意去宿營 ~

咁啱有次中秋節有三天大假 ! 嘩 , 仲得了~

咁就跟大哥(跟亞哥出去唔會俾老媽哦 )、
男友(而家係老公)同埋一大班朋友又去camp ,
果度係大嶼山o既一個村落(個名唔記得) ,
大哥有個中學同學剛好係果度村長個仔 ,
租屋當然冇問題啦 ~ 佢仲做埋我地導遊tim ~

第一日就搭船去昂平 , 咁村長個仔就o黎接我地 ....
原來仲要坐艇o架 ? 好似而家d大飛咁 !
驚濤駭浪呀 ,唔知坐咗幾耐終於到o勒 ....

分好房已經食晚飯 , 食完就訓 ...
第二朝已經一早有節目o勒 ,
就係跟大隊去沙灘摸硯 ,  
我呢個城市人真係第一次咋 !
跟住仲搞笑 , 就係走去捉田雞 ,
原來田雞真係係田度生活 ,
你估用咩引佢地上釣 ?
登登登登......
就係用燒肉o勒 !
呢個方法係村長個仔偶然間發明o既 !
哈哈 ! 當晚食o既就係日間o既獵物 ....

咁飯後當然有好多活動啦 ! 有人打麻雀 , 有人睇電視 ....
鄉村生活係咁o既啦 ! 咁我地有d唔好以上o既活動o既人 ,
就係屋外吹水o勒 ~
吹吓咩人生大計 , 咩目標 , 幾時結婚 ? 幾時買樓 ?.....
哈哈 ! 盡是吹水笑談中 ~

唔記得果日係咪正十五 , 不過個月亮真係好皎潔明亮 !
加上當時男友係身邊 , 真係覺得好幸福 !

慶祝o既方式雖然係好平淡 ,
但係過咗咁多年我都不時記起果次o既中秋節 ~

勝出帖子: 團團圓圓獎

參賽獎: 2 XG

年年中秋都悶悶地地過呀
對不起，沒有什麼特別
記得一讀中三時中秋正日，同朋友去BBQ，看到人地煲蠟，突然好大火，樹著火呀，要消防員到場，其他中秋日字都沒有好講了，都是平平(

參賽獎: 2 XG

記得細個果陣中秋好有氣氛ga... 一家人食月餅，果d月餅唔係好似依家甘好包裝
係4個一筒曡住，外面用油紙包住，少少見到油紙上邊摻住油
跟住拆開張油紙就聞到撲鼻的香氣，果种感覺依家已經完全無曬
其實以前甘包裝幾環保又經濟，依家淨係包裝都佔佐好大成本
拆開就送去堆填區，送錢去堆填又破壞環境，幾唔好啊~
仲有覺得以前d月餅好好食，可能以前物質生活唔好，無好野食
一到中秋有月餅就好似放生甘
依家平時食得好野多，月餅製作又機械化，無佐人手果种溫馨甘
所以就特別懷念以前到中秋食月餅啦

除佐食月餅當然就仲有一大班小朋友玩蠟燭啦
果陣時讀緊小學，一到中秋就一齊落下面公園仔點燈籠
剛開始係點蠟燭果种紙燈籠，其實都幾危險嫁
後尾玩下玩下就變佐煲蠟，搞到公園仔燈火通明，嚇倒路過的人紛紛走避
仲不停閙我地"你地班死靚仔，火燭你地就死"
晚到越來越激沃仲要比火柴燒到塊面，痛到傻佐><
簡直就係血的教訓………… 到後來玩電燈籠，就無甘危險啦
不過到依家都記憶猶新，如果果次歪少少，就比火柴插到眼啦，怕怕…………@@

參賽獎: 2 XG

三姑 :
你唔講﹐我都唔記得有咁既包裝﹗係早幾年睇電視﹐我先知有呢隻包裝咋~ 講真我覺得舊時咁樣包仲好﹗﹗

中秋本來是象徵團圓. 但近幾年的中秋對我來講就跟平常一樣, 工作,放工,回家上網. 因為弟弟們出國工作,家里沒剩幾個人, 所以也沒有了過節的氣氛.

去年的中秋節是剛好幫兩個同事辦歡送會. 有的同事帶孩子來, 看小朋友們在那邊東奔西跑, 玩燈籠. 又再次感受到中秋的歡樂.

希望今年的中秋會有所不同.

參賽獎: 2 XG

最深刻的中秋, 一定是上年....

黎左外國咁耐,,,邊有中秋節家..........

但上年我家人特地過來, 還bring 我最喜歡的冰* 月 餅, 燈籠, .....

痛痛快快玩了整過晚上.....
真快樂.........

但好快, 中秋( 友) 到了.......

家人仍在香港...和我距離十萬九千里.......

人在異鄉, 每逢佳節倍思親......

Mummy I miss you!!!!

(((

參賽獎: 2 XG

有難忘...中秋上森林吹水吹到俾人話...@@仲有...呢2年興玩用candles煮野食...第1年有花生...第2年仲激...燒埋腸仔..今年燒咩好??答案係..矛得燒..要去camp....

參賽獎: 2 XG

記得好耐好耐之前(年幾大唔記得咗)，中秋節前一日，
已經預備好燈籠中秋同左鄰右里D小朋友一齊玩(當時屋村好正)；
真係人算不於天算((
中秋當日o係學校下晝上緊堂(當時返全日)覺得頭暈暈，好想瞓，
自己又無通知老師，放學就死吓死吓返屋企，一入屋卽時上牀瞓，
到食飯時比人叫醒，平時見到D魚、蝦、蟹、雞，一定
當時仲未知咩事，食唔落，屋企人叫我瞓吓夜D食，之後，亞媽摸吓我個額頭好興(o係好熱先啱)
卽時探吓熱，原來已經105度(當時唔識送我去醫院)，好彩最後都無事(如果唔係點用大家講)
不過中秋嗰晚咩都無得做，只係睇人開心
希望大家小心身體，健康是福

參賽獎: 2 XG

試過睇到至激野 既中秋, 不過主人翁唔係我 ..hehe

見到 不遠處有人煲爉 整到好大火, 之後有人掉個火機落去 @o@...
只聽到boom 一聲, 哈哈, 好在無傷亡

參賽獎: 2 XG