30會考生多15分鐘答卷
(星島) 04月 28日 星期一 05:30AM
(綜合報道)
(星島日報    報道)上周六舉行的會考    中國語文科卷五綜合能力考核，除了因試題出現多個「潮語」惹來批評，更首次揭發有試場「超時」。藍田聖保祿中學其中一個作為試場的課室，因監考員錯計開考時間，讓三十名考生獲得額外十五分鐘作答。考評局    證實收到「超時」報告，有考生及教師均批評十五分鐘足以影響一個等級，對其餘十萬名考生不公平，要求調整該批考生分數，以及向監考員追究責任。

　　記者：謝家穎

　　會考中文科卷三的聆聽及卷五的綜合能力考核，已於上周六完成，但多名會考生昨於網上討論區批評，藍田聖保祿中學及九龍城九龍真光中學的其中兩個試場，考生應考卷五時，較指定的一小時十五分鐘，多出十五分鐘時間作答。有考生指：「十五分鐘，我由一級變五*啦！」更有人提出會考後發起遊行，向考試及評核局反映不滿。

　　足可影響一個等級

　　考評局發言人表示，接到藍田聖保祿中學的試場報告指，其中一個課室因監考教師錯誤計算開考時間，令考生多了十五分鐘作答時間，涉及約三十人，但暫未接到其他試場報告。該局會把事件交由常設委員會商議及跟進，暫未確定會否調整分數，強調必會按公平原則作考慮。

　　上周六監考中文科的吳老師指，聆聽與綜合能力考核的內容互有關連，故兩卷考試時間接連進行，「監考教師應在錄音聽到三下『』聲，開始計一小時十五分鐘的考試時間，錄音都有清晰指示，可能該監考員完了錄音才計，便會多了約十五分鐘。」她認為，會考中文科新課程今年才第二次舉行，估計該監考教師並非教中文科，不熟悉考試流程而出錯。

　　教育評議會副主席何漢權指：「這麼重要的公開試計錯時間，真是第一次聽見。」他認為，該卷要求考生撰寫文章，十五分鐘的影響甚大，「十五分鐘不是十五秒，可寫多很多字，至少影響了一個grade（等級）。」

　　何漢權建議，考評局須調整該批考生的分數，否則對其餘十萬名考生不公平，但同時應參考考生平日及其他卷的成績，避免「殺錯良民」，「相信要調整很複雜，但都一定要計，可找精算師給予意見。」他續稱，該局應研究是否須向有關的監考教師追究責任，並須檢討考試程序，避免同類事件重演。

*********************************************************
係個先生出錯~~~~~

比多左時間d學生~~~~~~~

又唔係學生犯錯~~~~~~

但而家要調整返學生d分數~~~~~

好似唔係好公平wo~~~~~~

老實講, 香港考生的中文寫作水平係咪咁高先? 15分鐘可以多一個grade? 係, 應該係要公平, 但話15分鐘好大影響 ... 似乎太高估所有在場的考生啦! 如果真係講到咁高水平, 點解家下的大學生中英文都唔得?

而且比比都講得好o岩, 係監考教師出錯, 如果咁都要整批在場考生調整, 咁每年實有改錯卷咪又要整批考生調整?

我個人認為要調整係o個位副主席先生, 佢太過一字一眼太官僚啦!

如果個學生寫字慢..可能真係會影響一個grade..
未寫完多15mins 變成寫好晒..
但係如果個學生o向完巻前己經做完..
果extra 15 mins 只係訓覺冇理由要扣人地分..
所以其實好難一刀切話要調整分數..
對果d 一早做完果d 好唔公平..

比我揀..受影響只係30人..
可能升左grade o既都係得幾個人..
咪由佢lor..冇理由要另外d 學生陪佢地降grade..
加上係老師錯..唔係學生錯..
d 學生考試果時都唔知會多15mins..
好可能係考到最後先知..
所以多出果15mins 作用其實不太大..

點解 家下D人,下下都要上網討論, 之後又話咩發起遊行- -

15 MINS 其實 真係足夠寫多一個段....

但係 一個GRADE就真係難D...

15MINS 寫之餘都仲要想點寫...

經我改咗咁多年assignment既經驗
15分鐘一定唔可以多一個grade
正常考生會自己keep track時間，基本上未夠鐘就做完
你比多少少時間佢，佢最多係可以改下錯字咁，幫助唔大

咩精算師識計咩？
問咗我個做精算教授朋友，佢話無得計！