曾經在 馬來西亞 既 檳城 (Penang) 食過一碗由當時導遊介紹既「阿三喇沙 」既湯麵後﹐曾在北美四處尋找﹐希望可以再試到相近既風味。

馬來西亞餐在 Washingon D.C. 一帶就較少。 其中較為出名既﹐可能就係一間叫 Penang 檳城 既餐館﹐Penang 響美國東岸都開左好幾間分店﹐所以呢一間  Malaysia Kopitiam 就可能好易被人忽略。

Mayalsia Kopitiam 其實又唔係話特別好食既﹐不過佢地既炒粉麵都幾夠鑊氣﹐而佢地既 「阿三喇沙 」就做得都幾似當年我食過既果碗「阿三喇沙 」囉!!

前兩日岩岩又再去食﹐今次發覺一入到去有一朕舊地氈味﹐令到我地幾個人都眉頭一皺...  不過既然黎到﹐又無理由唔食既。

我就當然係叫返阿三喇沙啦!!  幾好味喎!!  亦幾夠飽。  個湯酸酸辣辣好野味!  不過有 d 人唔係咁受到果朕味。




我朋友叫左炒銀針粉﹐佢就話炒得臨得滯。




Minnie 就叫左 Curry Laksa Chicken Noodle Soup﹐即係咖喱雞湯粉﹐都唔錯喎﹐個咖喱都唔錯﹐有少少印度咖喱味。




如果想響呢一帶搵 malaysia 野食﹐呢間都可以一試既。

ai...we don't even have Malay/ Singapore food in Seattle except one place, but is not that good...