由 Washington, D.C. 去 Annapolis, MD﹐ 大概要 40 分鐘車程。
果日天氣好﹐同朋友走左去 Annapolis, Maryland 行左半日。
Annapolis 係 Maryland 既首都﹐係一個靠住海邊既城市﹐所以出名食海鮮。 當然係西式既煮法啦。
因為我地都唔係太熟﹐其中一個朋友就話不如試下 O'Brians Oyster Bar﹐咁就入去食左個 Lunch。
我見佢個餐牌﹐叫一個 entree 都要十幾蚊﹐所以就決定食佢個 All-u-can-eat Brunch Buffet 勒﹐因為都係 USD 22﹐但有多 d 選擇囉。
D 野食都 OK 既﹐但係就冇咩驚喜。 食得好飽﹐唔係難食﹐但又唔係咩超正既 Buffet。 我估佢地亦唔係咁拿手做 Buffet﹐以下有講 (sushi 事件)。 同埋﹐通常有個人負責切肉俾客人﹐又有人負責 refill d 食物架嘛﹐響果度竟然係同一個人包辦﹐所以有時我地想羅 prime rib 時﹐果個人失左蹤﹐有時 d 食物冇晒時﹐果個人又 serve 緊人唔得閒 refill。
首先第一碟我食熟食先 (加左兩舊壽司)﹐咩都羅 d 咁囉。 值得講講係﹐佢地有壽司﹐但竟然冇豉油同 wasabi!!! 豉油我要問個 waitress 羅先有。
跟住就進攻 raw bar﹐勁食生蠔。 D 蠔好新鮮喎!! 可能因為佢地係出名食蠔啦﹐所以唔可以太差既。 個生蜆就普普通通﹐又或者係我唔識食。
跟著又食返 prime rib﹐再整多個即叫即煮既 omlet。
食左幾轉生野熟野後﹐都已經好飽架喇﹐但當然要食埋生果我先肯收手啦... hehehe。 D 生果都係普通貨色。 甜﹐但係周圍都食到。
呢個係我 d friends 叫既 Mini Burgers。 佢地話麻麻地。
呢個係我 d friends 叫既 炸蠔﹐佢地話唔錯喎!
呢個係我 d friends 叫既 炸鮮魷 (fried calamari)﹐佢地話都係普通!
