如果可以分類會好D....例如: 甜品類, 蛋糕類, 中式菜, 西式菜等....可以看得清楚些....

好呀﹐您可唔可以提議 d 種類呢?  現有既 前菜/主菜/甜品/湯類 的各未係最清楚﹐但如果用國家分類﹐又唔能夠與現有類別共用﹐否則就會有 前菜/主菜/甜品/湯類/中菜/西式菜/蛋糕.. 咁變左 d 會員會唔知 "蛋糕" 係屬於 蛋糕 定係 西式菜.. 又如果會員想出 中式甜品﹐會唔會唔知應該屬於 中菜 定 甜品 呢?

如果您能提議一下點分類﹐我地絕對會考慮修改!  

首先分為中菜/西菜/其他三大類, 之後每一類再細分為 前菜/主菜/甜品/湯類 咁又如何?

又或可分為:
前菜 -> 中式/西式/其他
主菜 -> 豬/牛/羊/素 ....... 或 煎/炒/煮/炸/蒸 ......
湯 -> 中式/西式/其他
甜品 -> 中式/西式/蛋糕/其他

其實唔需要太複雜可以好似ultraegg咁講因為有太多種類我都明白好難分得好清楚你可以分類得簡單D但如想詳盡D可以參考下以下嘅例子

1)
點心食譜:  中式/ 西式/ 其他
蛋糕食譜:  中式/ 西式/ 其他
餅乾/ 曲奇/ 麵包食譜: 中式/ 西式/ 其他
甜品食譜:  中式/ 西式/ 其他
湯類食譜:  中式/ 西式/ 其他

又或者

2)
西式
     沙律 、前菜 、湯羹 、主菜、配菜 、凍甜品 、熱甜品 、賀節食品 、其他食品、飲品

中菜
　 湯羹、中菜、飯、麵、糖水、中式糕點、點心、中式小食、賀節食品、飲品
　
各國美食
　 日本食品、韓國食品、泰國食品、台灣食品、東南亞食品
　
基本海綿蛋糕
　 基本蛋糕、麵糊、批皮、海綿蛋糕、雪芳蛋糕、天使蛋糕
　
各式蛋糕
　 芝士蛋糕、慕士蛋糕、特式蛋糕、朱古力蛋糕、蛋糕卷、磅蛋糕
　
曲奇、批、鬆餅
　 曲奇、餅乾、批、撻、卷、酥、小蛋糕、鬆餅
　
麵包
　 鹹麵包、甜麵包、中種、湯種麵包
　
雪糕、糖果、果醬
　 雪糕、糖果、朱咕叻、果醬

但我覺得2)會比較好D....唔知會唔會好麻煩mickeyGoUp你呢??? 又或者可以用投票方式問下其他會員嘅意見.....希望可以幫到你啦.....

多謝 ultraegg 同 adelinelln 既提議。 好詳細!  唔會麻煩﹐一係唔整﹐一係就整詳細 d﹐唔洗將來再加嘛。

我有幾個問題:

1) 基本海綿蛋糕 以下又有 基本蛋糕、麵糊、批皮...?  可唔可以同 各式蛋糕 合拼呢?

2) 曲奇、批、鬆餅  有冇統清呢?

3) 雪糕、糖果、果醬  有冇統清呢?

直頭係bakery~~~
對我呢d唔識分~~淨係識食既~~
就唔識分咁多野架喇

Hmm.. 好啦﹐咁等我度度佢...     唔該兩位。

如果其他會員有提議﹐歡迎回帖。